കോഴിക്കോട്: മുസ്‌ലിം-ക്രിസ്ത്യന്‍ മതവിഭാഗങ്ങള്‍ക്കുനേരെ ശിവസേനയും സംഘ് പരിവാറും നടത്തിക്കൊണ്ടിരിക്കുന്ന പ്രകോപരപരമായ പ്രസ്താവനകള്‍ രാജ്യത്ത് നിലനില്‍ക്കുന്ന മതസൗഹാര്‍ദ്ദം തകര്‍ക്കാന്‍ മാത്രമേ ഉപകരിക്കുകയുള്ളൂ എന്നും ബഹുസ്വരതയുടെ അടിസ്ഥാന ഘടകമായ ജനാധിപത്യത്തെ തകര്‍ക്കുംവിധമുള്ള പ്രസ്താവനകളില്‍ നിന്ന് ബന്ധപ്പെട്ടവര്‍ പിന്തിരിയണമെന്നും കെ എന്‍ എം സംസ്ഥാന സമ്പൂര്‍ണ്ണ കൗണ്‍സില്‍ അഭിപ്രായപ്പെട്ടു.
മുസ്‌ലിം വോട്ടവകാശം റദ്ദാക്കണമെന്നും ജനസംഖ്യ കുറയ്ക്കുന്നതിനായി ന്യൂനപക്ഷങ്ങള്‍ക്കെതിരെ അടിയന്തിരാവസ്ഥ പ്രഖ്യാപിച്ച് സര്‍ക്കാര്‍ നിര്‍ബന്ധിത വന്ദീകരണം നടത്തണമെന്നുമുള്ള ഹിന്ദു മഹാസഭാ വൈസ് പ്രസിഡണ്ട് താദ്ധിദേവിന്റെ പ്രസ്താവന വര്‍ഗീയ വിഷം പരത്തുന്നതാണെന്നും ഇന്ത്യയുടെ പൈതൃകത്തെയും പാരമ്പര്യത്തെയും വെല്ലുവിളിക്കുന്ന പ്രസ്താവനകളിലെ അപകടം തിരിച്ചറിയണമെന്നും കൗണ്‍സില്‍ ആവശ്യപ്പെട്ടു.
മുസ്‌ലിം വോട്ടവകാശം റദ്ദാക്കണമെന്നും ജനസംഖ്യ കുറയ്ക്കുന്നതിനായി ന്യൂനപക്ഷങ്ങള്‍ക്കെതിരെ അടിയന്തിരാവസ്ഥ പ്രഖ്യാപിച്ച് സര്‍ക്കാര്‍ നിര്‍ബന്ധിത വന്ദീകരണം നടത്തണമെന്നുമുള്ള ഹിന്ദു മഹാസഭാ വൈസ് പ്രസിഡണ്ട് താദ്ധിദേവിന്റെ പ്രസ്താവന വര്‍ഗീയ വിഷം പരത്തുന്നതാണെന്നും ഇന്ത്യയുടെ പൈതൃകത്തെയും പാരമ്പര്യത്തെയും വെല്ലുവിളിക്കുന്ന പ്രസ്താവനകളിലെ അപകടം തിരിച്ചറിയണമെന്നും കൗണ്‍സില്‍ ആവശ്യപ്പെട്ടു.
കേന്ദ്ര സര്‍ക്കാറിന്റെ പ്രതിരോധ വകുപ്പ് മന്ത്രിയേയും പ്രതിരോധ വകുപ്പിന്റെ നെഗോസിയേഷന്‍ കമ്മിറ്റിയെയും നോക്കുകുത്തിയാക്കി പ്രധാനമന്ത്രി നരേന്ദ്രമോദി നേരിട്ട് നടത്തിയ റാഹേല്‍ ഫോര്‍ വിമാനകരാറിന്റെ നിഗൂഢതകള്‍ അന്വേഷിക്കണമെന്നും കൗണ്‍സില്‍ ആവശ്യപ്പെട്ടു.
മേപ്പയ്യൂര്‍ സലഫി ക്യാമ്പസില്‍ നടന്ന ദ്വിദിന കൗണ്‍സില്‍ ആള്‍ ഇന്ത്യ ഇസ്വ്‌ലാഹീ മൂവ്‌മെന്റ് ജനറല്‍ സെക്രട്ടറി ഡോ.ഹുസൈന്‍ മടവൂര്‍ ഉദ്ഘാടനം ചെയ്തു. ഇസ്‌ലാമിക വിശ്വാസം വളര്‍ത്തിയെടുക്കാനും മതപ്രബോധന മേഖല സജീവമാക്കാനും അദ്ദേഹം ആഹ്വാനം ചെയ്തു. സി പി ഉമര്‍സുല്ലമി അധ്യക്ഷത വഹിച്ചു. ഡോ.കെ ജമാലുദ്ദീന്‍ ഫാറൂഖി, പി കെ ഇബ്രാഹിം ഹാജി, എ വി അബ്ദുല്ല, ഡോ.പി പി അബ്ദുല്‍ ഹഖ്, ഹാഷിം ആലപ്പുഴ, ഡോ.പി മുസ്തഫ ഫാറൂഖി തുടങ്ങിയവര്‍ പ്രസംഗിച്ചു. ജനറല്‍ സെക്രട്ടറി എം സ്വലാഹുദ്ദീന്‍ മദനി പ്രവര്‍ത്തന രൂപരേഖയും ട്രഷറര്‍ എ അസ്ഗര്‍ അലി വാര്‍ഷിക വരവ് ചെലവ് കണക്കുകളും സെക്രട്ടറി സി അബ്ദുല്ലത്തീഫ് മാസ്റ്റര്‍ പ്രവര്‍ത്തന റിപ്പോര്‍ട്ടും അവതരിപ്പിച്ചു.
കഴിഞ്ഞ ദിവസം അന്തരിച്ച സംസ്ഥാന വൈസ് പ്രസിഡണ്ട് കെ ഹസ്സന്‍ മദനിയുടെ പാരത്രിക മോക്ഷത്തിനായി പ്രാര്‍ഥിച്ചു. ടി പി അസീല്‍ അസ്‌ലം, അബ്ദുല്‍ ഗഫൂര്‍ തിക്കോടി, കെ പി സകരിയ്യ എന്നിവര്‍ ക്ലാസെടുത്തു.
രണ്ടാം ദിവസം പി മൂസ സ്വലാഹിയുട ക്വുര്‍ആന്‍ പഠന ക്ലാസോടെ ആരംഭിച്ചു. സെക്രട്ടറി ഉബൈദുല്ല താനാളൂര്‍ പ്രമേയാവതരണം നടത്തി. ബിപിഎ ഗഫൂര്‍, ഡോ.എം അബ്ദു റസാഖ് സുല്ലമി, ഷുക്കൂര്‍ കോണിക്കല്‍, ഹാഫിസ് റഹ്മാന്‍ മദനി പുത്തൂര്‍, ഐ പി അബ്ദുസ്സലാം, ഷംസുദ്ദീന്‍ പാലക്കോട്, അബ്ദുല്ലത്തീഫ് കരുമ്പുലാക്കല്‍, ഡോ.സലീം ചെര്‍പ്പുളശ്ശേരി, സി മമ്മു കോട്ടക്കല്‍ പ്രസംഗിച്ചു.
ചര്‍ച്ചയില്‍ ഡോ.വി കുഞ്ഞാലി, അബ്ദുല്‍ കരീം വല്ലാഞ്ചിറ, ഇ ഒ അബ്ദുല്‍ അസീസ്, പി പി ഖാസിം ഹാജി, ഹംസ സുല്ലമി മൂത്തേടം, ഹമീദ് കുനിയില്‍, അബ്ദുസ്സലാം കൊടുവള്ളി, മുഹമ്മദ് ഇഖ്ബാല്‍ വെട്ടം, സഈദ് തളിയില്‍, നസീര്‍ വടകര, വി പി മൊയ്തു, മുജീബ് കോക്കൂര്‍, അഷ്‌റഫ് ചെട്ടിപ്പടി, എം ഐ മുഹമ്മദലി സുല്ലമി, എന്‍ എം അബ്ദുല്‍ ജലീല്‍, കെ അബ്ദുസലാം സുല്ലമി, ഹമീദലി അരൂര്‍, അസ്‌ലം സലീം എന്നിവര്‍ പങ്കെടുത്ത് സംസാരിച്ചു.
