മുജാഹിദ് ഐക്യം സ്വാഗതാര്‍ഹം -കെ എന്‍ എം

കോഴിക്കോട്: മുജാഹിദുകള്‍ക്കിടയില്‍ ഐക്യം കാലഘട്ടത്തിന്റെ ആവശ്യമാണ് എന്നും 2001 ജൂണ്‍ 4ന് കേരള ജം ഇയ്യത്തുല്‍ ഉലമ നിര്‍വ്വാഹക സമിതി എടുത്ത നിലപാട് ഇതിന് അടിസ്ഥാനമാക്കാമെന്നും ഐക്യശ്രമങ്ങള്‍ക്ക് വേണ്ടി ഏത് ഭാഗത്ത് നിന്ന് ഉണ്ടാവുന്ന ശ്രമങ്ങളേയും പിന്തുണയ്ക്കുമെന്നും കോഴിക്കോട് മര്‍ക്കസുദ്ദഅ്‌വയില്‍ ചേര്‍ന്ന കെ.എന്‍.എം. സംസ്ഥാന പ്രവര്‍ത്തക സമിതി പ്രഖ്യാപിച്ചു.

യോഗത്തില്‍ കെ.എന്‍.എം.സംസ്ഥാന പ്രസിഡണ്ട് ഡോ.ഇ.കെ.അഹ്മദ്കുട്ടി അദ്ധ്യക്ഷത വഹിച്ചു. 2014 ഫിബ്രവരിയില്‍ കോട്ടക്കലില്‍ നടക്കുന്ന മുജാഹിദ് 8ാം സംസ്ഥാന സമ്മേളനത്തിന്റെ ലോഗോ ഇന്ത്യന്‍ ഇസ്‌ലാഹി മൂവ്‌മെന്റ് ജനറല്‍ സെക്രട്ടറി ഡോ.ഹുസൈന്‍ മടവൂര്‍ പ്രകാശനം ചെയ്തു. അടുത്ത ഒരു വര്‍ഷത്തേക്കുള്ള പ്രവര്‍ത്തന രൂപരേഖ അവതരിപ്പിച്ചു.
സംസ്ഥാന ജനറല്‍ സെക്രട്ടറി സി.പി.ഉമര്‍ സുല്ലമി, ഡോ. ഹുസൈന്‍ മടവൂര്‍, എ.അബ്ദുല്‍ ഹമീദ് മദീനി, ഡോ. ജമാലുദ്ദീന്‍ ഫാറൂഖി, പി.കെ.ഇബ്രാഹീം ഹാജി, എ.അസ്ഗറലി, എം.സ്വലാഹുദ്ദീന്‍ മദനി, പ്രൊഫ.എന്‍.വി.അബ്ദുറഹിമാന്‍, ഡോ. മുസ്തഫ ഫാറൂഖി, പി.പി.അബ്ദുറഹിമാന്‍ മാസ്റ്റര്‍, ഡോ.പി.പി.അബ്ദുല്‍ഹഖ്, കെ.പി.സകരിയ്യ, പി.ടി.വീരാന്‍കുട്ടി സുല്ലമി, ഉബൈദുല്ല താനാളൂര്‍, കെ.അബൂബക്കര്‍ മൗലവി, സി.മമ്മു, ഇസ്മാഈല്‍ കരിയാട്. അബ്ദുല്‍ വാഹിദ് മയ്യേരി, ജാസിര്‍ രണ്ടത്താണി, സലീം കരുനാഗപ്പള്ളി, ഡോ.പി.പി.മുഹമ്മദ്, സലീം ചെര്‍പ്പുളശ്ശേരി, ബഷീര്‍ അന്‍സാരി, ഷംസുദ്ദീന്‍ പാലക്കോട്, കെ.അബ്ദുല്‍കരീം എഞ്ചീനീയര്‍, എന്‍.എസ്.എം.റഷീദ് കോട്ടയം, അലിമദനി മൊറയൂര്‍, അബ്ദുല്‍ലത്തീഫ് കരിമ്പുലാക്കല്‍, ഹാഫീസുല്ല പാലക്കാട്, കെ.എ.സുബൈര്‍ ആലപ്പുഴ, അബ്ദുല്‍ഗനി സ്വലാഹി, പ്രൊഫ.സൈനുദ്ദീന്‍ തിരുവനന്തപുരം, ഈസാ അബൂബക്കര്‍ മദനി, എന്‍.എം.അബ്ദുല്‍ ജലീല്‍, കെ.അബ്ദുല്‍ ഖയ്യും സുല്ലമി, ടി.പി. മൊയ്തു വടകര, എം.ഐ.മുഹമ്മദലി സുല്ലമി, മുഹമ്മദ് തയ്യിബ് സുല്ലമി, സി.മരക്കാരുട്ടി, വി.പി.അഹമ്മദ് കുട്ടി മദനി പ്രസംഗിച്ചു.

Read More

മുജാഹിദ് ഐക്യം: സമുദായനേതാക്കള്‍ മുന്‍കയ്യെടുക്കണം-കെ ജെ യു

കോഴിക്കോട്: മുജാഹിദ് ഐക്യം പ്രസ്ഥാനത്തെ സ്‌നേഹിക്കുന്ന എല്ലാവരുടെയും താല്‍പര്യമാണെന്നും ഇതിനായി സമുദായ നേതാക്കള്‍ രംഗത്തിറങ്ങണമെന്നും മര്‍കസുദ്ദഅ്‌വയില്‍ ചേര്‍ന്ന കെ ജെ യു സംസ്ഥാന നിര്‍വാഹകസമിതി യോഗം ആവശ്യപ്പെട്ടു. 2002-ലെ ഭിന്നതയ്ക്ക് മുമ്പ് കേരള ജംഇയ്യത്തുല്‍ ഉലമയും കെ എന്‍ എമ്മും എടുത്ത ആദര്‍ശപരവും സംഘടനാപരവുമായ തീരുമാനങ്ങള്‍ ആത്മാര്‍ത്ഥമായി അംഗീകരിച്ചാല്‍ ഐക്യം സാധ്യമാവും. മുജാഹിദുകള്‍ക്കിടയിലെ ഐക്യത്തിനും മുസ്‌ലിം സംഘടനകളുടെ പൊതു സൗഹാര്‍ദത്തിനും സമുദായ നേതാക്കള്‍ നേതൃത്വം നല്‍കണം.

കേരളത്തിലെ മുജാഹിദ് പ്രസ്ഥാനം വ്യക്തികേന്ദ്രീകൃതമോ ഗള്‍ഫ് നാടുകളിലെ ചില വിഭാഗങ്ങളെ അന്ധമായി അനുകരിക്കുന്നതോ അല്ല. ബഹുമത സമൂഹങ്ങള്‍ വസിക്കുന്ന ഇന്ത്യയിലെ സാഹചര്യത്തിനനുസരിച്ച് സമീപനം സ്വീകരിച്ച സ്വതന്ത്ര പ്രസ്ഥാനമാണ്. അന്ധവിശ്വാസങ്ങളും അനാചാരങ്ങളും വാണിജ്യവത്കരിച്ച് വിശ്വാസ കര്‍മ്മരംഗങ്ങളില്‍ നിന്നും ഖുര്‍ആനില്‍ നിന്നും അകലുകയും വാണിജ്യ താല്‍പര്യങ്ങള്‍ക്ക് നിയമസംരക്ഷണത്തിന് ശ്രമിക്കുകയും ചെയ്യുന്നവര്‍ മാറിചിന്തിച്ച് കാണുന്നത് സന്തോഷകരമാണ്. മത ധാര്‍മ്മിക മൂല്യങ്ങള്‍ അവമതിച്ച് സ്വാര്‍ത്ഥതാല്‍പര്യങ്ങള്‍ക്ക് വേണ്ടി രാഷ്ട്രത്തെയും ഭരണകൂടത്തെയും വഴിതെറ്റിക്കുന്നവര്‍ വ്യാപകമായി വരുന്ന സാഹചര്യത്തില്‍ സമൂഹത്തിന് നേര്‍വഴി കാണിച്ചുകൊടുക്കാനും മാതൃകയായി വര്‍ത്തിക്കാനും മതനവോത്ഥാന പ്രസ്ഥാനങ്ങള്‍ക്ക് കഴിയേണ്ടതുണ്ട്. പരസ്പര ഭിന്നതയും വഴക്കും ഇതിന് ദോഷകരമാണ്.

ഒരേ ആശയക്കാര്‍ ഐക്യപ്പെടുകയും സൗഹാര്‍ദ്ദത്തില്‍ വര്‍ത്തിക്കുകയും ചെയ്യേണ്ടതുണ്ട്. മുന്‍വിധിയില്ലാതെ നിരുപാധിക ഐക്യത്തിന് മര്‍കസുദ്ദഅ്‌വ കേന്ദ്രമായി പ്രവര്‍ത്തിക്കുന്ന മുജാഹിദ് വിഭാഗം എന്നും സന്നദ്ധമായിരുന്നു. അത് ഇനിയും തുടരുക തന്നെ ചെയ്യുമെന്നും യോഗം വ്യക്തമാക്കി. എന്നാല്‍ നിസ്സാര പ്രശ്‌നങ്ങള്‍ ഉയര്‍ത്തിപ്പിടിച്ചും ഐക്യാഹ്വാനം തെറ്റായി വ്യാഖ്യാനിച്ചും സംഘടനാപ്രവര്‍ത്തനങ്ങളെയും പ്രബോധന പ്രവര്‍ത്തനങ്ങളെയും നിരുത്സാഹപ്പെടുത്തുന്നത് കരുതിയിരിക്കണമെന്ന് യോഗം പ്രവര്‍ത്തകരോട് അഭ്യര്‍ത്ഥിച്ചു. റമദാനിന്റെ മുന്നോടിയായി ആത്മീയമായും സംഘടനാപരമായും ഉണര്‍വ് കരസ്ഥമാക്കാന്‍ ശ്രദ്ധിക്കണമെന്നും വിദ്യാഭ്യാസ സാമൂഹ്യക്ഷേമ പ്രവര്‍ത്തനങ്ങള്‍ക്ക് വേഗത കൂട്ടണമെന്നും യോഗം ആഹ്വാനം ചെയ്തു.

യോഗത്തില്‍ കെ ജെ യു പ്രസിഡണ്ട് എ അബ്ദുല്‍ ഹമീദ് മദീനി അധ്യക്ഷത വഹിച്ചു. ചര്‍ച്ചയില്‍ സി പി ഉമര്‍ സുല്ലമി, ഡോ. ജമാലുദ്ദീന്‍ ഫാറൂഖി, അബ്ദുല്‍ജബ്ബാര്‍ തൃപ്പനച്ചി, അബ്ദുല്‍അലി മദനി, അബൂബക്കര്‍ മദനി മരുത, ഡോ. അബ്ദുറസ്സാഖ് സുല്ലമി തുടങ്ങിയവര്‍ പങ്കെടുത്തു.

Read More

ഇരുവിഭാഗം മുജാഹിദുകള്‍ക്ക് ഒരുമയുടെ പെരുന്നാള്‍!

അൽ അഹ്സ (സൌദി അറേബ്യ): പെരുന്നാൾ ദിവസം അൽ‌അഹ്സയിൽ നിന്ന് പരിശുദ്ധ ഉംറ ക്കായി ഇരു വാഹനങ്ങളിൽ ഇരു വഴിക്ക് പുറപ്പെടേണ്ടിയിരുന്ന ഇരു വിഭാഗം മുജാഹിദുകളും അവസാന നിമിഷം ഒരുമിച്ചൊരു വാഹനത്തില്‍, ഒരു അമീറിന്റെ കീഴില്‍ യാത്ര തിരിച്ചത് കൌതുകമായി. ഐക്യത്തിന്റെയും സമാധാനത്തിന്റെയും സൌഹാര്‍ദ്ദത്തിന്റെയും സന്ദേശമായെത്തിയ പരിശുദ്ധ റമദാനിനു പരിസമാപ്തി കുറിച്ച് വന്നു ചേര്‍ന്ന പെരുന്നാള്‍ ദിനം തികച്ചും യാദൃശ്ചികമായാണ് ഇരു വിഭാഗവും ഒന്നിച്ചു യാത്ര പുറപ്പെട്ടത്‌.

ഉംറക്കായി ഇരു വിഭാഗവും വെവ്വേറെ വാഹനം ഏർപ്പെടുത്തിയിരുന്നു. നിർ‍ഭാഗ്യവശാൽ‍ എപി വിഭാഗം ബുക്ക്‌ ചെയ്ത വാഹനം ലഭിക്കാതെ വരികയും അവർ‍ ഇസ്‌ലാഹി സെന്റർ‍ പ്രവർ‍ത്തകരുമായി ബന്ധപ്പെടുകയുമായിരുന്നു! സ്വന്തം വാഹനത്തിൽ‍ നേരത്തെ ബുക്ക്‌ ചെയ്ത അന്യ രാജ്യക്കാരെ മറ്റൊരു വാഹനത്തിലേക്ക് മാറ്റി എപി വിഭാഗത്തിന്റെ ‘സഹായാഭ്യര്‍ത്ഥനയോട്’ ക്രിയാത്മകമായി പ്രതികരിക്കുകയായിരുന്നു, ഇസ്‌ലാഹി സെന്റര്‍ പ്രവർ‍ത്തകർ‍.

ദമ്മാം ഇസ്‌ലാമിക് സെന്റർ‍ പ്രബോധകൻ‍ ഉബൈദുള്ള സ്വലാഹിയുടെ നേതൃത്വത്തിലാണ് സംഘം പുറപ്പെട്ടത്‌. മുഹമ്മദ്‌ അലി മടവൂർ‍, അബ്ദുറഹ്മാൻ‍ മഞ്ചേരി, ഹുസൈൻ‍ ബാവ താമരശ്ശേരി, നജ്മുദ്ദീൻ‍ പുളിക്കൽ ‍(എപി വിഭാഗം) തുടങ്ങിയവർ‍ സംഘത്തെ യാത്രയയക്കാൻ‍ എത്തിയിരുന്നു. അൽ‌‌അഹ്സ ഇസ്‌ലാമിക് സെന്റർ‍ മലയാള വിഭാഗം പ്രബോധകന്‍ എം.നാസർ മദനി യാത്രയിൽ‍ പാലിക്കേണ്ട കാര്യങ്ങളെ കുറിച്ച് ഉല്‍ബോധനം നടത്തി.

ഐക്യത്തിനായുള്ള ആഹ്വാനങ്ങളും അണിയറ പ്രവർ‍ത്തനങ്ങളും എങ്ങുമെത്താതെ വഴിമുട്ടുമ്പോൾ റിയാദിലെ ഇഫ്താറിന് പിന്നാലെ അല്‍ അഹ്സയിലെ ഈ ഉംറ ട്രിപ്പും തൌഹീദി സംഘങ്ങളുടെ ഐക്യത്തിലേക്കുള്ള വഴി തുറക്കുമോ എന്നതാണ് ഇപ്പോൾ പ്രവർത്തകർ പരസ്പരം ചോദിക്കുന്നത്. 

അല്ലാഹുവേ, ഞങ്ങള്‍ക്കിടയിലുണ്ടായ ഭിന്നിപ്പില്‍ വേദനിക്കുന്ന മുഴുവന്‍ മനസ്സുകളെയും നീ ഒന്നിപ്പിക്കണേ!! ആദര്‍ശ പരമായി ഐക്യപ്പെട്ടു നില്‍ക്കുന്ന ഞങ്ങള്‍ക്കിടയിലുണ്ടായ അകല്‍ച്ച ഇല്ലാതാക്കാന്‍ നീ സഹായിക്കണേ!

Read More

അഭിപ്രായ വൈവിധ്യങ്ങള്‍ മനുഷ്യരെ തമ്മിലകറ്റരുത്: ഡോ. ഹുസൈന്‍ മടവൂര്‍

മക്ക: പ്രക്യതിപരമായ ശാരീരിക വൈവിധ്യങ്ങളെയും വ്യത്യസ്ത ചിന്താഗതികളെയും ഉള്‍കൊളളുവാന്‍ മുസ്‌ലിം ലോകത്തിന് സാധിക്കുന്നുവെന്നതിന്റെ ഉത്തമ ഉദാഹരണമാണ് ഹജ് എന്നും അത്തരം വൈവിധ്യങ്ങള്‍ മനുഷ്യരെ തമ്മിലകറ്റാനുളള കാരണങ്ങളായിക്കൂടെന്നും ഇന്ത്യന്‍ ഇസ്‌ലാഹി മൂവ്‌മെന്‍് ദേശീയ ജനറല്‍ സെക്രട്ടറി ഡോ.ഹുസൈന്‍ മടവൂര്‍ പറഞ്ഞു. മുസ്‌ലിം വേള്‍ഡ് ലീഗ് (റാബിത്വ) മക്കയില്‍ സംഘടിപ്പിച്ച പതിനൊന്നാമത് അന്താരാഷ്ട്ര ഇസ്‌ലാമിക സമ്മേളനത്തില്‍ സംസാരിക്കുകയായിരുന്നു അദ്ദേഹം. ദേശഭാഷാവര്‍ഗ വ്യത്യാസങ്ങളില്ലാതെ എല്ലാവരെയും സഹോദരങ്ങളായി കാണുന്ന അപൂര്‍വ്വ സംഗമമായ ഹജ് ആഗോള മനുഷ്യസാഹോദര്യത്തിന്റെ വിളംബരമാണ് നിര്‍വ്വഹിക്കുന്നത്. ഈ ഐക്യഭാവം എല്ലാ രംഗങ്ങളിലും നിലനിര്‍ത്താന്‍ കഴിയണമെന്ന് അദ്ദേഹം പറഞ്ഞു. 

മക്ക ഗവര്‍ണര്‍ ഖാലിദ് അല്‍ഫൈസല്‍ ഉദ്ഘാടനം ചെയ്ത ഒരാഴ്ച നീണ്ടുനിന്ന സമ്മേളനത്തില്‍ വിവിധ
രാഷ്ട്രങ്ങളില്‍ നിന്നായി മുന്നൂറോളം പ്രതിനിധികള്‍ പങ്കെടുത്തു. ആഗോളവത്കരണയുഗത്തിലെ മാധ്യമ
വെല്ലുവിളി എന്നതായിരുന്നു സമ്മേളനം ചര്‍ച്ച ചെയ്ത വിഷയം. ഇരുപത്തിമൂന്ന് പ്രമേയങ്ങളെ അടിസ്ഥാനമാക്കിയുളള ചര്‍ച്ചകളും സമ്മേളനവേദിയില്‍ നടന്നു. ഡോ. ഹുസെന്‍ മടവൂര്‍ അടക്കം ഇന്ത്യയില്‍ നിന്ന് മൂന്ന് പ്രതിനിധികളാണ് സമ്മേളനത്തില്‍ പങ്കെടുത്തത്. സൗദി ഭരണാധികരി അബ്ദുളള രാജാവിന്റൈ പ്രത്യേക ക്ഷണപ്രകാരം എത്തിയ അതിഥികളെ മിന ഗസ്റ്റ് ഹൗസില്‍ സൗദി അഭ്യന്തരമന്ത്രിയും ഉപപ്രധാനമന്ത്രിയുമായ നായിഫ് രാജകുമാരന്‍ സ്വീകരിച്ചു. സൗദി ഗ്രാന്റ് മുഫ്തി ശൈഖ് അബ്ദുല്‍ അസീസ് ആലുശൈഖ്, റാബിത്വ ജന. സെക്രട്ടറി ഡോ. അബ്ദുളള തുര്‍ക്കി, കിംഗ് അബ്ദുല്‍ അസീസ് യൂണിവേഴ്‌സിറ്റി മുന്‍വൈസ് ചാന്‍സലര്‍ ഡോ. അബ്ദുളള നസീഫ്, മുന്‍ വിദ്യാഭ്യാസ മന്ത്രി ഡോ. അബ്ദുളള അല്‍ഉബൈദ്, ഉമ്മുല്‍ഖുറ യൂണിവേഴ്‌സിറ്റി ദഅ്‌വ കോളേജ് പ്രിന്‍സി)ല്‍ ഡോ. അബ്ദുല്‍ അസീസ് ഹുമൈദി, ഖസീം യൂണിവേഴ്‌സിറ്റി വൈസ് ചാന്‍സലര്‍ ഡോ. ഖാലിദ് ഹുമൂദി, ഖൂര്‍ആന്‍ സയന്‍സ് ഡയറക്ടറേറ്റ് ചെയര്‍മാന്‍ ഡോ. അബ്ദുളള മുസ്‌ലിഹ് തുടങ്ങിയവര്‍ വിവിധ സെഷനുകള്‍ക്ക് നേത്യത്വം നല്‍കി.

റുവാണ്ട ആഭ്യന്തരമന്ത്രി ഹരീര്‍ മൂസ ഫാസില്‍, സെനഗല്‍ പാര്‍ലമെന്‍് ഡെപ്യൂട്ടി സ്പീക്കര്‍ യഹ്‌യ അബ്ദുളള, അല്‍അസ്ഹര്‍ യൂണിവേഴ്‌സിറ്റി പ്രോ. വൈസ് ചാന്‍സലര്‍ ഡോ. ഇസ്മാഈല്‍ ഷഹീന്‍, ഡോ. അബ്ദുല്ലത്തീഫ് മുഹല്‍ഹല്‍ (ട്രിപ്പോളി യൂണിവേഴ്‌സിറ്റി) ഡോ. അബ്ദുസ്സത്താര്‍ ഹിത്മി (ബഹറൈന്‍ യൂണിവേഴ്‌സിറ്റി) ഡോ. അബ്ദുറഹിമാന്‍ അല്‍ ഹാജ് (ഫലസ്തീന്‍) പ്രൊഫ. അബ്ദുളള ആലിം (അള്‍ജീരിയ) പ്രൊഫ. മഅ്‌റൂഫ് അബ്ദുല്‍ ഖാദര്‍ (ഇറാഖ്), ഇബ്രാഹിം ഹുസെന്‍ മലൈബാരി (കാനഡ), ഡോ. അബ്ദുറഹിമാന്‍ റിഫാഇ(ലബനാന്‍), ഡോ. അഹമദ് ഇയാദി (ജോര്‍ഡാന്‍), റാസി മുഹമ്മദ് മത്ഗാനി (ടുണീഷ്യ) ,ശൈഖ് മുസ്തഫ കദന്‍(ചെയര്‍മാന്‍ വഖഫ് ബോര്‍ഡ് ഈജിപ്ത്), അബ്ദുല്‍ ആത്വി ഷാഫി (ഈജിപ്ത് സുപ്രിംകോടതി ജഡ്ജി), ഡോ.മുഹമ്മദ് മുഖ്താര്‍ (മൗറിത്താനിയ), ഡോ. മുബാറക് അല്‍മജ്ദൂബ് (സുഡാന്‍), ഡോ. സാദിഖ് ഫഖീഹ് (ഖത്തര്‍),ഹാമിദ് അന്‍സാരി (നേപ്പാള്‍), അബള്‍ദുല്‍ ഗഫൂര്‍ ഗുലാം (ഇറാന്‍) തുടങ്ങിയവര്‍ വിവിധ സെഷനുകളില്‍ സംസാരിച്ചു.

Read More

മുജാഹിദ് ഐക്യം യാഥാർഥ്യമാവുന്നു...

Read More