കോഴിക്കോട്: കെ എന് എമ്മിന്റെ വിദ്യാഭ്യാസ വിഭാഗമായ കൗണ്സില് ഫോര് ഇസ്ലാമിക് എഡ്യുക്കേഷന് ആന്റ് റിസര്ച്ച് (സി ഐ ഇ ആര്) 2014-15 വര്ഷത്തെ 5,7 ക്ലാസുകളുടെ മദ്റസാ പൊതുപരീക്ഷാ ഫലം പ്രസിദ്ധീകരിച്ചു.
അഞ്ചാം ക്ലാസില് 95%വും ഏഴാം ക്ലാസില് 96%വും വിദ്യാര്ത്ഥികള് വിജയിച്ചു.
കേരളത്തിനുപുറത്ത് ഖത്തര്, അബുദാബി, അല്ഐന്, അജ്മാന്, ദുബൈ, റാസല്ഖൈമ, ഒമാന്, ജിദ്ദ, റിയാദ്, ദമാം, ജുബൈല് തുടങ്ങിയ ഗള്ഫ് മേഖലയിലെ സെന്ററുകളില് പരീക്ഷ എഴുതിയ 100% വിദ്യാര്ത്ഥികളും വിജയം വരിച്ചു. പുനര് മൂല്യനിര്ണ്ണയത്തിന് അപേക്ഷ സമര്പ്പിക്കേണ്ട അവസാന തിയ്യതി ജൂണ് 10 വരെയാണ്.
സി ഐ ഇ ആര് ചെയര്മാന് ഡോ. ഇ കെ അഹ്മദ് കുട്ടി പരീക്ഷാഫലം പ്രഖ്യാപിച്ചു. മര്കസുദ്ദഅ്വയില് ചേര്ന്ന സി ഐ ഇ ആര് യോഗത്തില് ഐ പി അബ്ദുസലാം, സി മമ്മു, കെ അബൂബക്കര് മൗലവി, എ അസ്ഗറലി, ഇബ്റാഹീം പാലത്ത്, മുഹമ്മദ് ത്വയ്യിബ് സുല്ലമി, അബ്ദുല് ഖയ്യൂം പുന്നശ്ശേരി, ഇബ്റാഹിം പുനത്തില്, എം ടി അബ്ദുല് ഗഫൂര്, എന് പി അബ്ദുല് റസാഖ് മാസ്റ്റര് എന്നിവര് സംസാരിച്ചു.
പരീക്ഷാഫലം 0495-2701595, 2701804, 4060111 എന്നീ നമ്പറുകളിലും www.markazudawa.org എന്ന സൈറ്റിലും ലഭ്യമാണ്.