കോഴിക്കോട്: സ്ത്രീകളുടെ സംഘടിത മുന്നേറ്റത്തിലൂടെ സമൂഹത്തിന്റെ ഗതി തന്നെ തിരുത്തിക്കുറിക്കാനാകുമെന്ന് പ്രശസ്ത എഴുത്തുകാരന് ശിഹാബുദ്ദീന് പൊയ്ത്തുംകടവ് പറഞ്ഞു. ഐ എസ് എം ആദര്ശകാമ്പയിന്റെ ഭാഗമായി കോഴിക്കോട് സൗത്ത് ജില്ല എം ജി എം സംഘടിപ്പിച്ച വനിതാസമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. പുരുഷ കേന്ദ്രീകൃതമായ ബഹളമയമായ സമര കോലാഹലത്തെക്കാള് നിശ്ശബ്ദമായ വനിതാ മുന്നേറ്റങ്ങള്ക്കാണ് സാമൂഹ്യ പരിവര്ത്തനത്തില് നിര്ണായകമായ പങ്കുവഹിക്കാനാകുക. സമൂഹ സൃഷ്ടിപ്പിന്റെ ആധാരശിലയാണ് സ്ത്രീകളെന്ന ആത്മബോധം അവരില് വളര്ത്തിയെടുക്കാനായാല് അതായിരിക്കും ഏറ്റവും വലിയ സാമൂഹ്യവിപ്ലവമെന്ന് അദ്ദേഹം പറഞ്ഞു.സംസ്ഥാന പ്രസിഡന്റ് ഖദീജ നര്ഗീസ് ക്യു എല് എസ് സംസ്ഥാന റാങ്ക് ജേതാവിന് അവാര്ഡ് നല്കി. ജാബിര് അമാനി, മന്സൂറലി ചെമ്മാട്, മന്സൂര് ഒതായി, സാബിക് പുല്ലൂര്, ഹംസ മൗലവി പട്ടേല്താഴം ക്ലാസ്സെടുത്തു. നുബിത കല്ലായി, പി സി മറിയക്കുട്ടി, സല്മ മടവൂര്, അലിമ കല്ലായി, ഫാത്തിമ നരിക്കുനി പ്രസംഗിച്ചു.
