Tuesday, November 03, 2009
സുഹൃദ്വലയങ്ങള് വിശാലമാക്കുക: സി. എം. മൗലവി
‘വെളിച്ചം’ ഖുര്ആന് പരീക്ഷ: സംഗമം വെള്ളിയാഴ്ച
അഖിലേന്ത്യ ഇസ്ലാഹി മൂവ്മെന്റ് ജന. സെക്രട്ടറി ഡോ. ഹുസൈന് മടവൂര് പരിപാടിയിലെ മുഖ്യാഥിതിയായിരിക്കും.
ലോക ഇസ്ലാമിക സാമ്പത്തിക സമ്മേളനം തുടങ്ങി
Wednesday, October 14, 2009
വര്ഗീയതക്കെതിരെ മതങ്ങള്ക്കുള്ളില് നിന്നു തന്നെ ശബ്ദമുയരണം: ഡോ. ഹുസൈന് മടവൂര്
ഇസ്ലാഹീ പ്രസ്ഥാനം എക്കാലത്തും ഉയര്ത്തിപ്പിടിക്കുന്ന അടിസ്ഥാന തത്വം തൌഹീദ്: ഡോ. ഇ കെ അഹമ്മദ്കുട്ടി
സ്വാഗതസംഘം മാറ്റിവെച്ചു
Monday, October 12, 2009
മതത്തെ സമ്പൂര്ണ്ണമായി ഉള്കൊളളൂക: അബ്ദുല് ഹമീദ് മദീനി
Sunday, October 11, 2009
മുജാഹിദ് ജനസമ്പര്ക്ക ദഅ്വ പര്യടനം
മുജാഹിദ് പ്രവര്ത്തക സംഗമം ഇന്ന്
‘വെളിച്ചം’ നാലാം ഘട്ട പരീക്ഷ: ഒന്നാം സ്ഥാനം ലബീബയ്ക്ക്
Saturday, October 10, 2009
മുജാഹിദ് ജനസമ്പര്ക്ക ദഅ്വ പര്യടനം
Sunday, October 04, 2009
ലോകം ഉറ്റുനോക്കുന്നത് പലിശരഹിത ബാങ്കിംഗിനെ: മന്ത്രി ഇ അഹമ്മദ്
കോഴിക്കോട്: സാമ്പത്തികമാന്ദ്യത്തിന്റെ വര്ത്തമാനകാലത്തെ ഒരു പരിഹാരമെന്ന നിലയില് പലിശരഹിത ബാങ്കിംഗ് സംവിധാനത്തെയാണ് ലോകമൊന്നാകെ ഇന്ന് പ്രതീക്ഷയോടെ നോക്കുന്നതെന്ന് കേന്ദ്ര റയില്വേ സഹമന്ത്രി ഇ അഹമ്മദ് പറഞ്ഞു. ഫറോക്ക് റൌദത്തുല് ഉലൂം അറബിക് കോളെജ് സംഘടിപ്പിക്കുന്ന ഇസ്ലാമിക സമ്പദ് വ്യവസ്ഥയെക്കുറിച്ചും പലിശരഹിത ബാങ്കിംഗിനെക്കുറിച്ചുമുള്ള ദ്വിദിന അന്താരാഷ്ട്ര സെമിനാര് ഉദ്ഘാടനം ചെയ്യുകയായിരുന്നു അദ്ദേഹം.
മുതലാളിത്വ സമ്പദ്വ്യവസ്ഥയുടെ പരാജയമാണ് പലിശരഹിത ബാങ്കിംഗിലേക്കെത്തിച്ചത്: എളമരം കരീം
ആദര്ശം കൈവിട്ടുള്ള യാതൊരു ഐക്യത്തിനും മുജാഹിദുകള് തയ്യാറല്ല: ആദര്ശ സമ്മേളനം
നവോത്ഥാനത്തിന്റെ കള്ള നാണയങ്ങളെ തിരിച്ചറിയുക ഐ.ഐ.സി
Thursday, October 01, 2009
രാജ്യാന്തര ഇസ്ലാമിക് ബാംങ്കിംഗ് സമ്മേളനം മൂന്നിന് ആരംഭിക്കും
കോഴിക്കോട്: ഫാറൂഖ് റൗദത്തുല് ഉലൂം അറബി കോളെജിന്റെ ആഭിമുഖ്യത്തില് രാജ്യാന്തര ഇസ്ലാമിക് ഫിനാന്സ്, പലിശ രഹിത ബാങ്കിംഗ് സമ്മേളനം മൂന്നിന് രാവിലെ പത്തിന് ഫാറൂഖ് കോളെജ് ഓഡിറ്റോറിയത്തില് ആരംഭിക്കുമെന്ന് പ്രിന്സിപ്പല്
തീവ്രവാദം പ്രചരിപ്പിക്കുന്നവരെ മഹല്ലുകള് ഒറ്റപ്പെടുത്തണം: ഐ എസ് എം കണ്വന്ഷന്
സമുദായത്തെ ഭിന്നിപ്പിച്ച് തീവ്രവാദം
മുജാഹിദ് ആദര്ശ സമ്മേളനം നാളെ പരപ്പനങ്ങാടിയില്
Wednesday, September 30, 2009
സംഘടനയെ പിളര്ത്തിയവര് ആദര്ശവ്യതിയാനത്തിന്റെ പ്രചാരകരായി മാറുന്നത് തിരിച്ചറിയണം: സി പി
തിരൂര്: മുജാഹിദ് പ്രവര്ത്തകരില് ആദര്ശവ്യതിയാനം ആരോപിച്ച് സംഘടനയെ പിളര്ത്തിയവര് ആദര്ശവ്യതിയാനത്തിന്റെ പ്രചാരകരായി മാറുന്നത് സമൂഹം തിരിച്ചറിയണമെന്ന് കെ എന് എം സംസ്ഥാന ജനറല് സെക്രട്ടറി സി പി ഉമര് സുല്ലമി പ്രസ്താവിച്ചു.
ഇല്ലാത്ത ആരോപണം നടത്തി മുജാഹിദ്
വെളിച്ചം സംഗമം മസ്ജിദുല് കബീറില്
കുവൈത്ത്: വിശുദ്ധ ഖുര്ആന് സമ്പൂര്ണ വിജ്ഞാന പരീക്ഷ -വെളിച്ചം- പഠിതാക്കളുടെ സംഗമം ഒക്റ്റോബര് രണ്ട് വെള്ളിയാഴ്ച വൈകുന്നേരം ആറ് മണിക്ക് മസ്ജിദുല് കബീറില്.
വെളിച്ചം മൂന്നാം ഘട്ട പരീക്ഷയിലെ
ചൂഷണങ്ങളെ കരുതിയിരിക്കുക : മമ്മുട്ടി മുസ്ലിയാര്
സ്വന്തം പ്രശ്നങ്ങള് പരിഹരിക്കാന് കഴിയാതെ ആത്മാഹുതി ചെയ്യുന്ന ആള്ദൈവങ്ങളുടെ അനാഥ ശവങ്ങള് ജനങ്ങള്ക്ക് പാഠമാകണമെന്ന് അദ്ദേഹം ഓര്മിപ്പിച്ചു.
സുന്നത്ത് ജമാഅത്തിന് വിരുദ്ധമായ ആശയങ്ങള് പ്രചരിപ്പിക്കുന്നവരുടെ ആശയപ്പാപ്പരത്വം തുറന്നു കാണിക്കുന്ന വീഡിയോ ക്ലിപിംഗ് പ്രദര്ശനവും സദസ്സ്യരുടെ ചോദ്യങ്ങള്ക്ക് മറുപടി നല്കിയും നടത്തിയ പ്രഭാഷണം ശ്രോതാക്കള്ക്ക് നവ്യാനുഭവമായി.
ഐ ഐ സി പ്രസിഡന്റ് എം ടി മുഹമ്മദ് അധ്യക്ഷത വഹിച്ചു. യു പി മുഹമ്മദ് ആമിര് സ്വാഗതവും വി എ മൊയ്തുണ്ണി നന്ദിയും പറഞ്ഞു.
Monday, September 21, 2009
Sunday, September 20, 2009
Friday, September 18, 2009
ഒരു ഇഫ്ത്വാര് വിരുന്നും കുറെ അപവാദങ്ങളും
_________________________________ബി പി എ ഗഫൂര്
പതിവില്നിന്ന് ഭിന്നമായി വിവാദങ്ങള്ക്കവസരം കിട്ടാതെ ഈ റമദാന് സമാധാനപരമായി പിന്നിടുമെന്ന ഒരാശ്വാസത്തിലായിരുന്നു കേരളത്തിലെ മുസ്ലിം സമൂഹം. മാസപ്പിറവിയായിട്ടും ഏതെങ്കിലും രാഷ്ട്രീയ നേതാക്കള്ക്കെതിരിലുള്ള അപവാദങ്ങളായിട്ടുമെല്ലാം ഇക്കഴിഞ്ഞ റമദാനിലൊക്കെ ഏതെങ്കിലും വിധത്തിലുള്ള വിവാദങ്ങള് നിറഞ്ഞു നിന്നിരുന്നു. പതിവു വിവാദം സൃഷ്ടിക്കുന്ന പത്രവും അതിന്റെ സംഘടനയും ആഭ്യന്തര ഭിന്നതകള് മൂലം പ്രയാസമനുഭവിക്കുന്നതുകൊണ്ടോ എന്തോ ഇക്കുറി ഒരു വിവാദം ഉണ്ടാക്കിയെടുക്കാന് അവര് ശ്രമിച്ചുകണ്ടില്ല.
അമേരിക്കന് ഇഫ്ത്വാര്; മുജാഹിദുകളെ അവമതിക്കുന്നത് ദുഷ്ടലാക്കോടെ: കെ എന് എം
സമയത്തിന്റെ വിലയറിഞ്ഞ് പ്രവര്ത്തിക്കുക: ശാക്കിര്ബാബു സലഫി
ലേണിംഗ് സ്കൂള് ഇന്സ്ട്രക്ടര് നാസര് മദനി അധ്യക്ഷതവഹിച്ച യോഗത്തില് സെന്റര് പ്രസിഡന്റ് മുജീബുര്റഹ്മാന് അരീക്കോട് സ്വാഗതവും ക്യു എല് എസ് കണ്വീനര് അബദുല്റഹിമാന് മഞ്ചേരി നന്ദിയും പറക്ഷു. ക്യു എല് എസ് പഠിതാക്കളുടെ ഖുര്ആന് പഠന ക്ളാസുകള് പെരുന്നാള് അവധി കഴിഞ്ഞ് എല്ലാ ഞായറാഴ്ചകളിലും രാത്രി പതിനൊന്ന് മണിമുതല് നടക്കുമെന്ന് കണ്വീനര് അറിയിച്ചു.
Thursday, September 17, 2009
ഫാറൂഖ് അറബിക് കോളെജില് അന്താരാഷ്ട്ര സാമ്പത്തിക സമ്മേളനം
ഫറൂഖ് കോളെജ് : പലിശരഹിത ബാങ്കിംഗ്, ഇസ്ലാമിക സാമ്പത്തിക നിക്ഷേപം എന്നീ വിഷയങ്ങളില് ഫാറൂഖ് റൌദത്തുല് ഉലൂം അറബിക് കോളെജ് ബിരുദാനന്തര ബിരുദ പഠന വിഭാഗം അന്താരാഷ്ട്ര സമ്മേളനം സംഘടിപ്പിക്കുന്നു. ഒക്ടോബര് മൂന്ന്, നാല് തിയ്യതികളില് ഫാറൂഖ് കോളെജ് ഓഡിറ്റോറിയത്തിലാണ് പരിപാടി.
ജിദ്ദയിലെ ഇസ്ലാമിക ഡവലപ്മെന്റ് ബാങ്ക് (ഐ ഡീ ബി), യൂണിവേഴ്സിറ്റി ഗ്രാന്റ്സ് കമ്മീഷന്, കേരള സ്റ്റേറ്റ് ഇന്ഡസ്ട്രിയല് ഡവലപ്മെന്റ് കോര്പറേഷന്, സെക്യൂറാ ഇന്വെസ്റ്റ്മെന്റ് (ഇന്ത്യ) എന്നിവയുടെ സഹകരണത്തോടെ നടത്തുന്ന സമ്മേളനത്തില് ഇന്ത്യന് പണ്ഡിതന്മാര്ക്ക് പുറമെ അമേരിക്ക, ബ്രിട്ടന്, മലേഷ്യ, സഊദി അറേബ്യ, ബഹ്റൈന്, കുവൈത്ത്, യു എ ഇ, ദക്ഷിണാഫ്രിക്ക, യമന്, തുടങ്ങിയ രാഷ്ടങ്ങളില് നിന്നുള്ള പത്തോളം സാമ്പത്തിക വിദഗ്ധരും പങ്കെടുക്കും. രണ്ട് ദിവസങ്ങളിലായി പതിനഞ്ച് പ്രബന്ധങ്ങള് ചര്ച്ചയ്ക്ക് വിധേയമാക്കും. കേരളത്തില് സര്ക്കാറിന്റെ സഹകരണത്തോടെ നടത്തപ്പെടുന്ന ആദ്യത്തെ ഇസ്ലാമിക ബാങ്കിംഗ് സാധ്യതാ പഠനത്തിനു നിയോഗിച്ച രഘുറാം കമ്മിറ്റി റിപോര്ട്ടുകളും കേരള സര്ക്കാരിന്റെ മേല്നോട്ടത്തില് സ്വകാര്യ പങ്കാളിത്തത്തോടെ ആരംഭിക്കുന്ന ഇസ്ലാമിക് ബാങ്കിംഗിന്റെ വിശദാംശങ്ങളും ചര്ച്ചചെയ്യപ്പെടും. കോമേഴ്സ്, ഇക്കണോമിക്സ്, അഫ്സലുല് ഉലമ വിഷയങ്ങളിലെ പി ജി തല അധ്യാപകര്ക്കും വിദ്യാര്ഥികള്ക്കും ബാങ്ക് ഉദ്യോഗസ്ഥര്ക്കും വ്യവസായ സംരംഭകര്ക്കും സാമ്പത്തിക ലേഖകര്ക്കും പങ്കെടുക്കാം. മുന്കൂട്ടി രജിസ്റ്റര് ചെയ്യുന്ന ഇരുന്നൂറു പേര്ക്കാണ് അവസരം. അപേക്ഷാഫോറം കോളെജ് ഓഫീസില് നിന്ന് നേരിട്ടോ പത്ത് രൂപാ സ്റ്റാമ്പ് അയച്ച് തപാല് വഴിയോ ലഭിക്കും.
ഈദ്ഗാഹ്
മൂന്നിടങ്ങളിലും സ്ത്രീകള്ക്ക് പ്രത്യേക സൌകര്യം ഒരുക്കിയിട്ടുണ്ടെന്നും നമസ്കാരം രാവിലെ 05:50 ന് ആരംഭിക്കുമെന്ന് സംഘാടകര് അറിയിച്ചു.
ആലപ്പുഴ: കേരളാ നദ്വത്തുല് മുജാഹിദീന് മണ്ഡലം കമ്മറ്റി സംഘടിപ്പിക്കുന്ന ഈദ്ഗാഹില് അബ്ദുസ്സലാം കൊടക്കാട് നേത്യത്വം നല്കും. സ്ഥലം മുഹമ്മദന്സ് ഹൈസ്കൂള് ഗ്രൗണ്ട് ആലപ്പുഴ. രാവിലെ 8.30 ന് നമസ്കാരം ആരംഭിക്കുമെന്ന് സംഘാടകര് അറിയിച്ചു.
കെ എന് എം തര്ബിയത്ത് സംഗമങ്ങള്
കല്പകഞ്ചേരി പഞ്ചായത്ത്
പുത്തനത്താണി: കാവപ്പുരയില് കെ എന് എം കല്പകഞ്ചേരി പഞ്ചായത്ത് കമ്മിറ്റി സംഘടിപ്പിച്ച തര്ബിയത്ത് സംഗമം മണ്ഡലം സെക്രട്ടറി വി ടി അബ്ദുസമദ് കോയ തങ്ങള് ഉദ്ഘാടനം ചെയ്തു. ടി കെ അബ്ദുസലാം മാസ്റ്റര് അധ്യക്ഷത വഹിച്ചു. വിവിധ സെഷനുകളില് ദുബൈ ഇസ്ലാഹി സെന്റര് മുബല്ലിഗ് മുജീബുര്റഹ്മാന് പാലത്തിങ്ങല്, സാബിഖ് പുല്ലൂര്, മൊയ്തീന് കുട്ടി സുല്ലമി, സുഹൈല് സാബിര്, ടി അബ്ദുല് മജീദ് അന്സാരി, എ കെ എം എ മജീദ് പ്രസംഗിച്ചു. ഖുര്ആന് പ്രശ്നോത്തരിക്ക് വി ടി അബ്ദുശ്ശുക്കൂര് നേതൃത്വം നല്കി. വിജയികള്ക്ക് വാര്ഡ് മെമ്പര് കോട്ടയില് ഷാജി ഉപഹാരം സമ്മാനിച്ചു.
വളവന്നൂര് പഞ്ചായത്ത്
പുത്തനത്താണി: വ്രതനാളുകളില് നേടിയെടുക്കുന്ന ആത്മവിശുദ്ധി ജീവിതത്തിലുടനീളം കാത്തു സൂക്ഷിക്കാന് വിശ്വാസികള് തയ്യാറാകണമെന്നും ഭയഭക്തിയിലധിഷ്ഠിതമായ കര്മങ്ങള്ക്ക് മാത്രമേ അല്ലാഹു പ്രതിഫലം നല്കുവെന്ന് കെ എന് എം സംസ്ഥാന സെക്രട്ടറി സി മമ്മു പറഞ്ഞു. കെ എന് എം വളവന്നൂര് പഞ്ചായത്ത് തര്ബിയത്ത് സംഗമവും ഇഫ്താര് മീറ്റും കടുങ്ങാത്തുണ്ട് ആമിന ഐ ടി സിയില് ഉദ്ഘാടനം ചെയ്യുകയായിരുന്നു അദ്ദേഹം. ഐ എസ് എം കൌണ്സില് ജില്ലാ പ്രസിഡന്റ് കെ പി അബ്ദുല് വഹാബും എം ജി എം പഞ്ചായത്ത് കൌണ്സില് സംസ്ഥാന പ്രസിഡന്റ് ഖദീജാ നര്ഗീസും ഉദ്ഘാടനം ചെയ്തു. ഖുര്ആന് ക്വിസില് റസീല് സമാഹ് സി ഒന്നാം സ്ഥാനം നേടി. സുബൈര് മയ്യേരിച്ചിറ, കെ ജാബിര് എന്നിവര് രണ്ടും മൂന്നും സ്ഥാനങ്ങള് നേടി. എ സെയ്താലുക്കുട്ടി അന്സാരി, എം ഹൈദ്രോസ് സുല്ലമി, സി എസ് എം യൂസുഫ്, സി മുഹമ്മ്ദ് അന്സാരി, എം ടി അബ്ദുല്ലത്തീഫ്, വി ടി എ ശുക്കൂര്, എ അബ്ദുറഹിമാന് എന്നിവര് നേതൃത്വം നല്കി.
കരുവാരക്കുണ്ട് പഞ്ചായത്ത്
കരുവാരക്കുണ്ട്: പഞ്ചായത്ത് കെ എന് എം തര്ബിയ കുടുംബ സംഗമവും ഇഫ്താറും എം എസ് എം ജില്ലാ പ്രസിഡന്റ് അബ്ദുല് ഗഫൂര് സ്വലാഹി ഉദ്ഘാടനം ചെയ്തു. കെ എന് എം പ്രസിഡന്റ് എം അലവി അധ്യക്ഷത വഹിച്ചു. ഖാലിദ് അന്സാരി, കെ സി റംല ടീച്ചര്, കെ കെ ആലി, കെ പി റഷീദ്, വി പി ഷംസുദ്ദീന് പ്രസംഗിച്ചു.
തിരൂര് മണ്ഡലം
തിരൂര് : കെ എന് എം മണ്ഡലം തസ്കിയത്ത് സംഗമവും ഇഫ്താര് മീറ്റും സംഘടിപ്പിച്ചു. എം ബാപ്പുട്ടി, കെ അബൂബക്കര്, സലാഹുദ്ദീന് ഫാറൂഖി, സാബിക് പുല്ലൂര്, മജീദ് മൌലവി, ആബിദ് മദനി പ്രസംഗിച്ചു.
തെക്കന് കുറ്റൂര് അല്ലൂര് ശാഖ
തിരുനാവായ: തെക്കന്കുറ്റൂര് അല്ലൂര് ശാഖ കെ എന് എം ഇഫ്താര് മീറ്റ് എ അബൂബക്കര് മാസ്റ്റര് ഉദ്ഘാടനം ചെയ്തു. മുജീബുര്റഹ്മാന് പാലത്തിങ്ങല്, ജാബിര് രണ്ടത്താണി ക്ലാസെടുത്തു. ഹുസൈന് കുറ്റൂര്, എ ബാവ, ടി ബാവ, സമീല് കുറ്റൂര്, എം കെ മജീദ് നേതൃത്വം നല്കി.
‘അനീതിക്കെതിരെ യുവജന സംഘടനകള് മുന്നിട്ടിറങ്ങണം’
താനാളൂര് : വര്ധിച്ചുവരുന്ന അനീതികള്ക്കെതിരെ യുവാക്കളെയും മറ്റും അണിനിരത്താന് യുവജനസംഘടനകള് മുന്നിട്ടിറങ്ങണമെന്നും ക്വട്ടേഷന് കൊലപാതകങ്ങള് പോലുള്ള കാടത്തത്തിന്നെതിരെ യുവജന് കൂട്ടായ്മകള് ഉയര്ന്നുവരണമെന്നും താനാളൂര് പഞ്ചായത്ത് ഐ എസ് എം കൂട്ടായ്മ ആവശ്യപ്പെട്ടു.
കെ എന് എം താനൂര് പഞ്ചായത്ത് കമ്മിറ്റി സെക്രട്ടറി തെക്കയില് റസാഖ് മാസ്റ്റര് ഉദ്ഘാടനം ചെയ്തു. പി അബ്ദുല് കരീം അധ്യക്ഷത വഹിച്ചു. പി ടി അബ്ദുര്റഷീദ്, പി കെ ഇസ്മായില്, കൊല്ലടത്തില് ബഷീര്മാസ്റ്റര്, ടി അബ്ദുര്റഹിമാന്, കെ ടി ഇസ്മായില് പ്രസംഗിച്ചു. താനാളൂര് പഞ്ചായത്ത് ഐ എസ് എം ഭാരവാഹികളായി പി അബ്ദുല് കരീം (പ്രസിഡന്റ്), എം അബ്ദുസ്സമദ് (വസ് പ്രസിഡന്റ്), പി കെ ഇസ്മായില് (സെക്രട്ടറി), പി ടി അബ്ദു റഷീദ് (ജോയിന്റ് സെക്രട്ടറി), പി ഹനീഫ (ട്രഷറര്) എന്നിവരെ തെരഞ്ഞെടുത്തു.
ഐ എസ് എം സ്ഥിരം സഹായ പദ്ധതി ഉദ്ഘാടനം ചെയ്തു
മാങ്കാവ്: പട്ടേല്ത്താഴം ഐ എസ് എം സാംസ്കാരിക നിലയത്തിന്റെ ആഭിമുഖ്യത്തില് ദത്തെടുത്ത 14 കുടുംബങ്ങള്ക്കുള്ള സ്ഥിരം സഹായ പദ്ധതി പി എം എ സലാം എം എല് എ ഉദ്ഘാടനം ചെയ്തു. പി ഉസ്മാന് അധ്യക്ഷനായിരുന്നു. ചടങ്ങില് ബഷീര് പട്ടേല്താഴം, വാര്ഡ് കൌണ്സിലര്മാരായ മനക്കല് ശശി, എം സി അനില് കുമാര്, എം തങ്കം എന്നിവര് പ്രസംഗിച്ചു. ഇതോടനുബന്ധിച്ച് നടന്ന പഠന ക്യാമ്പില് ജാബിര് അമാനി, എ അബ്ദുസ്സലാം സുല്ലമി, ക്ലാസെടുത്തു. എന് അബ്ദുര്റഹിമാന്, എം പി ബഷീര്, എം അഫ്സല്, കെ യൂനുസ്, എന്നിവര് പ്രസംഗിച്ചു. തുടര്ന്ന് സമൂഹ നോമ്പുതുറയും നടത്തി.
എം എസ് എം തസ്കിയത്ത് സംഗമവും ഇഫ്താര് മീറ്റും നടത്തി
ഐ ഐ സി കുവൈത്ത് സിറ്റി യൂണിറ്റ് ഇഫ്ത്വാര് സംഘടിപ്പിച്ചു
കുവൈത്ത് : മനുഷ്യ ഉല്പത്തിയെയും സ്വന്തം സൃഷ്ടിപ്പിനെയും കുറിച്ചുള്ള അജ്ഞതയാണ് ചില മനുഷ്യര് പരലോകത്തെ നിഷേധിക്കുന്നതിനു കാരണമെന്ന് ശംസുദ്ദീന് ഖാസിമി പറഞ്ഞു. കുവൈത്ത് ഇന്ത്യന് ഇസ്ലാഹി സെന്റര് സിറ്റി ശാഖ സംഖടിപ്പിച്ച ഇഫ്ത്വാര് സംഗമത്തില് മുഖ്യ പ്രഭാഷണം നടത്തുകയായിരുന്നു അദ്ദേഹം.
മനുഷ്യന്റെ ഐഹിക ജീവിതം നശ്വരവും നൈമിഷികവുമാണ്. മരണം മുതല് തുടങ്ങുന്ന ജീവിതമാണ് ശാശ്വതമായത്. പരലോകജീവിതത്തില് സുഖവും ആനന്ദകരവുമാക്കുവാന് സത്യവിശ്വാസം സല്കര്മം സഹവര്ത്തിത്വം എന്നിവകൊണ്ട് ജീവിതത്തെ വിശ്വാസികള് തിട്ടപ്പെടുത്തണമെന്നും അദ്ദേഹം ഉണര്ത്തി.
പ്രസിഡന്റ് അബ്ദുല് ഗഫൂര് ഫറോക്ക് അധ്യക്ഷത വഹിച്ചു. ജനറല് സെക്രട്ടറി മുര്ഷിദ് അരീക്കാട് സ്വാഗതം പറഞ്ഞു. സ്വാലിഹ് കാഞ്ഞങ്ങാട്, ബഷീര് ഇര്ഷാദ് കണ്ണൂര് നേതൃത്വം നല്കി.
Tuesday, September 15, 2009
ക്യു എല് എസ് പരീക്ഷാ ഫലം പ്രസിദ്ധീകരിച്ചു
പ്രഭാഷണം ഇന്ന്
മഹല്ല് സംഗമവും ഇഫ്താറും
Monday, September 14, 2009
എം.ജി.എം മെഗാ ടെലി ക്വിസ്സ് മത്സരം നാളെ
അനുസ്മരണം
Saturday, September 12, 2009
Friday, September 11, 2009
റാസല് ഖൈമ ഇസ്ലാഹി സെന്റര് റമദാന് പരിപാടികള്
റാസല് ഖൈമാ ഇസ്ലഹി സെന്ററില് പ്രമുഖ പണ്ഡിതന് മൗലവി നാസര് മുണ്ടക്കയം, വിടപറയുന്ന റമദാന് എന്ന വിഷയത്തെ ആസ്പദമാക്കി ക്ലാസ്സ് എടുക്കുന്നു 12/09/09 ശനിയാഴ്ച രാത്രി 9 മണിക്ക് പങ്കെടുക്കുക
ഫിത്വ്ര്സക്കാത്ത്
റാസല് ഖൈമാ ഇസ്ലഹി സെന്റര് സംഘടിത ഫിത്വ്ര് സക്കാത്ത് ശേഖരിക്കുന്നു. ആളൊന്നിന് 15 ദിര്ഹം. വിശദവിവരങ്ങള്ക്ക് 0507504333, 0505102049, 0502838564 എന്നീ നമ്പറുകളില് ബന്ധപ്പെടുക.
ഖുര്ആന് വിജ്ഞാനപരീക്ഷ
ഒക്ടോബര് 2 ന്രാവിലെ 9.30ന് രജിസ്ട്രേഷന് ആരംഭിച്ചിരിക്കുന്നു. വിശദവിവരങ്ങള്ക്ക് റാസല് ഖൈമാ ഇസ്ലാഹി സെന്ററുമായി ബന്ധപ്പെടുക. ഫോണ് 0505102049, 0502838564
Tuesday, September 08, 2009
ബദ്ര്യുദ്ധവും വര്ത്തമാനകാല സമൂഹവും
ഇസ്ലാമിക ചരിത്രത്തിലെ അവിസ്മരണീയമായ സംഭവമാണ് ബദ്ര്യുദ്ധം. പ്രവാചകന്റെ പ്രബോധനരംഗത്ത് വഴിത്തിരിവാകുകയും ശത്രുക്കള്ക്കെതിരില് വിശ്വാസത്തിന്റെ ശക്തികൊണ്ട് വിജയം വരിക്കാനാവുകയും ചെയ്ത സംഭവം. ഏറെ ദുര്ബലരും തീരെ എണ്ണം കുറഞ്ഞവരുമായ വിശ്വാസിസമൂഹത്തെ ആത്മാഭിമാനമുള്ളവരാക്കുകയും അല്ലാഹുവിന്റെ അളവറ്റ അനുഗ്രഹങ്ങള്ക്ക് അര്ഹരാണെന്ന് തെളിയിച്ചുകൊടുക്കുകയും ചെയ്ത സംഭവം. ഭൗതികമായ സന്നാഹങ്ങളും സങ്കേതങ്ങളും ഏറെ പരിമിതമായിരുന്ന വിശ്വാസികളെ ആകാശത്തുനിന്നു മലക്കുകളെ ഇറക്കിക്കൊണ്ട് അല്ലാഹു പ്രത്യേകം സഹായിച്ച യുദ്ധം. അങ്ങനെ, ഭൂരിപക്ഷത്തിനെതിരെ, അവരുടെ ഹുങ്കിനും ധാര്ഷ്ട്യത്തിനുമെതിരെ വിശ്വാസികളുടെ ന്യൂനപക്ഷത്തെ വിജയിപ്പിച്ച ചരിത്ര സംഭവം. എല്ലാംകൊണ്ടും സവിശേഷതയര്ഹിക്കുന്ന ഒരു യുദ്ധസംഭവം.
Monday, September 07, 2009
ഖുര്ആന് വിജ്ഞാന പരീക്ഷയില് ആയിരങ്ങള് പങ്കെടുത്തു
കോഴിക്കോട് / മലപ്പുറം : ‘ഖുര്ആന് വെളിച്ചത്തിന്റെ വെളിച്ചം’ റമദാന് കാംപയിന്റെ ഭാഗമായി സംഘടിപ്പിച്ച ഖുര്ആന് വിജ്ഞാന പരീക്ഷയില് കേരളത്തിനകത്തും പുറത്തുമുള്ള കേന്ദ്രങ്ങളില് മത-പ്രായ ഭേദമന്യേ ആയിരങ്ങള് പങ്കെടുത്തു.
വിശുദ്ധ ഖുര്ആനിലെ ആലു ഇംറാന്, ഫുസ്വിലത്ത് എന്നീ സൂറത്തുകളെ അടിസ്ഥാനമാക്കിയായിരുന്നു പരീക്ഷ. പരീക്ഷയുടെ മൂല്യനിര്ണയ ക്യാമ്പ് 12, 13 തിയ്യതികളില് കോഴിക്കോട് നടക്കും. പ്രീക്ഷയില് ഒന്നാം സ്ഥാനം നേടുന്നവര്ക്ക് മക്ക, മദീന സന്ദര്ശനവും ഉംറ നിര്വഹണത്തിനവസരവും ഉണ്ട്. കൂടാതെ ഓരോ ജില്ലകളിലും ഒന്ന്, രണ്ട് സ്ഥാനങ്ങള് നേടുന്നവരുള്പ്പെടെ മറ്റ് 50 പേര്ക്ക് പ്രോത്സാഹന സമ്മാനങ്ങളും ഉണ്ടായിരിക്കും. നവംബറില് നടക്കുന്ന ഖുര്ആന് സെമിനാറില് വെച്ച് സമ്മാനങ്ങള് വിതരണം ചെയ്യും.
ഷൌക്കത്ത്, സാഹിദ്, അസീം ബാലുശ്ശേരി, സജീര് മേപ്പാടി, അഫ്താഷ് ചാലിയം, ഹബീബ് മങ്കട, യൂനുസ് മയ്യേരി, സാജിദ്, ഹസീബ്, ഇബ്റാഹിം കുട്ടി, പി പി അനസ്, അനീസ്, സജീവ് കരുനാഗപ്പള്ളി, റശീദ്, ജമീഷ് എന്നിവര് പരീക്ഷ നടത്തിപ്പിന് നേതൃത്വം നല്കി.
ജാതിമത വ്യത്യാസമില്ലാതെ നിരവധി പേര് മലപ്പുറം ജില്ലയിലെ വിവിധ കേന്ദ്രങ്ങളില് പരീക്ഷയെഴുതി.
മലപ്പുറം വെസ്റ്റ് ജില്ലയിലെ 50 കേന്ദ്രങ്ങളിലും ഈസ്റ്റ് ജില്ലയിലെ 55 കേന്ദ്രങ്ങളിലും പരീക്ഷ നടന്നു. മലപ്പുറം ഈസ്റ്റ് ജില്ലയില് പരീക്ഷക്ക് പ്രസിഡന്റ് അബ്ദുല് ഗഫൂര് സ്വലാഹി, സെക്രട്ടറി ജംഷീദ് ചുങ്കത്തറ, ജില്ലാ കമ്മിറ്റി അംഗങ്ങളായ ഹബീബ് റഹ്മാന് മങ്കട, റഫീഖ് പുല്ലൂര്, ശമീം അരീക്കോട്, ശുക്കൂര് ചോല, ശാക്കിര് ആമയൂര്, ഹനീഫ് പുളിക്കല്, കെ സി അഷ്റഫ്, യൂനുസ് ചെങ്ങര, അദ്നാന്, ഹന്ദല ചുങ്കത്തറ, ഫൈസല് അയനിക്കോട്, ജൌഹര് അയനിക്കോട്, നേതൃത്വം നല്കി.
വെസ്റ്റ് ജില്ലയിലെ വിവിധ മേഖലകളില് അബ്ദുല് ഗഫൂര് തിരൂരങ്ങാടി, അല്താഫ് പരപ്പനങ്ങാടി, നൌഷാദ് യൂനിവേഴ്സിറ്റി, അനീസ് വേങ്ങര, മുഹ്സിന് കോട്ടക്കല്, ജാസിര് രണ്ടത്താണി, സഗീറലി വളവന്നൂര്, ഹാരിസ് താനൂര്, അഷ്റഫ് തിരൂര്, സമീല് കുറ്റൂര്, ഫാരിസ് പൊന്നാനി, ഷൌക്കത്ത് ചങ്ങരംകുളം നേതൃത്വം നല്കി.
എം.ജി.എം ഇഫ്ത്വാര് സംഗമം നാളെ
കുവൈത്ത് : ഇന്ത്യന് ഇസ്ലാഹി സെന്റര് വനിത വിംഗായ മുസ്ലിം ഗേള്സ് ആന്റ് വുമന്സ് മൂവ്മെന്റ് (എം.ജി.എം) കേന്ദ്ര കമ്മറ്റിയുടെ കീഴില് എം.ജി.എം ഇഫ്ത്വാര് സംഗമം നാളെ (08.09.ചൊവ്വ) 5 ന് അബ്ബാസിയ റിഥം ഓഡിറ്റോറിയത്തില് നടക്കും. വിശുദ്ധ ഖുര്ആന് കാലത്തിന്റെ മുമ്പില് എന്ന വിഷയത്തില് സയ്യിദ് അബ്ദുറഹിമാന് ക്ലാസെടുക്കും. പരിപാടിയില് എം.ജി.എം ടെലി ക്വിസ്സ് വിജയികള്ക്കുള്ള സമ്മാന വിതരണവും നടക്കും.
ക്രിമിനല്വത്കരണത്തിനെതിരെ സംഘടിത മുന്നേറ്റം വേണം : ഐ എസ് എം
കോഴിക്കോട് : പ്രബുദ്ധ കേരളം ക്വട്ടേഷന് സംഘങ്ങളുടെ നിയന്ത്രണത്തിലാകുന്നത് ആശങ്കാജനകമാണെന്ന് ഐ എസ് എം സംസ്ഥാന സമിതി സംഘടിപ്പിച്ച യുവജന സംഘടനാ നേതാക്കളുടെ സൌഹൃദസംഗമം അഭിപ്രായപ്പെട്ടു. സമൂഹത്തിന്റെ ഭദ്രത തകര്ക്കുന്ന ക്രിമിനല് വത്കരണത്തിനെതിരെ ജാതി മത് രാഷ്ട്രീയ ഭിന്നതകള്ക്കതീതമായി യുവജന സംഘടനകളുടെ സംഘടിത മുന്നേറ്റത്തിന് സംഗമം ആഹ്വാനം ചെയ്തു.
യുവാക്കളെ ഗ്രസിച്ചുകൊണ്ടിരിക്കുന്ന അരാഷ്ട്രീയവത്കരണം സാമൂഹ്യ തിന്മകളിലേക്കും ജീര്ണതകളിലേക്കും വഴിതെളിച്ചു കൊണ്ടിരിക്കുന്നതിനാല് യുവാക്കളില് സാമൂഹ്യ പ്രതിബദ്ധത വളര്ത്തിയെടുക്കാന് ബോധപൂര്വമായ ശ്രമം വേണം. യുവജനങ്ങളുടെ കര്മശേഷി രാഷ്ട്രത്തിനും സമൂഹത്തിനും മുതല്ക്കൂട്ടാക്കി മാറ്റുംവിധം യുവജന സംഘടനകള് അജണ്ടകള് ആവിഷ്കരിക്കണമെന്നും സംഗമം ആവശ്യപ്പെട്ടു.
‘യുവത്വം നന്മക്ക് നവോത്ഥാനത്തിന്’ എന്ന സന്ദേശവുമായി 2010 ജനുവരി 2, 3 തിയ്യതികളില് തൃശൂരില് നടക്കുന്ന ഐ എസ് എം സംസ്ഥാന സമ്മേളനത്തിന്റെ ഭാഗമായി സംഘടിപ്പിച്ച സംഗമം കെ എന് എം ജന്രല് സെക്രട്ടറി സി പി ഉമര് സുല്ലമി ഉദ്ഘാടനം ചെയ്തു. ഐ എസ് എം പ്രസിഡന്റ് മുജീബുര്റഹ്മാന് കിനാലൂര് ആമുഖഭാഷണം നടത്തി.
ഡി വൈ എഫ് ഐ സംസ്ഥാന സമിതിയംഗം അഡ്വ. പി എ മുഹമ്മദ് നിയാസ്. യൂത്ത് കോണ്ഗ്രസ് മുന് പ്രസിഡന്റ് അഡ്വ. ടി സിദ്ദീഖ്, യൂത്ത് ലീഗ് സംസ്ഥാന ട്രഷറര് സി കെ സുബൈര്, നാഷ്ണല് യൂത്ത്ലീഗ് സംസ്ഥാന പ്രസിഡന്റ് അബ്ദുല് അസീസ്, സോളിഡാരിറ്റി സംസ്ഥാന പ്രസിഡന്റ് പി മുജീബുര് റഹ്മാന്, എം എസ് എസ് യൂത്ത് വിംഗ് സംസ്ഥാന പ്രസിഡന്റ് സിക്കന്ദര്, എം ഇ എസ് സംസ്ഥാന സെക്രട്ടറി എ ടി എം അഷ്റഫ് തുടങ്ങിയവര് ചര്ച്ചയില് പങ്കെടുത്തു. അബ്ദുല്ലത്തീഫ് കരുമ്പുലാക്കല് ചര്ച്ച ക്രോഡീകരിച്ചു. എന് എം അബ്ദുല് ജലീല് സ്വാഗതവും യു പി യഹ്യാഖാന് നന്ദിയും പറഞ്ഞു.
തസ്കിയത്ത് ക്യാംപും സമൂഹ നോമ്പുതുറയും നടത്തി
കൂറ്റനാട് : ശാഖാ കെ എന് എം കമ്മിറ്റി സംഘടിപ്പിച്ച സമൂഹ നോമ്പുതുറയും തസ്കിയത്ത് ക്യാമ്പും ബഹുജന പങ്കാളിത്തം കൊണ്ട് ശ്രദ്ധേയമായി. സംഗമം അജ്മാന് ഇസ്ലാഹി സെന്റര് എക്സിക്യൂട്ടിവ് അംഗം അബ്ദുല് അസീസ് ഫാറൂഖി ഉദ്ഘാടനം ചെയ്തു. കെ എന് എം ചങ്ങരംകുളം മണ്ഡലം സെക്രട്ടറി എന് വി മൊയ്തീന് സാഹിബ് അധ്യക്ഷത വഹിച്ചു. പി ടി അബ്ദുല് അസീസ് സുല്ലമി, കെ വി മുഹമ്മദ് മൌലവി കോക്കൂര് എന്നിവര് യഥാക്രമം ‘കുടുംബസംസ്കരണം’, ‘ആഖിറത്ത്’ എന്നീ വിഷയങ്ങളില് ക്ലാസ് എടുത്തു. അബ്ദുസ്സമീഅ് മദനി നേതൃത്വം നല്കിയ ഇസ്ലാമിക് ക്വിസ് സദസ്സിന് നവ്യാനുഭവമായി. നാസര് കൂറ്റനാട്, അബ്ദുര്റഹ്മാന് പ്രസംഗിച്ചു.
വിപത്തുകള് ഒഴിവാകാന് നബി(സ)യുടെ ഖബ്റിടത്തില് പ്രാര്ഥിക്കാമെന്നോ?!
“മനുഷ്യരെ ബാധിക്കുന്ന രോഗം, ദാരിദ്ര്യം എന്നീ ബുദ്ധിമുട്ടുകള്ക്ക് മാത്രമല്ല മനുഷ്യരെ ബാധിക്കുന്ന ഏതുതരം പ്രയാസങ്ങള്ക്കും നബി(സ)യുടെ ഖബറിടത്തില് ചെന്ന് നബി(സ)യുടെ സലാംമടക്കല് ആഗ്രഹിച്ചുകൊണ്ടു സലാംപറയാമെന്നാണല്ലോ സുല്ലമി പറഞ്ഞത്.” (സുന്നിഅഫ്കാര് വാരിക, -2009 ജൂലൈ 1, പേജ് 25). “സലാംസുല്ലമി ശബാബില് എഴുതിയത് അറിഞ്ഞുകൊണ്ടും മനപ്പൂര്വവുമാണെന്നാണ് മനസ്സിലാകുന്നത്. അങ്ങനെയെങ്കില് ഈ മാറ്റം സ്വാഗതാര്ഹം തന്നെ.”(പേജ് 25)
ശ്രദ്ധേയമായി മലയാളി ഇഫ്താര് സംഗമം
അല് അഹ്സ: സൌദി ഇന്ത്യന് ഇസ്ലാഹി സെന്റര് അല് അഹ്സ കേന്ദ്ര കമ്മിറ്റിയുടെ ആഭിമുഖ്യത്തില് ഹഫൂഫിലെ അല് നഈം ഓഡിറ്റോറിയത്തില് നടത്തിയ മലയാളി ഇഫ്താര് സംഗമം സംഘാടകരുടെ ചിട്ടയായ ക്രമീകരണങ്ങള്ക്കൊണ്ടും ബഹുജന പങ്കാളിത്തം കൊണ്ടും ശ്രദ്ധേയമായി.
Sunday, September 06, 2009
ഐ എസ് എം എടവണ്ണ പഞ്ചായത്ത് യുവജന കണ്വന്ഷന്
കെ എന് എം സംസ്ഥാന സെക്രട്ടറിയേറ്റംഗം എം മുഹമ്മദ് ത്വയ്യിബ് സുല്ലമി, പി എം റഹീസ്, പി കെ നജ്മുദ്ദീന്, പി മുജീബുര്റഹ്മാന് പ്രസംഗിച്ചു.
ഭാരവാഹികളായി എ അഷ്റഫ് സുല്ലമി(പ്രസിഡന്റ്), പി കെ നജ്മുദ്ദീന്(സെക്രട്ടറി), എ ഹസ്ബ്റഹ്മാന്(ട്രഷറര്), സി ടി കോയ, പി പി ഇല്യാസ്(വൈസ് പ്രസിഡന്റുമാര്), സി മുജീബുര്റഹ്മാന്, വി മുനീര്(ജോ. സെക്രട്ടറിമാര്) എന്നിവരെ തെരഞ്ഞെടുത്തു.
റമദാനിലെ നന്മകള് ജീവിതാവസാനം വരെ കാത്തുസൂക്ഷിക്കുക
ഐ എസ് എം യുവജന കണ്വന്ഷനുകളും ഇഫ്താര് മീറ്റുകളും ആരംഭിച്ചു
പി ഹമീദലി അരൂര്, ഉമ്മര് അറക്കല്, ഷാഹിദ് മുസീം, നാസര് പട്ടാക്കല്, കെ എം ടി ഉണ്ണീങ്കുട്ടി, ഉമ്മര് തയ്യില്, ബഷീര് പാറല്, അന്വര് ബഷീര്, പി ഫിറോസ് ബാബു, അന്വര് ഷക്കീല്, എം കെ സുബൈര് പ്രസംഗിച്ചു.
മണ്ഡലം ഭാരവാഹികളായി പി ഫിറോസ് ബാബു(പ്രസി.), എം അന്വര് ഷക്കീല്(സെക്ര.), സി എച് ജാഫര്(ട്രഷറര്), എ കെ സുബൈര്, എ നൂറുദ്ദീന്(വൈ. പ്ര.), യു പി ശിഹാബുദ്ദീന്, കെ അബ്ദുസ്സലാം(ജോ. സെ.) എന്നിവരെ തെരഞ്ഞെടുത്തു.
വനിതാ സംഗമം ഇന്ന്
കൊണ്ടോട്ടി മണ്ഡലം ഇഫ്താര് മീറ്റ് നാളെ
ഐ എസ് എം ടേബിള്ടോക്കും ഇഫ്താര് സംഗമവും നാളെ
വിവിധ യുവജനസംഘടനാ പ്രതിനിധികള് പങ്കെടുക്കുന്ന പരിപാടിയില് ഐ എസ് എം സംസ്ഥാന വൈസ് പ്രസിഡന്റ് അബ്ദുല്ലത്തീഫ് കരിമ്പുലാക്കല് മോഡറേറ്ററായിരിക്കും.
ധാര്മികച്യുതിക്കും സാമൂഹ്യതിന്മകള്ക്കുമെതിരെ ഐക്യനിര കെട്ടിപ്പടുക്കണം : സി പി
മലപ്പുറം വെസ്റ്റ് ജില്ലാ കെ എന് എം, ഐ എസ് എം, എം എസ് എം ജില്ലാ ഭാരവാഹി സംഗമത്തില് സംസാരിക്കുകയായിരുന്നു അദ്ദേഹം.
യു പി അബ്ദുര്റഹിമാന് മൌലവി അധ്യക്ഷത വഹിച്ചു. കെ അബ്ദുല്കരീം എഞ്ചിനീയര്, ഉബൈദുല്ല താനാളൂര്, മമ്മു കോട്ടക്കല്, എം ബാപ്പുട്ടി, കെ അബൂബക്കര് അന്സാരി, ഡോ. സി ആര് മുഹമ്മദ് അന്വര്, അബ്ദുല്മജീദ് കുഴിപ്പുറം, എ സൈതാലിക്കുട്ടി, കെ പി അബ്ദുല് വഹാബ്, ടി ഇബ്രാഹിം അന്സാരി, ഐ വി ജലീല്, ഷാനവാസ് പറവന്നൂര് പ്രസംഗിച്ചു.
റമദാനിനെ ആഘോഷമാക്കാനുള്ള ഉപഭോഗത്വര മതസമൂഹം തിരിച്ചറിയണം
ജില്ലാ കെ എന് എം, ഐ എസ് എം, എം എസ് എം, എം ജി എം സംയുക്ത എക്സിക്യൂട്ടീവ് കെ എന് എം സംസ്ഥാന സെക്രട്ടറി കെ അബൂബക്കര് മൌലവി ഉദ്ഘാടനം ചെയ്തു. ജില്ലാവൈസ് പ്രസിഡന്റ് വി അബ്ദുല്ലകുട്ടി അധ്യക്ഷത വഹിച്ചു. കെ അലി പത്തനാപുരം, പി ഹമീദലി അരൂര്, ഐ എസ് എം ജില്ലാ പ്രസിഡന്റ് ജാബിര് അമാനി, പി അലി അഷ്റഫ്, ടി മുഹമ്മദ് സലീം, എ നൂറുദ്ദീന്, എം എസ് എം ജില്ലാ പ്രസിഡന്റ് എം അബ്ദുല് ഗഫൂര് സലാഹി, എം ജി എം ജില്ലാ പ്രസി. നഫീസടീച്ചര് മങ്കട, മതാരി കരീം, ശിഹാബുദ്ദീന് അന്വാരി, പി ഹംസ കാരക്കുന്ന്, ബാബുശരീഫ് ചുങ്കത്തറ, ഉമ്മര് തയ്യില്, പി വി ലത്തീഫ്, കെ അബ്ദുല് ഖയ്യൂം സുല്ലമി പ്രസംഗിച്ചു.
Saturday, September 05, 2009
ഉപഭോഗാസക്തി വെടിയണം : ഐ എസ് എം
പുതിയങ്ങാടി മണല് മസ്ജിദില് നടന്ന ഇഫ്ത്വാര് മീറ്റ് ഐ എസ് എം സംസ്ഥാന സെക്രട്ടറി യു പി യഹ്യാഖാന് ഉദ്ഘാടനം ചെയ്തു. ജില്ലാപ്രസിഡന്റ് ശുക്കൂര് കോണിക്കല് അധ്യക്ഷത വഹിച്ചു. ഫൈസല് നന്മണ്ട, അബ്ദുസ്സത്താര് കൂളിമാട്, മുര്ശിദ് പാലത്ത് തുടങ്ങിയവര് വിവിധ വിഷയങ്ങളില് ക്ലാസ്സെടുത്തു. കെ എന് എം ജില്ലാ സെക്രട്ടറി ടി പി ഹുസൈന്കോയ, എം എസ് എം ജില്ലാ സെക്രട്ടറി സെയ്ത് മുഹമ്മദ്, ആലിക്കോയ, ഫൈസല് ഇയ്യക്കാട്, റശീദ് അത്തോളി, അയ്മന് ശൌഖി, ഇ കെ ശൌഖത്തലി, പി ടി നാസര്, ബിലാല് പ്രസംഗിച്ചു.
എം എസ് എം ഖുര്ആന് വിജ്ഞാന പരീക്ഷ നാളെ 300 കേന്ദ്രങ്ങളില്
ന്യൂനപക്ഷ സ്കോളര്ഷിപ്പില് സവര്ണ ഫാസിസ്റ്റ് നിലപാട് അപകടകരം: എം എസ് എം
ഭരണഘടന അനുശാസിക്കുന്ന ന്യൂനപക്ഷ ക്ഷേമപ്രവര്ത്തനങ്ങളോടും ഉന്നമനത്തിനുമെതിരെയുമുള്ള നീക്കങ്ങള് മതേതര കാഴ്ചപ്പാടുകളുടെ കടയ്ക്കല് കത്തിവെക്കുന്നതാണ് സമുദായ, വംശ, ഭാഷ ന്യൂനപക്ഷങ്ങളെ മുഖ്യധാര രംഗപ്രവേശത്തിന് സഹായിക്കുന്ന വിദ്യാഭ്യാസ ആനുകൂല്യങ്ങള് നില നിര്ത്തണമെന്നും സംഗമം കൂട്ടിച്ചേര്ത്തു.
ഖത്തര് ഇന്ത്യന് ഇസ്ലാഹി സെന്ററിന്റെ ആഭിമുഖ്യത്തില് സംഘടിപ്പിച്ച സംഗമം കെ ജെ യു ജനറല് സെക്രട്ടറി ഡോ. ജമാലുദ്ദീന് ഫാറൂഖി ഉദ്ഘാടനം ചെയ്തു. എം എസ് എം സംസ്ഥാന ജനറല് സെക്രട്ടറി കെ ഹര്ഷിദ് അധ്യക്ഷത വഹിച്ചു. ഐ പി അബ്ദുസ്സലാം, സി എച് ഖാലിദ്, യു ഷാനവാസ്, ടി കെ സാജിദ്, അന്ഫസ് നന്മണ്ട, സജീര് മേപ്പാടി പങ്കെടുത്തു.
രാമചന്ദ്രന് മാസ്റ്റര് ഇത്തവണയും ഖുര്ആന് വിജ്ഞാന പരീക്ഷക്ക് തയ്യാറെടുക്കുന്നു
ഈ വര്ഷം നേരത്തെ തന്നെ നിര്ദേശിക്കപ്പെട്ട അധ്യായങ്ങള് പഠിക്കാനാരംഭിക്കുകയും അപേക്ഷ നല്കുകയും ചെയ്തു. ഒരു മുസ്ലിം സുഹൃത്ത് നല്കിയ ഖുര്ആന് പരിഭാഷ നോക്കിയാണ് ഇപ്പോള് മാസ്റ്റര് പഠനം നടത്തുന്നത്. സ്കൂള് സമയം കഴിഞ്ഞാല് ലഭിക്കുന്ന ഒഴിവു സമയങ്ങളാണ് ഈ പരീക്ഷയ്ക്കുള്ള പഠനത്തിന്നായി മാറ്റിവെക്കുന്നത്. സിലബസിന്റെ പകുതിയിലധികവും പഠിച്ചു കഴിഞ്ഞുവെന്ന് ഇദ്ദേഹം പറയുന്നു.
നോമ്പനുഷ്ഠിക്കുന്ന ശീലമുള്ള ഇദ്ദേഹം ഇത്തവണത്തെ മുഴുവന് നോമ്പും പിടിക്കാനാണ് തീരുമാനിച്ചിരിക്കുന്നത്. അത്താഴം കഴിക്കുന്ന സമയത്ത് സുഹൃത്തുക്കള് ഫോണിലൂടെ വിളിച്ചുണര്ത്തുകയും നോമ്പുതുറക്കാന് മിക്ക ദിവസങ്ങളിലും സുഹൃത്തൂക്കള് ക്ഷണിക്കുകയുമാണ് ചെയ്യാറുള്ളത്. ചിലദിവസം വീട്ടിലേക്ക് പോകുമ്പോള് ബസില് നിന്നുമാണ് നോമ്പ് തുറക്കാറുള്ളത്.
ബിരുദാനന്തര ബിരുദത്തിന് പഠിക്കുന്ന സമയത്താണ് ഖുര്ആന് കൂടുതലറിയാന് സാധിച്ചതും പഠിക്കാന് ശ്രമിച്ചതെന്നും ഇദ്ദേഹം പറയുന്നു. കഴിഞ്ഞ വര്ഷം ഖുര്ആന് വിജ്ഞാന പരീക്ഷ എഴുതിയതിനു ശേഷം ധാരാളം ഇസ്ലാമിക പ്രസിദ്ധീകരണങ്ങള് ലഭിച്ചതായും ഇദ്ദേഹം ഓര്ക്കുന്നു.
പഠനകാലത്ത് തന്നെ ഇസ്ലാമിക പ്രസിദ്ധീകരണങ്ങള് ധാരാളം വായിച്ചിരുന്ന രാമചന്ദ്രന് മാസ്റ്റര് ഇത് നോമ്പിനെ കുറിച്ച് കൂടുതലറിയാന് സഹായകമായെന്നും പറയുന്നു. തുടര്ന്നുള്ള വര്ഷങ്ങളിലും ഖുര്ആന് വിജ്ഞാന പരീക്ഷയെഴുതാന് ഉദ്ദേശിക്കുന്നതായി ഇദ്ദേഹം പറയുന്നു. കേരളത്തിനകത്തും പുറത്തുമായി നടക്കുന്ന വിജ്ഞാന പരീക്ഷക്ക് ആളുകളില് വന് സ്വീകാര്യതയാണ് ലഭിച്ചു കൊണ്ടിരിക്കുന്നത്.
മുന് വര്ഷങ്ങളില് നിന്നും വ്യത്യസ്തമായി ഒന്നാം സമ്മാനം നേടുന്നയാള്ക്ക് ഈ വര്ഷം മക്ക, മദീന എന്നീ പുണ്യസ്ഥലങ്ങള് സൌജന്യമായി സന്ദര്ശിച്ച് ഉംറ ചെയ്യാനുള്ള അവസരം ലഭിക്കും. മറ്റു വിജയികള്ക്ക് ധാരാളം പ്രോത്സാഹന സമ്മാനങ്ങളും നല്കുമെന്ന് ഭാരവാഹികള് അറിയിച്ചു.
മസ്ജിദ് ഉദ്ഘാടനം ചെയ്തു
.
കുനിയില്: ഹുമാത്തുല് ഇസ്ലാം സംഘത്തിന്റെ കീഴില് പുതുതായി പണികഴിപ്പിച്ച നൂറുല് ഇസ്ലാം മദ്റസയുടെയും മസ്ജിദിന്റെയും ഉദ്ഘാടനം ഇന്ത്യന് ഇസ്ലാഹി മൂവ്മെന്റ് ദേശീയ ജനറല് സെക്രട്ടറി ഡോ. ഹുസൈന് മടവൂര് നിര്വഹിച്ചു. പ്രസിഡന്റ് കെ പക്രുകുട്ടി മൌലവി അധ്യക്ഷത വഹിച്ചു. കെ എന് എം ഈസ്റ്റ് ജില്ലാ സെക്രട്ടറി അലി പത്തനാപുരം, ഗ്രാമപഞ്ചായത്ത് പ്രസിഡന്റ് കെ സി എ ശുക്കൂര്, സ്റ്റാന്റിംഗ് കമ്മിറ്റി ചെയര്മാന് പ്രൊഫ. കെ എ നാസിര്, ഇരുപ്പാംകുളം മസ്ജിദ് ഖത്വീബ് അലി മൌലവി മൂര്ക്കനാട്, ഷാക്കിര് ബാബു കുനിയില്, മദ്റസ കമ്മിറ്റി പ്രസിഡന്റ് അബ്ദുല് ഗഫൂര് കുറുമാടന്, അലി അന്വാരി പ്രസംഗിച്ചു.
ശബാബ് ഡേ
കുനിയില് : അന്വാര് നഗര് ശാഖാ ഐ എസ് എം കമ്മിറ്റി ശബാബ് ഡേ ആചരിച്ചു. ഐ എസ് എം മുഖപത്രമായ ശബാബ് വാരികയുടെ വാര്ഷിക വരിചേര്ക്കല് ഉദ്ഘാടനം എന് ഉമറിനെ ചേര്ത്തുകൊണ്ട് ഗ്രാമപഞ്ചായത്ത് വികസനകാര്യ സ്റ്റാന്റിംഗ് കമ്മിറ്റി ചെയര്മാന് പ്രൊഫ. കെ എ നാസിര് നിര്വഹിച്ചു. കെ കെ മുഹമ്മദ് മാസ്റ്റര്, കെ ടി യൂനുസ്, പി അഷ്റഫ് പ്രസംഗിച്ചു.
അല് അഹ്സ മലയളി ഇഫ്താര് മീറ്റ് സ്വാഗത സംഘം രൂപീകരിച്ചു
ഹുസൈന് ബാവ താമരസ്സേരി മുഖ്യരക്ഷാധികാരിയും അബ്ദുല്റഹിമാന് മഞ്ചേരി ജനറല്കണ്വീനറുമായി നിലവില് വന്ന മുപ്പത്തിയൊന്നംഗ കമ്മിറ്റിയില് നിസാം ചങ്ങനാശ്ശേരി, അബ്ദുല്അസീസ് കക്കോടി, ആസാദ് പുളിക്കല്, മുജിബുര്റഹ്മാന് മഞ്ചേരി, അബ്ദുല് അഹദ് പുളിക്കല്, മരക്കാര് കക്കോവ്, മുജീബുറഹിമാന് അരീക്കോട്, ശറഫുദ്ദീന് തോട്ടശ്ശേരിയറ, ശിഹാബ് പറമ്പില്പീടിക, ഷെരീഫ് മടവൂര്, മുഹമ്മദലി മടവൂര്, ഇബ്റാഹീം തലപ്പാടി എന്നിവരെ വിവിധ വകുപ്പ് കണ്വീനര്മാരായി തെരഞ്ഞെടുത്തു. ഇഫ്താറില് മലയാളി കുടംബിനികള്ക്കായി പ്രത്യേക സൗകര്യമേരര്പ്പെടുത്തിയിട്ടുണ്ടെന്നും ഇഫ്താറിനോടനുബന്ധിച്ച് പഠനക്ലാസ്സും സംഘടിപ്പിച്ചിട്ടുണ്ടെന്നും ഭാരവാഹികള് അറിയിച്ചു.
യോഗത്തില് സെന്റര് പ്രസിഡന്റ് മുജീബുറഹിമാന് അധ്യക്ഷത വഹിച്ചു. ജനറല് സെക്രട്ടറി ആസാദ് സ്വാഗതവും സെക്രട്ടറി ശിഹാബ് പറമ്പില്പീടിക നന്ദിയും പറഞ്ഞു.
Sunday, August 30, 2009
സഹനമാണ് വ്രതത്തിന്റെ സന്ദേശം - ഡോ: ഹുസൈന് മടവൂര്
കെ എന് എം സംസ്ഥാന ട്രഷറര് ഇബ്രാഹീം ഹാജി, ഐ എസ് എം സംസ്ഥാന സെക്രട്ടറി ഐ പി അബ്ദുസ്സലാം എന്നിവര് പ്രസംഗിച്ചു. സല്മാനുല് ഫാരിസ് സ്വാഗതവും എം ടി അനീസ് നന്ദിയും പറഞ്ഞു.
--
വാര്ത്ത അയച്ചത് : മുഹമ്മദ് മിറാഷ് ബാംഗ്ലൂര്
ശുദ്ധവും സംസ്കൃതവുമായ ജീവിതത്തിന് വിശുദ്ധ റമദാന് മനുഷ്യരെ പ്രാപ്തമാക്കുന്നു: ഇസ്ലാഹി ഇഫ്ത്വാര് സമ്മേളനം
ആര്നോള്ഡ് അലി (ബ്രിട്ടന്), ഫാദര് അലക്സാണ്ടര്, നാസര് ഫര്വാനിയ (ഇസ്ലാഹി മദ്റസ, പി ടി എ) പ്രസീഡിയം നിയന്ത്രിച്ചു. സംഗമത്തില് വിവിധ സംഘടനാ ഭാരവാഹികളായ മുഹമ്മദ് റാഫി, ശ്യാം പൈനുംമൂട്, എം എ ഹിലാല്, കോവിലന്, കൃഷ്ണന് കടലുണ്ടി, അഡ്വ. തോമസ് പണിക്കര്, ഫൈസല് മഞ്ചേരി, അലി മാത്ര, ഖലീല് അടൂര്, ഹസന്കോയ, എഞ്ചി. ബഷീര്, ഷറഫുദ്ദീന് കണ്ണേത്ത്, റിയാസ് അയനം, സത്താര് കുന്നില് പങ്കെടുത്തു.
Tuesday, August 25, 2009
ഇഫ്താര് സംഗമം റമദാന് 14 ന് ഹുഫൂഫില്
അല് അഹ്സ: ഇന്ത്യന് ഇസ്ലാഹി സെന്റര് വര്ഷംതോറും സംഘടിപ്പിക്കുന്ന സമൂഹ നോമ്പുതുറ റമദാന് 14 വെള്ളിയാഴ്ച ഹുഫൂഫ് അല് ന'ഈം ഒാഡിറ്റോറിയത്തില് വെച്ചു നടത്താന് തീരുമാനിച്ചു.
അമുസ്ലിംകള് അടക്കം 600 ല് പരം ആളുകള് പങ്കെടുക്കുന്ന സമൂഹ നോമ്പുതുറയുടെ വിജയകരമായ നടത്തിപ്പിനു എം നാസര് മദനി, ബാവ താമരശ്ശേരി, മുഹമ്മദ് അലി മടവൂര്, ആസാദ് പുളിക്കല് എന്നിവരെ വിവിധ വകുപ്പു കണ്വീനര്മാരായി തെരഞ്ഞെടുത്തു.
യോഗത്തില് മുജീബുര്റഹ്മാന് കുനിയില് അധ്യക്ഷം വഹിച്ചു. മരക്കാര് കക്കോവ്, ശരീഫ് മടവൂര് , സലീം വള്ളിക്കുന്ന്, അബ്ദുന്നാസര് മടവൂര് തുടങ്ങിയവര് ചര്ച്ചയില് പങ്കെടുത്തു.
പ്രബോധന പ്രവര്ത്തനങ്ങള്ക്ക് മുന്നിട്ടിറങ്ങണം: കെ എന് എം
കോഴിക്കോട്: ആത്മ വിശുദ്ധി കൈവരിച്ചുകൊണ്ട് പ്രബോധന പ്രവര്ത്തനങ്ങള്ക്ക് മുന്നിട്ടിറങ്ങണമെന്ന് കെ എന് എം സംസ്ഥാന പ്രസിഡണ്ട് ഡോ. ഇ കെ അഹ്മദ് കുട്ടി. കെ എന് എം സൌത്ത് ജില്ലാ തര്ബിയത് സമ്മേളനം -തര്ബിയ 2009 ഉദ്ഘാടനം ചെയ്യുകയായിരുന്നു അദ്ദേഹം.
തൌഹീദ് പ്രബോധനത്തിന്റെ ആണിക്കല്ലാണെന്നും തൌഹീദിനെ പ്രയോഗവത്കരിക്കുകയാണ് വേണ്ടതെന്നും അദ്ദേഹം പറഞ്ഞു. സംഘടനാ പ്രവര്ത്തനത്തിന് സംഘബോധം അനിവാര്യമാണെന്നും അദ്ദേഹം കൂട്ടിച്ചേര്ത്തു.
പ്രബോധിത സമൂഹത്തെ പരിഗണിച്ചു കൊണ്ടുള്ള പ്രബോധന പ്രവര്ത്തനങ്ങള് മാത്രമേ ലക്ഷ്യത്തിലെത്തുകയുള്ളൂവെന്ന് മുഖ്യപ്രഭാഷണം നടത്തിയ ഇന്ത്യന് ഇസ്ലാഹി മൂവ്മെന്റ് ദേശീയ ജനറല് സെക്രട്ടറി ഡോ. ഹുസൈന് മടവൂര് പറഞ്ഞു. പ്രബോധന പ്രവര്ത്തനങ്ങള്ക്ക് നൂതനമാര്ഗങ്ങള് ആവിഷ്കരിക്കണമെന്ന് അദ്ദേഹം പറഞ്ഞു.
അതത് പ്രദേശത്തിനെ സവിശേഷതകള് മനസ്സിലാക്കി പ്രബോധന-പ്രചാരണ പ്രവര്ത്തനങ്ങള് സംഘടിപ്പിക്കാന് സാധിക്കണമെന്നും അദ്ദേഹം പറഞ്ഞു.
ചടങ്ങില് ജില്ലാ പ്രസിഡന്റ് ജാഫര് അത്തോളി അധ്യക്ഷത വഹിച്ചു. സെക്രട്ടറി സി മരക്കാരിട്ടി, അയ്മന് ശൌഖി, അഫ്താഷ് ചാലിയം, സി എം സുബൈര്, ടി പി ഹുസൈന് കോയ തുടങ്ങിയവര് പ്രസംഗിച്ചു.
ഇസ്ലാഹി ഇഫ്ത്വാര് സമ്മേളനം വെള്ളിയാഴ്ച: ഒരുക്കങ്ങള് പൂര്ത്തിയായി
ഇസ്ലാഹി ഇഫ്ത്വാര് സമ്മേളനം വെള്ളിയാഴ്ച: ഒരുക്കങ്ങള് പൂര്ത്തിയായി
കുവൈത്ത് : ഇന്ത്യന് ഇസ്ലാഹി സെന്റര് കേന്ദ്ര കമ്മിറ്റിയുടെ കീഴില് വെള്ളിയാഴ്ച (ആഗസ്റ്റ് 28 ന്) അബ്ബാസിയ കമ്മ്യൂണിറ്റി ഹാളില് നടക്കുന്ന ഇസ്ലാഹി ഇഫ്ത്വാര് സമ്മേളനത്തിന്റെ ഒരുക്കങ്ങള് പൂര്ണ്ണമായി. വൈകിട്ട് 4.30 ന് ആരംഭിക്കുന്ന സമ്മേളനം ഇസ്ലാമിക് പ്രസന്റേഷന് കമ്മിറ്റി അസിസ്റ്റന്റ് ജനറല് മാനേജര് എഞ്ചിനീയര് അബ്ദുല് അസീസ് അല് ദുഐജ് ഉദ്ഘാടനം ചെയ്യും.
സമ്മേളനത്തില് മുഹമ്മദ് ഡാനിയല് (ലണ്ടന്), വിജയ് സിംഗ് (ഇന്ത്യന് എംബസി), ഡോ. അബ്ദുല്ല അല് ഖനായ്, ആര്നോള്ഡ് അലി (ബ്രിട്ടന്) തുടങ്ങിയ പ്രമുഖരും മറ്റു സംഘടനാ ഭാരവാഹികളും പങ്കെടുക്കും. റമദാനിന്റെ സന്ദേശം എന്ന വിഷയത്തില് മുഹമ്മദ് അരിപ്ര മുഖ്യ പ്രഭാഷണം നടത്തും.
സംഗമത്തില് ഐ ഐ സി കേന്ദ്ര പ്രസിഡന്റ് എം ടി മുഹമ്മദ് അധ്യക്ഷത വഹിക്കും. സ്ത്രീകള്ക്ക് പ്രത്യേക സൗകര്യം ഒരുക്കിയിട്ടുണ്ട്. കുവൈത്തിന്റെ വിവിധ ഏരിയകളില് നിന്ന് സമ്മേളനത്തിലേക്ക് വാഹന സൗകര്യം ഏര്പ്പെടുത്തിയിട്ടുണ്ട്.
സമ്മേളനത്തിന്റെ മുന്നൊരുക്കമായി ഫര്വാനിയയില് ചേര്ന്ന സമ്മേളന സ്വാഗതസംഘം യോഗത്തില് ചെയര്മാന് അബൂബക്കര് സിദ്ധീഖ് മദനി അധ്യക്ഷത വഹിച്ചു. മുഹമ്മദ് ബേബി, ടി എം അബ്ദുറഷീദ്, അയ്യൂബ് ഖാന്, യൂ പി മുഹമ്മദ് ആമിര് സംസാരിച്ചു.
--
വാര്ത്ത അയച്ചത് : യു പി മുഹമ്മദ് ആമിര് കുവൈത്ത്
Monday, August 24, 2009
മുഖാമുഖം
Sunday, August 23, 2009
ക്യു എല് എസ് ഉദ്ഘാടനം
അല് അഹ്സ : ഇന്ത്യന് ഇസ്ലാഹീ സെന്ററിന്റെ കീഴില് ഹുഫൂഫ് സിറ്റിയില് ആരംഭിക്കുന്ന ഖുര്ആന് പഠന ക്ലാസിന്റെ ഉദ്ഘാടനം അല് ജുബെയില് പ്രബോധന വിഭാഗം തലവന് അശ്റഫ് ഫൈസി നിര്വഹിച്ചു.
അബ്ദുര്റഹ്മാന് മഞ്ചേരിയുടെ അധ്യക്ഷതയില് ചേര്ന്ന യോഗത്തില് എം നാസര് മദനി, സൈഫ് വേളാമന്നൂര്, മുജീബുറഹ് മാന് കുനിയില്,സലീം കരുനാഗപ്പള്ളി തുടങ്ങിയവര് ആശംസകള് അര്പ്പിച്ചു.
ആസാദ് പുളിക്കല് സ്വാഗതവും ശിഹാബ് പറമ്പില്പീടിക നന്ദിയും പറഞ്ഞു.
--
വാര്ത്ത അയച്ചത്: അബ്ദുര്റഹ്മാന്
Saturday, August 22, 2009
ഒറ്റനോമ്പ് ഇരട്ട പുണ്യം
നോമ്പുകാരനെ നോമ്പുതുറപ്പിച്ചാല് കിട്ടുന്ന...
റമദാന് കിറ്റ് വിതരണം
Tuesday, August 18, 2009
പരലോക ചിന്തകള് -പ്രഭാഷണം
പ്രഭാഷകന്: സുലൈമാന് സബാഹി
|
Monday, August 17, 2009
ഇസ്ലാഹി ന്യൂസ് അപ്ഡേറ്റഡ്..
ഹജ്ജ് യാത്ര: സര്ക്കാര് സത്വര നടപടി സ്വീകരിക്കണം: കെ എന് എം
ഐ എസ് എം യുവജന സംഗമം നടത്തി
തര്ബിയത്ത് ക്യാമ്പ് നടത്തി
Read More...
Sunday, August 16, 2009
ഇസ്ലാഹി ഇഫ്ത്വാര് സമ്മേളനം അബ്ബാസിയയില്
കുവൈത്ത് : ഇന്ത്യന് ഇസ്ലാഹി സെന്റര് കേന്ദ്ര കമ്മറ്റിയുടെ കീഴില് സംഘടിപ്പിക്കുന്ന ഇസ്ലാഹി ഇഫ്ത്വാര് സമ്മേളനം ആഗസ്റ്റ് 28 ന് വെള്ളിയാഴ്ച അബ്ബാസിയ കമ്മ്യൂണിറ്റി ഹാളില് സംഘടിപ്പിക്കാന് തീരുമാനിച്ചു. പരിപാടിയുടെ നടത്തിപ്പിനായി എം.ടി.മുഹമ്മദ് മുഖ്യരക്ഷാധികാരിയായി സ്വാഗത സംഘം രൂപീകരിച്ചു. ചെയര്മാന് അബൂബക്കര് സിദ്ധീഖ് മദനി, മറ്റു വകുപ്പ് കണ്വീനര്മാര്: സയ്യിദ് അബ്ദുറഹിമാന്, മുഹമ്മദ് ബേബി, ടി.എം.അബ്ദുറഷീദ്, അയ്യൂബ് ഖാന്, മുജീബ് റഹ്മാന് പൊന്നാനി, മനാഫ് മാത്തോട്ടം, ഇബ്രാഹിം കൂളിമുട്ടം, ആരിഫ് പുളിക്കല് എന്നിവരാണ്.
സമ്മേളനത്തില് ഇന്ത്യന് അംബാസഡര്, ഡോ. അബ്ദുല്ല അല് ഖനായ്, മുഹമ്മദ് ഡാനിയല് (ലണ്ടന്) തുടങ്ങിയ പ്രമുഖരും മറ്റു സംഘടനാ ഭാരവാഹികളും പങ്കെടുക്കും. സമ്മേളനം അസറിന് ശേഷം ആരംഭിക്കും.
യോഗത്തില് സിദ്ധീഖ് മദനി അധ്യക്ഷത വഹിച്ചു. സയ്യിദ് അബ്ദുറഹിമാന്, വി.എ മൊയ്തുണ്ണി, അയ്യൂബ് ഖാന്, ടി.എം.എ റഷീദ്, യൂ.പി. മുഹമ്മദ് ആമിര് സംസാരിച്ചു.
-------------
വാര്ത്ത അയച്ചുതന്നത്: മുഹമ്മദ് ആമിര് യു പി, കുവൈത്ത്