കുവൈത്ത് സിറ്റി: വഖഫ് സ്വത്തുക്കള് സംരക്ഷിക്കുന്നതിലും മുസ്ലീം സമുദായത്തിന്റെ വിദ്യാഭ്യാസ, സാംസ്കാരിക പുരോഗതിയിലും കേരള സംസ്ഥാന വഖഫ് ബോര്ഡിന്റെ പ്രവര്ത്തനങ്ങള് ഇന്ത്യയിലെ മറ്റു സംസ്ഥാനങ്ങളെ അപേക്ഷിച്ച് ഒന്നാം സ്ഥാനത്താണെന്ന് വഖഫ് ബോര്ഡ് അംഗവും ഇന്ത്യന് ഇസ്ലാഹി മൂവ്മെന്റ് ദേശീയ ജനറല് സെക്രട്ടറിമായ ഡോ. ഹുസൈന് മടവൂര്..
ഇത് ഒന്നിലധികം കേന്ദ്ര പാര്ലിമെന്റ് കമ്മറ്റികള് സാക്ഷ്യപ്പെടുത്തിയിട്ടുണ്ട്. ജലീബിലെ ഇസ്ലാഹി ഓഡിറ്റോറിയത്തില് കുവൈത്തിലെ വിവിധ മുസ്ലീം സാംസ്കാരിക, രാഷ്ട്രീയ, വിദ്യാഭ്യാസ സംഘടകളുടെയും മഹല്ല് കമ്മറ്റികളുടെയും പ്രതിനിധികള് പങ്കെടുത്ത പ്രത്യേക യോഗത്തില് സംസാരിക്കുകയായിരുന്നു അദ്ദേഹം. കേരളത്തില് പതിനായിരത്തോളം വഖഫുകളാണ് ബോര്ഡില് റജിസ്റ്റര് ചെയ്തിട്ടുള്ളത്. വഖഫ് സ്വത്തുക്കള് സമൂഹത്തിന് ഗുണപ്രദമായ രീതിയില് കൈകാര്യം ചെയ്യാന് വഖഫ് ബോര്ഡ് വിവിധ പരിപാടികള് സംഘടിപ്പിക്കുന്നുണ്. വഖഫ് മുതവല്ലിമാരുടെ സംഗമങ്ങള്, വഖഫ് അദാലത്തുകള്, ബോധവല്കരണ ക്ലാസുകള് എന്നിവ പ്രധാനമാണ്. വര്ഷത്തില് 50 ലക്ഷം രൂപ സാമൂഹ്യ ക്ഷേമ പ്രവര്ത്തനങ്ങള്ക്ക് ചെ ലവഴിക്കുന്നു. ചികിത്സ, വിവാഹ സഹായം, പെന്ഷന് പദ്ധതികള്, ലോണ് സ്കോളര്ഷിപ്പുകള് എന്നീ പദ്ധതികളിലൂടെ വഖഫ് ബോര്ഡ് വലിയ സേവനം ചെയ്യുന്നു. മുസ്ലീം സമൂഹത്തിന്റെ വളര്ച്ചയ്ക്കും കെട്ടുറപ്പിനും നിരവധി പദ്ധതികള് ആവിഷ്കരിച്ച് നടപ്പിലാക്കുന്ന വഖഫ് ബോര്ഡിന്റെ പ്രവര്ത്തനങ്ങള് അടുത്തറിയാന് എല്ലാ സംഘടകളും സ്ഥാപനങ്ങളും മഹല്ല് കമ്മറ്റികളും മുന്നോട്ട് വണം.-അദ്ദേഹം ആവശ്യപ്പെട്ടു.
സംഗമത്തില് ഇന്ത്യന് ഇസ്ലാഹി സെന്റര് പ്രസിഡന്റ് എം.ടി മുഹമ്മദ് അധ്യക്ഷത വഹിച്ചു. വിവിധ സംഘടകളെ പ്രതിനിധീകരിച്ച് നാസര് ഗാലിബ് മശ്ഹൂര് (ചെയര്മാന്, കെ.കെ.എം.സി.സി), മുഹമ്മദ് റാഫി നന്ദി (പ്രസിഡന്റ്, എം.ഇ.എസ്സ്), മന്സൂര് (പ്രസിഡന്റ്, ഫ്രൈഡെ ഫോറം), ഫത്താഹ് തയ്യില് (പ്രസിഡന്റ്, കെ.കെ.എം.എ), ബഷീര് ബാത്ത (കള്ച്ചറര് സെന്റര്), നൂറുദ്ധീന് (മൂവാറ്റുപ്പുഴ), ലബ്ബ, ഹുസൈന് അത്തോളി, അഫ്സല് (ഫ്രന്റ് ലൈന്), അലിമാത്ര, നൗഷാദ് ചങ്ങനാശ്ശേരി, മുസ്തഫ കാരി, ഇബ്രാഹിം ചൊവ്വല്ലൂര്, അസീസ് തിക്കോടി, അബ്ദുല് അസീസ് തിക്കോടി, അബ്ദുല് കലാം കോഴിക്കോട്, കുഞ്ഞഹമ്മദ് പേരാമ്പ്ര തുടങ്ങിയവര് സംബന്ധിച്ചു. അബ്ദുല് വഹാബ് സ്വാഗതവും സിദ്ധീഖ് മദനി നന്ദിയും പറഞ്ഞു.
