കോഴിക്കോട്: ഇസ്ലാഹി മൂവ്മെന്റിന്റെ അഖിലേന്ത്യ സമ്മേളനം ഏപ്രില് എട്ട്, ഒമ്പത് തീയതികളില് ഡല്ഹിയില് നടക്കും. കേന്ദ്ര ന്യൂനപക്ഷക്ഷേമവകുപ്പ് മന്ത്രി കെ. റഹ്മാന്ഖാന് ഉദ്ഘാടനം ചെയ്യും. വിദ്യാഭ്യാസം, തൊഴില്, സംസ്കാരം, മതസൗഹാര്ദം തുടങ്ങിയ വിഷയങ്ങളില് പ്രഭാഷണങ്ങളും ചര്ച്ചകളും നടക്കും. ഡല്ഹി മുഖ്യമന്ത്രി ഷീലാ ദീക്ഷിത്, കേന്ദ്ര മന്ത്രിമാരായ ശശി തരൂര്, ഇ. അഹമ്മദ്, കെ.വി. തോമസ്, ഇ.ടി. മുഹമ്മദ് ബഷീര് എം.പി. തുടങ്ങിയവര് പങ്കെടുക്കും.
കേരളത്തില് നിന്നെത്തുന്ന പ്രതിനിധികളുടെ പ്രത്യേക സമ്മേളനവും ഡല്ഹി മലയാളി വിദ്യാര്ഥി സമ്മേളനവും നടക്കും. പത്രസമ്മേളനത്തില് അഖിലേന്ത്യ ജനറല് സെക്രട്ടറി ഡോ. ഹുസൈന് മടവൂര്, കെ.എന്.എം. പ്രസിഡന്റ് ഡോ. ഇ.കെ. അഹമ്മദ്കുട്ടി, പ്രോഗ്രാം കണ്വീനര് ഡോ. പി.പി. അബ്ദുള് ഹഖ് എന്നിവര് പങ്കെടുത്തു.
ബാംഗ്ലൂര്: സഹനവും ക്ഷമയുമാണ് വ്രതത്തിന്റെ ഏറ്റവും പ്രധാനപെട്ട സന്ദേശമെന്ന് ഇന്ത്യന് ഇസ്ലാഹീ മൂവ്മെന്റ് ദേശീയ ജനറല് സെക്രട്ടറിയും കേരള സംസ്ഥാന വഖഫ് ബോര്ഡ് അംഗവുമായ ഡോ: ഹുസൈന് മടവൂര് പ്രസ്താവിച്ചു. ബാംഗ്ലൂര് ഇസ്ലാഹി അസോസിയേഷന് സംഘടിപ്പിച്ച ഇഫ്ത്വാര് സംഗമം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. വിശുദ്ധ ഖുര്ആന് അവതരിച്ച മാസമാണ് റമദാന് . അതിനാല് ഖുര്ആനിന്റെ സന്ദേശം ജീവിതത്തില് പകര്ത്തുവാന് പ്രതിജ്ഞ പുതുക്കാന് മുസ്ലിംകള് പ്രത്യേകം ശ്രദ്ധിക്കണം. ആത്മീയ ചൂഷണങ്ങളും മതത്തിന്റെ പേരിലുള്ള വൈരങ്ങളും വര്ധിച്ച് വരുന്ന ഇക്കാലത്ത് ഖുര്ആന് പ്രഖ്യാപിച്ച എകമാനവികതാ സന്ദേശത്തിന് പ്രസക്തി വര്ധിക്കുകയാണ്. മനുഷ്യരെല്ലാം ഒരേ ദൈവത്തിന്റെ സൃഷ്ടികളും ഒരേ മാതാപിതാക്കളുടെ മക്കളുമാണ്. അതിനാല് ജാതിമത ഭിന്നതകള്ക്കതീതമായി നന്മയില് ഒരുമിച്ചു നില്ക്കാന് മനുഷ്യര്ക്ക് സാധിക്കണം -അദ്ദേഹം വിശദീകരിച്ചു.
