ഇസ്ലാം വളരെയധികം പ്രാധാന്യം നല്കുന്നതാണ് പരിസ്ഥിതി സംരക്ഷണം. പ്രകൃതിസംരക്ഷണത്തിന്റെ പ്രാധാന്യവും പരിസ്ഥിതി സൗഹൃദജീവിതത്തിന്റെ ആത്മീയഭാവവും പൊതുജനങ്ങളെ ഓര്മിപ്പിക്കുക എന്ന ഉദ്ദേശ്യത്തോടെയാണ് കാമ്പയിന് സംഘടിപ്പിച്ചത്. ഭൂമിയെ ഒരു സൂക്ഷിപ്പു മുതലായി സംരക്ഷിക്കേണ്ടത് മനുഷ്യന്റെ ബാധ്യതയാണ്. പ്രകൃതി വിഭവങ്ങളെ കാര്യമായും ധൂര്ത്തടിക്കാതെയും മലിനമാക്കാതെയും ഉപയോഗിക്കുക എന്നതാണ് പ്രകൃതി സംരക്ഷണത്തിലെ ആത്മീയഭാവം. പ്രകൃതിനാശത്തിനെതിരെയും നമ്മുടെ നാട്ടില് വികസനരംഗത്ത് കുതിച്ചു മുന്നേറുമ്പോള് പരിസ്ഥിതിയെ മറന്നു പോകുന്നതിനെതിരെയും ജനങ്ങളെ ബോധവത്കരിക്കാനാണീ കാമ്പയിനെന്നദ്ദേഹം പറഞ്ഞു.
സമ്മേളനത്തോടനുബന്ധിച്ച് കുട്ടികള്ക്കായി പെയിന്റിങ് മത്സരം മൂന്നുവിഭാഗങ്ങളിലായി സംഘടിപ്പിക്കുന്നുണ്ട്. കൊച്ചുകുട്ടികള്, ജൂനിയര്, സീനിയര് വിഭാഗങ്ങളിലായിട്ടാണ് മത്സരം. അഭിപ്രായനിര്ദേശങ്ങള് ക്ഷണിച്ചുകൊണ്ടുള്ള മത്സരവും നടത്തുന്നുണ്ട്. ക്യൂ-ട്രാവല്സുമായി ചേര്ന്ന് നടത്തുന്ന മത്സരവിജയിക്ക് വിമാനടിക്കറ്റ് സമ്മാനമായി നല്കും. സമ്മേളനത്തില് എന്റോസള്ഫാനെതിരെ സ്റ്റോക്ക് ഹോം കണ്വെന്ഷനില് ഖത്തറിനെ പ്രതിനിധീകരിച്ചുവാദിച്ച ഡോ.ജെയിംസ് അല്ലൂസി, ആരോഗ്യഉന്നതാധികാര സമിതി മേധാവി ഡോ.ഷെയ്ക്കാ അല്സിയാറ, പരിസ്ഥിതി സുരക്ഷാവകുപ്പ്മേധാവി വസ്സല്അല്ബേക്കര്, ഐ.സി.സി.പ്രസിഡന്റ് കെ.എം.വര്ഗീസ്, ഇന്ത്യന് എംബസി പ്രതിനിധി തുടങ്ങിയവര് പങ്കെടുക്കും. വെല്ക്കം ഡൈന്ഹോട്ടലില് നടന്ന വാര്ത്താസമ്മേളനത്തില് ഫോക്കസ് എച്ച്.ആര്.മാനേജര് ബാസില്, ഫൈനാന്സ് മാനേജര് ഷഹിന്മുഹമ്മദ്ശാഫി, എക്സിക്യുട്ടീവ് കമ്മിറ്റി അംഗം ഷഹീര് മുഹമ്മദ് എന്നിവര് പങ്കെടുത്തു. 
