റമദാനിലെ നന്മകള്‍ ജീവിതാവസാനം വരെ കാത്തുസൂക്ഷിക്കുക

പരപ്പനങ്ങാടി : റമദാന്‍ വ്രതത്തിലൂടെ ആര്‍ജിക്കുന്ന ഭക്തിയും നല്ലശീലങ്ങളും ജീവിതാവസാനം വരെ വിശ്വാസികളെ മുന്നോട്ടു നയിക്കാന്‍ പര്യാപ്തമാകണമെന്ന് ആഹ്വാനം ചെയ്തുകൊണ്ട് കെ എന്‍ എം ഇഫ്‌താര്‍ സംഗമം സമാപിച്ചു. പരപ്പനങ്ങാടി ഡെല്‍റ്റ ഓഡിറ്റോറിയത്തില്‍ നടന്ന പഠനക്യാമ്പ് ഐ എസ് എം സംസ്ഥാന വൈസ് പ്രസിഡന്റ് അലിമദനി മൊറയൂര്‍ ഉദ്ഘാടനം ചെയ്തു. ശാഖാ പ്രസിഡന്റ് ഇ ഒ നാസിര്‍ അധ്യക്ഷത വഹിച്ചു. ശബാബ് വരിചേര്‍ക്കല്‍ ഉദ്ഘാടനം ഗ്രാമപഞ്ചായത്ത് വൈസ് പ്രസിഡന്റ് പി കെ മുഹമ്മദ് ജമാല്‍ നിര്‍വഹിച്ചു. ഇ വി അബ്ബാസ് സുല്ലമി പൂനൂര്‍, അഷ്‌റഫ് ചെട്ടിപ്പടി ക്ലാസ്സെടുത്തു. കെ എന്‍ എം മലപ്പുറം വെസ്റ്റ് ജില്ലാ വൈസ് പ്രസിഡന്റ് ഇ ഒ ബാബു അബ്‌ദുല്‍ അസീസ്, ഇ ഒ അന്‍‌വര്‍ മാസ്റ്റര്‍, പി വി അബ്‌ദുല്‍ ഹഖീം, എ വി ജഷീര്‍, കെ കെ ഇംതിയാസ്, ടി അല്‍താഫ് തുടങ്ങിയവര്‍ പ്രസംഗിച്ചു. തുടര്‍ന്ന് സ്ത്രീകളടക്കം നാനൂറോളം പേര്‍ പങ്കെടുത്ത സമൂഹ നോമ്പുതുറയും നടന്നു.