‘വെളിച്ചം’ നാലാം ഘട്ട പരീക്ഷ: ഒന്നാം സ്ഥാനം ലബീബയ്‌ക്ക്‌

കുവൈത്ത്‌: വിശുദ്ധ ഖുര്‍ആന്‍ പൂര്‍ണമായി പഠിക്കുവാനും മനസ്സിലാക്കുവാനുമായി കുവൈത്ത് ഇസ്വ്‌ലാഹീ സെന്റര്‍ ‘വെളിച്ചം’ എന്ന പേരില്‍ സംഘടിപ്പിച്ചുവരുന്ന സമ്പൂര്‍ണ്ണ ഖുര്‍‌ആന്‍ വിജ്ഞാന പരീക്ഷയുടെ നാലാം ഘട്ടത്തില്‍ ലബീബ മുഹമ്മദ്‌ റഫീഖ്‌ ഒന്നാം സ്ഥാനം നേടി. ലബീബ എം ജി എം പ്രവര്‍ത്തകയാണ്‌. ജൂലാ മൊയ്‌തുണി, ഇബ്രാഹിം കൊപ്പം എന്നിവര്‍ യഥാക്രമം രണ്ടും മൂന്നും സ്ഥാനങ്ങള്‍ കരസ്ഥമാക്കി.  ശംസുദ്ധീന്‍ പട്ടാമ്പി, ഷബീബ കോഴിക്കോട്‌, കെ എം അബ്‌ദുല്ലത്തീഫ്‌, ഷഹര്‍ബാന്‍ കുന്ദംകുളം, സിദ്ധീഖ്‌ വടക്കേക്കാട്‌ എന്നിവര്‍ പ്രോത്സാഹന സമ്മാനങ്ങള്‍ക്ക്‌ അര്‍ഹരായി. വിജയികള്‍ക്കുള്ള കാഷ്‌ അവാര്‍ഡുകളും സമ്മാനങ്ങളും ഐ ഐ സിയുടെ പൊതു പരിപാടിയില്‍ വെച്ച്‌ വിതരണം ചെയ്യുമെന്ന്‌ പരീക്ഷാ കണ്ട്രോളര്‍ അബ്‌ദുല്‍ അസീസ്‌ അഹ്‌മദ്‌ അറിയിച്ചു.