.jpg) |
| 'മുഹമ്മദ് അമാനി മൗലവി ഒരു വിസ്മയം' കാലിക്കറ്റ് യൂണിവേഴ്‌സിറ്റി ഇസ്‌ലാമിക് ചെയറില്‍ ഐ എസ് എം സംഘടിപ്പിച്ച സെമിനാര്‍ പി മുഹമ്മദ് കുട്ടശ്ശേരി ഉദ്ഘാടനം ചെയ്യുന്നു. |
തേഞ്ഞിപ്പലം: ഖുര്‍ആനിക വ്യാഖ്യാന രംഗത്ത് വിസ്മയം സൃഷ്ടിച്ച അമാനി മൗലവിയുടെ വിശുദ്ധ ഖുര്‍ആന്‍ വിവരണം കേരളത്തിന് എക്കാലവും മുതല്‍ക്കൂട്ടാണെന്നും മൗലവി ചര്‍ച്ച ചെയ്യപ്പെടാത്തത് യുവകേരളത്തോട് ചെയ്യുന്ന അനീതിയാണെന്നും പി മുഹമ്മദ് കുട്ടശ്ശേരി അഭിപ്രായപ്പെട്ടു. ഐ എസ് എം സംഘടിപ്പിച്ച ഇസ്‌ലാമിക് സെമിനാര്‍ ഉദ്ഘാടനം ചെയ്യുകയായിരുന്നു അദ്ദേഹം. ഖുര്‍ആനില്‍ നിന്ന് സമൂഹത്തിന് വെളിച്ചമേകിയ അമാനി മൗലവിയെ കേരളക്കരയില്‍ ചര്‍ച്ച ചെയ്യാന്‍ മുസ്‌ലിം സമൂഹം തയ്യാറാവണം. തങ്ങളുടെ ആശയത്തിന് എതിരായ ആശയങ്ങളെ വെച്ച് പുലര്‍ത്തുന്നവരിലെ നന്മകളെ കാണാതെ വിമര്‍ശിക്കുന്നവര്‍ക്ക് മാതൃകയാവേണ്ട വിമര്‍ശനരീതിയാണ് അമാനി മൗലവി ഉയര്‍ത്തിപ്പിടിച്ചതെന്നും അദ്ദേഹം പറഞ്ഞു. ഐ എസ് എം സംസ്ഥാന പ്രസിഡന്റ് യു പി യഹ്‌യാഖാന്‍ അധ്യക്ഷത വഹിച്ചു. 'വിശുദ്ധ ഖുര്‍ആന്‍ വിവരണം: ദൗത്യവും സ്വാധീനവും' വിഷയത്തില്‍ പ്രൊഫ. കെ പി സകരിയ്യ പ്രബന്ധം അവതരിപ്പിച്ചു. ഡോ. എ ഐ റഹ്മത്തുല്ല, അഡ്വ. പി എം മുഹമ്മദ് കുട്ടി, ഇസ്മാഈല്‍ കരിയാട്, സഹീറലി പന്താവൂര്‍, നൗഷാദ് കുറ്റ്യാടി പ്രസംഗിച്ചു.
'മുഹമ്മദ് അമാനി മൗലവിയും കേരള മുസ്‌ലിം നവോത്ഥാനവും' ചര്‍ച്ചാവേദി കെ എന്‍ എം സംസ്ഥാന പ്രസിഡന്റ് സി പി ഉമര്‍ സുല്ലമി ഉദ്ഘാടനം ചെയ്തു. ഒരു പുരുഷായുസ്സ് കൊണ്ട് ഒരു വ്യക്തിക്ക് ചെയ്തു തീര്‍ക്കാവുന്ന ദൗത്യത്തെ അടയാളപ്പെടുത്തുന്ന ജീവിതമായിരുന്നു അമാനി മൗലവിയുടേത് എന്ന് ചര്‍ച്ചാവേദി അഭിപ്രായപ്പെട്ടു. ചെറിയമുണ്ടം അബ്ദുല്‍ഹമീദ്, ശൈഖ് മുഹമ്മദ് കാരക്കുന്ന്, കുഞ്ഞിമുഹമ്മദ് മദനി പറപ്പൂര്‍, പ്രൊഫ. എന്‍ വി സകരിയ്യ ചര്‍ച്ചയില്‍ പങ്കെടുത്തു.
 |
| പ്രബന്ധാവതരണ സെഷന്‍ ഡോ. ഹുസൈന്‍ മടവൂര്‍ ഉദ്ഘാടനം ചെയ്യുന്നു. |
പ്രബന്ധാവതരണ സെഷന്‍ ഡോ. ഹുസൈന്‍ മടവൂര്‍ ഉദ്ഘാടനം ചെയ്തു. 'വിശുദ്ധ ഖുര്‍ആന്‍ വിവരണങ്ങള്‍: വ്യതിരിക്തതയും പരിമിതികളും' വിഷയത്തില്‍ ഡോ. ജമാലുദ്ദീന്‍ ഫാറൂഖിയും 'മുഹമ്മദ് അമാനി മൗലവി കാലവും കാഴ്ചപ്പാടുകളും' വിഷയത്തില്‍ ജാബിര്‍ അമാനിയും 'മുഹമ്മദ് അമാനി മൗലവി: വിമര്‍ശനങ്ങള്‍ വസ്തുതകള്‍' വിഷയത്തില്‍ പ്രൊഫ. അലി മദനി മൊറയൂരും പ്രബന്ധങ്ങളവതരിപ്പിച്ചു. മന്‍സൂറലി ചെമ്മാട് അധ്യക്ഷത വഹിച്ചു. സമാപന സമ്മേളനം കേരള യൂണിവേഴ്‌സിറ്റി രജിസ്ട്രാര്‍ ഡോ. കെ മുഹമ്മദ് ബഷീര്‍ ഉദ്ഘാടനം ചെയ്തു. വിശുദ്ധ ഖുര്‍ആന്‍; പഠനം, പാരായണം എന്ന വിഷയത്തില്‍ നൗഷാദ് കാക്കവയല്‍ സംസാരിച്ചു. അബ്ദുര്‍റഷീദ് ഉഗ്രപുരം അധ്യക്ഷത വഹിച്ചു. ഡോ. ഫുഖാറലി, ഹിജാസ് അഹമ്മദ്, സി പി മുഹമ്മദ് കുട്ടി അന്‍സാരി, വീരാപ്പു അന്‍സാരി ഫൈസല്‍ നന്മണ്ട, ജഅ്ഫര്‍ വാണിമേല്‍, അബ്ദുസ്സലാം മുട്ടില്‍, ലബീദ് അരീക്കോട് പ്രസംഗിച്ചു.
0 വായനക്കാരുടെ പ്രതികരണങ്ങൾ :
Post a Comment
അസ്സലാമു അലൈക്കും...
സുഹൃത്തെ,
എഴുതൂ താങ്കളുടെ അഭിപ്രായങ്ങള്‍...
സ്നേഹത്തോടെ,
ടീം,
ഇസ്‌ലാഹിന്യൂസ്.കോം