കോഴിക്കോട്: വിലക്കയറ്റംകൊണ്ട് പൊറുതി മുട്ടിയ രാജ്യത്തെ സാധാരണക്കാര്‍ക്ക് മേല്‍ ജനദ്രോഹനയങ്ങള്‍ വീണ്ടും വീണ്ടും അടിച്ചേല്‍പ്പിക്കുകയാണ് നരേന്ദ്രമോദി സര്‍ക്കാറെന്ന് കേരള നദ്‌വത്തുല്‍ മുജാഹിദീന്‍ (കെ.എന്‍.എം.) സംസ്ഥാന സെക്രട്ടറിയേറ്റ് കുറ്റപ്പെടുത്തി. ഇന്ധനവില കുത്തനെ ഉയര്‍ത്തിയും സേവന നികുതി വര്‍ദ്ധിപ്പിച്ചും സാധാരണക്കാരെ കൊള്ളയടിക്കുകയാണ് കേന്ദ്രസര്‍ക്കാര്‍. റെയില്‍ ചരക്കുകൂലി വര്‍ദ്ധനയിലൂടെ വിലക്കയറ്റത്തിന്റെ വാതായനം തുറന്നുകൊടുത്തിരിക്കുകയാണ്.
സാധാരണക്കാര്‍ക്ക് ഗുണകരമായിരുന്ന ഭക്ഷ്യ, വളം, ഇന്ധന സബ്‌സിഡികള്‍ വെട്ടിക്കുറച്ച് പാവങ്ങളെ ചതിക്കുകയും കോര്‍പ്പറേറ്റ് നികുതി കുറക്കുകയും സ്വത്ത് നികുതി ഒഴിവാക്കുകയും ചെയ്തുകൊണ്ട് കോര്‍പ്പറേറ്റുകള്‍ക്ക് തഴച്ചു വളരാന്‍ അവസരം ഒരുക്കുകയും ചെയ്യുന്ന നരേന്ദ്ര മോദി സര്‍ക്കാറിന്റെ ജനവഞ്ചനക്കെതിരെ ശക്തമായ പ്രക്ഷോപം ഉയര്‍ന്നുവരണമെന്ന് കെ.എന്‍.എം. അഭിപ്രായപ്പെട്ടു.
ഇടത്തരക്കാര്‍ക്ക് ഗുണകരമാവും വിധം ആദായ നികുതി പരിധി വര്‍ദ്ധിപ്പിക്കുമെന്ന് വാഗ്ദാനം ചെയ്ത് അധികാരത്തില്‍ വന്ന സര്‍ക്കാര്‍ പരിധിയിളവിനെക്കുറിച്ച് വഞ്ചനാപരമായ നിലപാട് ആവര്‍ത്തിക്കുകയാണ്.
രാജ്യത്തിന്റെ വളര്‍ച്ചാ നിരക്കിന്റെ പേര് പറഞ്ഞ് പാവപ്പെട്ട വിഭാഗങ്ങളെ കോര്‍പ്പറേറ്റുകള്‍ക്ക് കൊള്ളയടിക്കാന്‍ വിട്ടുകൊടുക്കുന്ന നരേന്ദമോദി സര്‍ക്കാറിനെ താഴെയിറക്കാന്‍ സമയമായിരിക്കുന്നു എന്നും കെ.എന്‍.എം വിലയിരുത്തി.
കെ എന്‍ എം സംസ്ഥാന പ്രസിഡണ്ട് സി പി ഉമര്‍ സുല്ലമി അധ്യക്ഷത വഹിച്ചു. ഡോ. ഹുസൈന്‍ മടവൂര്‍, പി കെ ഇബ്‌റാഹീം ഹാജി, ജനറല്‍ സെക്രട്ടറി എം സ്വലാഹുദ്ദിന്‍ മദനി, എ അസ്ഗറലി, ഡോ. ഇ കെ അഹ്മദ്കുട്ടി, പി ടി വീരാന്‍കുട്ടി സുല്ലമി, എ അബ്ദുല്‍ ഹമീദ് മദീനി, കെ അബൂബക്കര്‍ മൗലവി, പ്രൊഫ. എന്‍ വി അബ്ദുറഹ്മാന്‍, ഡോ പി പി അബ്ദുല്‍ ഹഖ്, സി മുഹമ്മദ് സലിം സുല്ലമി, അഡ്വ. എം മൊയ്തീന്‍കുട്ടി, ഡോ. പി മുസ്തഫ ഫാറൂഖി, ഡോ. കെ അബ്ദുറസാഖ് സുല്ലമി, സി അബ്ദുലത്തീഫ്, സി അബ്ദുല്‍ ജബ്ബാര്‍, ഡോ. ഐ പി അബ്ദുസ്സലാം, മമ്മു കോട്ടക്കല്‍, അബ്ദുലത്തീഫ് കരുമ്പുലാക്കല്‍, ശംസുദ്ദീന്‍ പാലക്കോട്, ഉബൈദുല്ല താനാളൂര്‍, ഡോ. സലീം ചെര്‍പ്പുളശ്ശേരി, കെ പി അബ്ദുറഹ്മാന്‍, ബി പി എ ഗഫൂര്‍, ഹാഷീം ആലപ്പുഴ, ഹാഫിസുര്‍റഹ്മാന്‍ പ്രസംഗിച്ചു.
0 വായനക്കാരുടെ പ്രതികരണങ്ങൾ :
Post a Comment
അസ്സലാമു അലൈക്കും...
സുഹൃത്തെ,
എഴുതൂ താങ്കളുടെ അഭിപ്രായങ്ങള്‍...
സ്നേഹത്തോടെ,
ടീം,
ഇസ്‌ലാഹിന്യൂസ്.കോം