 |
| അബൂബക്കർ നസ്സാഫ് മൌലവി |
പട്ടാമ്പി: അമ്പിയാക്കളുടെയും, സലഫുസ്വാലിഹീങ്ങളുടെയും വിശ്വാസാചാരങ്ങളിലേക്കും അനുഷ്ഠാനങ്ങളിലേക്കും സമൂഹം തിരിച്ചുവരണമെന്നും. റസൂലുല്ലാഹി (സ.അ)യുടെയും സ്വഹാബത്തിന്റെയും താബിഉത്താബിഉകളുടെയും പാതയിൽ സഞ്ചരിക്കണമെന്നും അതുവഴി യഥാർഥ സുന്നത്തുള്ള സുന്നികളാകണമെന്നും അബൂബക്കർ നസ്സാഫ് മൌലവി ആഹ്വാനം ചെയ്തു. കരിമ്പുള്ളി ശാഖ കെ എൻ എമ്മും ഐ എസ് എമ്മും സംയുക്തമായി സംഘടിപ്പിച്ച പൊതുയോഗത്തിൽ മുഖ്യപ്രഭാഷണം നിർവഹിക്കുകയായിരുന്നു അദ്ദേഹം.
അന്ധവിശ്വാസങ്ങളിലേക്കും അധാർമികതകളിലേക്കും ജാറ-ജിന്ന് പൂജകൾ പോലെയുള്ളവയിലേക്കുള്ള കുത്തൊഴുക്കിൽ വർഗീയതയില്ലാത്ത ഒത്തൊരുമയാണ് കാണാൻ കഴിയുന്നത്. ഇത് എതിർക്കപ്പെടേണ്ടതാണെന്നും പണ്ഡിതന്മാർ ശക്തമായി ഇത്തരം കാര്യങ്ങൾക്കെതിരെ ജനങ്ങളെ ബോധവത്കരിക്കാൻ മുന്നോട്ട് വരണമെന്നും അദ്ദേഹം ആവശ്യപ്പെട്ടു.
പി അബ്ദു സലഫി സ്വാഗതവും ജഅ്ഫർ കരിമ്പുള്ളി നന്ദിയും പറഞ്ഞു.
 |
| അബൂബക്കർ നസ്സാഫ് മൌലവി |
