കോഴിക്കോട്: രാജ്യം അന്വേഷിച്ചുകൊണ്ടിരിക്കുന്ന കുറ്റവാളിയെ കേന്ദ്രമന്ത്രി സുഷമ സ്വരാജ് വഴിവിട്ട് സഹായിച്ചതിനെ ദേശീയ വികാരമായി ന്യായീകരിച്ച ആര് എസ് എസ്സിന്റെ നടപടി ലജ്ജാകരമാണെന്ന് മര്ക്കസുദ്ദഅ്വയില് ചേര്ന്ന കെ എന് എം സംസ്ഥാന സെക്രട്ടറിയേറ്റ് അഭിപ്രായപ്പെട്ടു. ജാതിയും മതവും നോക്കി ദേശീയ വികാരം നിര്ണയിക്കുന്ന ഇരട്ടത്താപ്പാണ് ലളിത് മോഡി വിഷയത്തില് ആര് എസ് എസ്സിന്റേതെന്ന് കെ എന് എം കുറ്റപ്പെടുത്തി.
ദാവൂദ് ഇബ്റാഹിം ആയാലും ലളിത് മോഡിയായാലും തെറ്റ് ചെയ്താല് ശിക്ഷിക്കപ്പെടണമെന്നാണ് യഥാര്ത്ഥ ദേശീയ വാദികളുടെ നിലപാട്. അതിനൊപ്പം നില്കാന് ആര് എസ് എസ്സിന് ചങ്കൂറ്റമുണ്ടെങ്കില് സുഷമ സ്വരാജിനെ മന്ത്രി സഭയില്നിന്ന് പുറത്താക്കാന് നടപടി സ്വീകരിക്കുകയാണ് ആര് എസ് എസ്സ് ചെയ്യേണ്ടത്.
സംഘ്പരിവാറിന്റെ ലൗ ജീഹാദെന്ന വ്യാജപ്രചാരണം ബിഷപ്പ് മാര് മാത്യു ആനകുഴിക്കാട്ടില് ഏറ്റുപിടിച്ചത് അദ്ദേഹത്തിന്റെ പദവിക്ക് നിരക്കുന്നതായില്ല. സമുദായ സ്പര്ദ്ധ വളര്ത്തുന്ന ദുഷ്പ്രചാരണങ്ങളില് ബിഷപ്പുമാര് പങ്കാളികളാവുന്നത് ഒട്ടും ശരിയല്ലെന്ന് കെ എന് എം അഭിപ്രായപ്പെട്ടു.
യോഗത്തില് വൈസ് പ്രസിഡണ്ട് പ്രൊഫ.എന് വി അബ്ദുറഹിമാന് അധ്യക്ഷത വഹിച്ചു. പി കെ ഇബ്റാഹിം ഹാജി, എ അസ്ഗറലി, എ ഹമീദ് മദീനി, സി മുഹമ്മദ് സലിം സുല്ലമി, സി അബ്ദുല്ലത്തീഫ് മാസ്റ്റര്, അബ്ദുല്ലത്തീഫ് കരുമ്പിലാക്കല്, ഡോ പി പി അബ്ദുല്ഹഖ്, പി ടി വീരാന്കുട്ടി സുല്ലമി, ഉബൈദുല്ല താനാളൂര്, മമ്മു കോട്ടക്കല്, സലിം ചെര്പ്പുളശ്ശേരി, ബി പി എ ഗഫൂര്, കെ പി അബ്ദുറഹീം പ്രസംഗിച്ചു.
0 വായനക്കാരുടെ പ്രതികരണങ്ങൾ :
Post a Comment
അസ്സലാമു അലൈക്കും...
സുഹൃത്തെ,
എഴുതൂ താങ്കളുടെ അഭിപ്രായങ്ങള്...
സ്നേഹത്തോടെ,
ടീം,
ഇസ്ലാഹിന്യൂസ്.കോം