കുവൈത്ത് സിറ്റി: ഇന്ത്യന് ഇസ്ലാഹി സെന്റര് ഖുര്ആന് മന:പാഠ വകുപ്പായ അല് ഫുര്ഖാന് ഖുര്ആന് സ്റ്റഡി സെന്റര് സംഘടിപ്പിച്ച ഖുര്ആന് മന:പാഠ മത്സരത്തില് പെണ്കുട്ടികളുടെ വിഭാഗത്തിലെ ഒന്നാം സ്ഥാനം ആറ് വയസ്സുകാരി സുന്ദുസ് ഹാരിസും (കോഴിക്കോട്), ജനിഫര് ജമാലും (തൃശൂര്) സ്വന്തമാക്കി. രണ്ടു മൂന്നും സ്ഥാനങ്ങള്ക്ക് യഥാക്രമം മുഹ്സിന ബീഗം മൊയ്തുണ്ണി (കടവല്ലൂര്), ഷഹര്ബാന് മുഹമദ് ബേബി (കുന്ദംകുളം) എന്നിവരും അര്ഹരായി.
ആണ്കുട്ടികളുടെ വിഭാഗത്തില് ആദ്യ മൂന്ന് സ്ഥാനങ്ങള് ഖലീലുറഹ്മാന് സുബൈര് (മാഹി), മുഹമ്മദ് മിഷാല് (ചെമ്മനാട്), എം.ടി മുഹമ്മദ് താനൂര് എന്നിവരും കരസ്ഥമാക്കി. വിജയികള്ക്കുള്ള സമ്മാനങ്ങള് എം.ഇ.എസ് ജനര്ല് സെക്രട്ടറി അഷ്റഫ് അയ്യൂര് , ഡോ. അബ്ദുറഹിമാന്, അഡ്വ. അബ്ദുറസാഖ് പയ്യോളി, നൗഷാദ് ചങ്ങനാശേരി എന്നിവര് വിതരണം ചെയ്തു. അല് ഫുര്ഖാന് ഖുര്ആന് സ്റ്റഡി സെന്റര് സെക്രട്ടറി അബ്ദുല് ഗഫൂര് ഫറോക്ക്, മനാഫ് മാത്തോട്ടം എന്നിവര് പരിപാടികര്ക്ക് നേതൃത്വം നല്കി.
