കോഴിക്കോട്: ഖുര്‍ആന്‍ വെളിച്ചത്തിന്റെ വെളിച്ചം റമദാന്‍ കാമ്പയിന്റെ ഭാഗമായി എം എസ് എം സംഘടിപ്പിച്ച 17ാമത് മിസ്ബാഹ് ഖുര്‍ആന്‍ വിജ്ഞാന പരീക്ഷ സ്വദേശത്തും വിദേശത്തുമായി വിദ്യാര്‍ഥികളുടെ പങ്കാളിത്തം കൊണ്ട് ശ്രദ്ധേയമായി. സംസ്ഥാനത്തെ പതിനാല് ജില്ലകളിലെ 550 സെന്ററുകളിലായി ആയിരങ്ങള്‍ പങ്കെടുത്തു. സമൂഹത്തിന്റെ നാനാതുറകളില്‍ നിന്നുള്ള മത്സരാര്‍ത്ഥികള്‍ക്ക് ഖുര്‍ആനിന്റെ ആശയങ്ങളിലേക്ക് വെളിച്ചം പകരാന്‍ പരീക്ഷക്ക് സാധിച്ചു. ഒ എം ആര്‍ ആന്‍സര്‍ ഷീറ്റ്കളുപയോഗിച്ചാണ് വിവിധ കേന്ദ്രങ്ങളില്‍ ഒരേ സമയത്ത് പരീക്ഷ നടത്തപ്പെട്ടത്. പരീക്ഷയുടെ പ്രൊഫഷണല്‍ സമീപനം രണ്ട് മണിക്കൂര്‍ നീണ്ടു നിന്ന പരീക്ഷ എഴുതി പുറത്തിറങ്ങിയ വിദ്യാര്‍ത്ഥികള്‍ ഏറെ പ്രകീര്‍ത്തിച്ചു.
പരീക്ഷക്ക് ശേഷം മുഖ്യ പരീക്ഷാ കണ്‍ട്രോളര്‍ ഹാഫിസ് റഹ്മാന്‍ പുത്തൂര്‍ പരീക്ഷാര്‍ഥികളോട് സംവദിച്ചു. സൃഷ്ടാവിന്റെ കാരുണ്യത്തെക്കുറിച്ചും അത് തിരിച്ചറിഞ്ഞ് നന്ദി ചെയ്യുന്നതിനെ കുറിച്ചും അദ്ദേഹം ഉദ്‌ഘോഷിച്ചു. വരും വര്‍ഷങ്ങളില്‍ കൂടുതല്‍ സജീവമായി മിസ്ബാഹിന്റെ തുടര്‍ പ്രവര്‍ത്തനങ്ങള്‍ ഉണ്ടാകുമെന്ന് പ്രസിഡന്റ് ഡോ. മുബഷിര്‍ പാലത്ത് അറിയിച്ചു. കേരളത്തിനു പുറമെ ജി സി സി രാഷ്ട്രങ്ങളിലും വിവിധ സെന്ററുകളിലായി പരീക്ഷ നടന്നതായി സംഘാടക സമിതി അറിയിച്ചു. ഖമറുദ്ദീന്‍ എളേറ്റില്‍, സൈദ് മുഹമ്മദ്, മുഹ്‌സിന്‍ തൃപ്പനച്ചി, അദീപ് പുത്തൂര്‍, നസീഫ് അത്താണിക്കല്‍, നബീല്‍ പാലത്ത്, മുഹാവിന്‍ മുബാറക്, മുസ്‌ലിഹ്, മന്‍സൂര്‍ കൊടിയത്തൂര്‍, അബൂബക്കര്‍, മുസ്ഫര്‍, ഫവാസ് കുണ്ടുങ്ങല്‍ തുടങ്ങിയവര്‍ പരീക്ഷക്ക് നേതൃത്വം നല്കി. റിസള്‍ട്ട്, ഉത്തര സൂചിക പോലെയുള്ള പരീക്ഷയുമായി ബന്ധപ്പെട്ട www.msmkerala.org എന്ന വെബ്‌സൈറ്റില്‍ ലഭ്യമാണ്. ഉത്തരസൂചികയുടെ വിശദീകരണവും പ്രസ്തുത വെബ്‌സൈറ്റില്‍ ലഭിക്കും. പരീക്ഷാ സംബന്ധമായ അഭിപ്രായങ്ങളും നിര്‍ദേശങ്ങളും hello@msmkerala.org എന്ന ഇമെയില്‍ വിലാസത്തില്‍ അറിയിക്കണമെന്നും കണ്‍ട്രോളര്‍ അറിയിച്ചു.
അതിനൂതനമായ ഒ എം ആര്‍ കേന്ദ്രീകൃത മൂല്യനിര്‍ണയത്തിന് ശേഷം ഈദുല്‍ ഫിത്ത്വര്‍ ദിനത്തിലും പ്രത്യേകം തയ്യാറാക്കിയ സപ്ലിമെന്റിലും www.msmkerala.org വെബ്‌സൈറ്റിലും ഫലം പ്രസിദ്ധീകരിക്കുന്നതാണ്. ഒന്നാം ഘട്ട മത്സര വിജയികളെ ഉള്‍പ്പെടുത്തി നടത്തുന്ന 'മിസ്ബാഹ്' മെഗാ റൗണ്ടില്‍ എത്തിപ്പെടുന്ന 20 പേരില്‍ നിന്നാണ് ആദ്യ മൂന്നു സ്ഥാനക്കാരെ നിര്‍ണയിക്കുക. ആദ്യ മൂന്നു സ്ഥാനക്കാര്‍ക്ക് യഥാക്രമം 30,003, 20,002, 10,001 രൂപയും പ്രശസ്തി പത്രവും മറ്റുള്ളവര്‍ക്ക് റിസര്‍ച്ച് പുസ്തകങ്ങളും പ്രോത്സാഹന സമ്മാനങ്ങളുമാണ് തയ്യാറാക്കിയിട്ടുള്ളത്. കൂടുതര്‍വിവരങ്ങള്‍ക്ക്: 0495.4020375, 9946369376, 9847353752
0 വായനക്കാരുടെ പ്രതികരണങ്ങൾ :
Post a Comment
അസ്സലാമു അലൈക്കും...
സുഹൃത്തെ,
എഴുതൂ താങ്കളുടെ അഭിപ്രായങ്ങള്‍...
സ്നേഹത്തോടെ,
ടീം,
ഇസ്‌ലാഹിന്യൂസ്.കോം