തിരൂര്; സമൂഹത്തിന്റെ സര്വരംഗങ്ങളിലും അധാര്മിക പ്രവണതകള് വ്യാപകമായ സാഹചര്യത്തില് മാതൃകായോഗ്യരായ യുവജനങ്ങളാണ് നാളെയുടെ പ്രതീക്ഷയെന്നും രാജ്യത്തിന്റെയും സമൂഹത്തിന്റെയും നന്മക്ക് യുവാക്കള് നേതൃത്വം നല്കണമെന്നും ഐ എസ് എം സംസ്ഥാന പ്രസിഡന്റ് യു പി യഹ്്് യാഖാന് അഭിപ്രായപ്പെട്ടു. ഇത്തിഹാദു ശ്ശുബ്ബാനില് മുജാഹിദീന് മലപ്പുറം വെസ്റ്റ് ജില്ലാ കമ്മിറ്റി സംഘടിപ്പിച്ച സംസ്ഥാന നേതാക്കള്ക്കുള്ള സ്വീകരണ പരിപാടിയില് മുഖ്യപ്രഭാഷണം നടത്തുകയായിരുന്നു അദ്ദേഹം. സി പി മുഹമ്മദ് കു്ട്ടി അന്സാരി അധ്യക്ഷത വഹിച്ചു.
സ്വീകരണ സമ്മേളനം കെ എന് എം സംസ്ഥാന സെക്രട്ടറി ഉബൈദുല്ല താനാളൂര് ഉദ്ഘാടനം ചെയ്തു. തിരൂര് മുനിസിപ്പല് ചെയര്പേഴ്സന് കെ സഫിയ ടീച്ചര് മുഖ്യാതിഥിയായിരുന്നു. അധാര്മികതകളെ ചെറുത്തു തോല്പിക്കാനും സമൂഹത്തെ ധാര്മിക വത്കരിക്കാനും കഴിയുന്ന വിഭാഗമാണ് യുവാക്കള്. അതുകൊണ്ട് ധാര്മിക യുവതക്ക് സമൂഹത്തിന്റെ സര്വ പിന്തുണയും ലഭിക്കേണ്ടതുണ്ടെന്ന് തുടര്ന്ന് സംസാരിച്ച ഐ എസ് എം ജനറല് സെക്രട്ടറി ഇസ്മാഈല് കരിയാട് പ്രസ്താവിച്ചു.
സമ്മേളനത്തില് ലബീദ് അരീക്കോട്, അബ്ദുസ്സലാം മുട്ടില്, മന്സൂറലി ചെമ്മാട്, ഖദീജ നര്ഗീസ്, ഡോ. ഫുക്കാര് അലി, ജലീല് ഒതായി, ഷരീഫ് തിരൂര്, ഷാനവാസ് പറവന്നൂര്, റിഫ ഷെലീസ് എന്നിവര് സംസാരിച്ചു.
0 വായനക്കാരുടെ പ്രതികരണങ്ങൾ :
Post a Comment
അസ്സലാമു അലൈക്കും...
സുഹൃത്തെ,
എഴുതൂ താങ്കളുടെ അഭിപ്രായങ്ങള്...
സ്നേഹത്തോടെ,
ടീം,
ഇസ്ലാഹിന്യൂസ്.കോം