കൊച്ചി: മുജാഹിദ് സ്റ്റുഡന്റ്‌സ് മൂവ്‌മെന്റ് (എം എസ് എം) സംഘടിപ്പിക്കുന്ന കേരള സ്റ്റുഡന്റ്‌സ് കോണ്‍ഗ്രസിന് ഇന്ന് തുടക്കം. എറണാകുളം രാജേന്ദ്രമൈതാനിയില്‍ പ്രത്യേകം ഒരുക്കിയ ഇഖ്‌റഅ് നഗറിലാണ് സമ്മേളനം നടക്കുന്നത്. വിജ്ഞാനം-വിവേകം-വികാസം എന്ന സന്ദേശവുമായുള്ള കാംപയിന് സമാപനമായാണ് സമ്മേളനം സംഘടിപ്പിച്ചിരിക്കുന്നത്. വിദ്യാഭ്യാസ രംഗത്തെ ആധുനിക പ്രശ്‌നങ്ങളില്‍ വിദ്യാര്‍ഥി സംഘടനകളുടെ ഏകീകരണം സമ്മേളനം ചര്‍ച്ച ചെയ്യും. കാമ്പസ് ധര്‍മം കാലത്തിന് ലഭ്യമാക്കാനും ധാര്‍മിക പരിസരത്തിന്റെ കാമ്പസ് നിയോഗം പ്രഖ്യാപിക്കുവാനും സ്റ്റുഡന്റ്‌സ് കോണ്‍ഗ്രസ് വേദിയാകും.
ഇന്ന് രാവിലെ 9ന് വളണ്ടിയേഴ്‌സ് മീറ്റോടെ സമ്മേളനം ആരംഭിക്കും. കെ എന്‍ എം സംസ്ഥാന സെക്രട്ടറി പി ടി വീരാന്‍ കുട്ടി സുല്ലമി ഉദ്ഘാടനം ചെയ്യും. ഇര്‍ഷാദ് സ്വലാഹി, സി അബ്ദുല്‍ ലത്തീഫ് മാസ്റ്റര്‍, ആഷിദ് ഷാ, അന്‍വര്‍ഷാ എന്നിവര്‍ സംസാരിക്കും. തുടര്‍ന്ന് ചില്‍ഡ്രന്‍സ് പാര്‍ക്കില്‍ നടക്കുന്ന ബാലസമ്മേളനം സിപ്പി പള്ളിപ്പുറം ഉദ്ഘാടനം ചെയ്യും. കൊച്ചി കോര്‍പറേഷന്‍ ഡപ്യൂട്ടി മേയര്‍ ബി ഭദ്ര മുഖ്യാതിഥിയായിരിക്കും. ജലീല്‍ പരപ്പനങ്ങാടി, ഷാനവാസ് പറവന്നൂര്‍ എന്നിവര്‍ മൊഴിമുത്തുകള്‍ നല്‍കും.
ഉച്ചയ്ക്ക് 1.30ന് കാമ്പസ് സ്റ്റുഡന്റ്‌സ് സമ്മിറ്റ് കെ എന്‍ എം സംസ്ഥാന പ്രസിഡന്റ് ഡോ. ഇ കെ അഹ്മദ് കുട്ടി ഉദ്ഘാടനം ചെയ്യും. ഡോ. അസ്ഗറലി എന്‍ജിനീയര്‍ മുഖ്യാതിഥിയായിരിക്കും. സി എം മൗലവി, അഷ്‌റഫ് കടയ്ക്കല്‍, എ അസ്ഗറലി, പി കെ ഷബീബ് എന്നിവര്‍ പ്രസംഗിക്കും.
തുടര്‍ന്ന് 4ന് ഓപ്പണ്‍ ഡിബേറ്റ് കെ എന്‍ എം ജനറല്‍ സെക്രട്ടറി സി പി ഉമര്‍ സുല്ലമി ഉദ്ഘാടനം ചെയ്യും. കേരള വഖഫ് ബോര്‍ഡ് ചെയര്‍മാന്‍ അഡ്വ. ടി കെ സൈതാലിക്കുട്ടി മുഖ്യാതിഥിയായിരിക്കും. പ്രൊഫ. കെ പി സകരിയ, മൗലവി ഷഫീഖ് അസ്‌ലം, അലി മദനി മൊറയൂര്‍, അബ്ദുല്ലത്തീഫ് കരുമ്പിലാക്കല്‍, ഹാഫിസ് റഹ്മാന്‍ മദനി പുത്തൂര്‍ എന്നിവര്‍ പ്രസംഗിക്കും.
വൈകീട്ട് 7ന് നടക്കുന്ന ഉദ്ഘാടന സമ്മേളനം പ്രൊഫ. കെ വി തോമസ് ഉദ്ഘാടനം ചെയ്യും. സമ്മേളന സുവനീര്‍ കോര്‍പറേഷന്‍ മേയര്‍ ടോണി ചമ്മിണി ആരോഗ്യസ്റ്റാന്റിംഗ് കമ്മിറ്റി ചെയര്‍മാന്‍ ടി കെ അഷ്‌റഫിന്് നല്‍കി പ്രകാശനം ചെയ്യും. പുസ്തക പ്രകാശനം ജസ്റ്റിസ് പി കെ ഷംസുദ്ധീന്‍ നിര്‍വഹിക്കും. ഡോ. മുസ്തഫ ഫാറൂഖി, ഡോ. മുബശ്ശിര്‍ പാലത്ത്, ഇസ്മായീല്‍ കരിയാട്, ജൗഹര്‍ അയനിക്കോട്, മുബാറക് ഹംസ എന്നിവര്‍ പ്രസംഗിക്കും. ഞായറാഴ്ച ഖുര്‍ആന്‍ സാരം, പഠനസെഷന്‍, സ്റ്റുഡന്റ്‌സ് പാര്‍ലമെന്റ്, സമാപന സമ്മേളനം എന്നിവ നടക്കും
0 വായനക്കാരുടെ പ്രതികരണങ്ങൾ :
Post a Comment
അസ്സലാമു അലൈക്കും...
സുഹൃത്തെ,
എഴുതൂ താങ്കളുടെ അഭിപ്രായങ്ങള്‍...
സ്നേഹത്തോടെ,
ടീം,
ഇസ്‌ലാഹിന്യൂസ്.കോം