വികല വിചാരങ്ങളെ അകറ്റുക- സി പി

കോട്ടയം: വികല ആചാരങ്ങളെ അകറ്റിനിര്ത്തിയാലേ ശാന്തിയും സമാധാനവും സാധ്യമാവുകയുള്ളൂ എന്ന് സി പി ഉമര് സുല്ലമി പറഞ്ഞു. ഐ എസ് എം ആദര്ശ കാമ്പയിനിന്റെ കോട്ടയം ജില്ല പ്രചരണ ഉദ്ഘാടനം നിര്വഹിക്കുകയായിരുന്നു അദ്ദേഹം. ഇസ്ലാം ശാന്തിയും സമാധാനവുമാണ് മുന്നോട്ടുവെക്കുന്നത്. മദ്യവും ലഹരി പദാര്ഥങ്ങളും നല്കുന്ന നശ്വര ശാന്തിയില് അഭയം കണ്ടെത്തി ജീവിതത്തെ നശിപ്പിക്കുന്ന അവസ്ഥയാണ് ഇന്നുള്ളത്. സ്വസ്ഥതയും സമാധാനവും തകര്ക്കുന്ന കാര്യങ്ങളായതിനാലാണ് ഇവയെ ഇസ്ലാം നിരോധിച്ചത്. ഇസ്ലാം വിരോധിച്ച കാര്യങ്ങളില് ആത്യന്തികമായി മനുഷ്യര്ക്ക് യാതൊരു നന്മയും ഉണ്ടാകുകയില്ല -അദ്ദേഹം പറഞ്ഞു.

ഹാരിസ് സ്വലാഹി അധ്യക്ഷത വഹിച്ചു. എ കെ ഈസ മദനി, കെ എന് എം സെക്രട്ടറിമാരായ അബൂബക്കര് മദനി മരുത, അബൂബക്കര് നന്മണ്ട എന്നിവര് ക്ലാസ്സെടുത്തു. ഐ എസ് എം വൈസ് പ്രസിഡന്റ് അബ്ദുസ്സലാം മുട്ടില് മുഖ്യ പ്രഭാഷണം നടത്തി. നാസര് മുണ്ടക്കയം, കെ പി ശഫീഖ് പ്രസംഗിച്ചു.