ആത്മീയചൂഷകരെ തുരത്തുക - ഡോ. ഹുസൈന് മടവൂര്

മണ്ണാര്ക്കാട്: ആത്മീയചൂഷകരെ തുരത്താന് വിശ്വാസികള്ക്ക് കഴിയേണ്ടതുണ്ടെന്ന് ഡോ. ഹുസൈന് മടവൂര് പറഞ്ഞു. ഐ എസ് എം ആദര്ശകാമ്പയിന്റെ പാലക്കാട് ജില്ലാതല ഉദ്ഘാടനം നിര്വഹിക്കുകയായിരുന്നു അദ്ദേഹം. ആത്മീയതയുടെ പേരില് നടത്തിക്കൊണ്ടിരിക്കുന്ന ചൂഷണത്തിന് ഇരയാവുന്നവരില് ഭൂരിഭാഗവും സാധാരണക്കാരാണ്. അതുകൊണ്ടു തന്നെ വിശ്വാസികള് സാധാരണജനങ്ങള്ക്കിടയിലെ പ്രബോധനം ശക്തിപ്പെടുത്തേണ്ടതുണ്ട്. ഏകദൈവ വിശ്വാസമാണ് ഇസ്ലാമിന്റെ അടിസ്ഥാനം -അദ്ദേഹം പറഞ്ഞു. കെ എന് എം ജില്ലാ സെക്രട്ടറി പി മുഹമ്മദലി അന്സാരി അധ്യക്ഷത വഹിച്ചു.

മുസ്ലീംലീഗ് ജില്ലാ സെക്രട്ടറി കളത്തില് അബ്ദുല്ല, കെ പി എസ് പയ്യനടം, ബാപ്പു ഹാജി, മുഹമ്മദ് കുഞ്ഞി, വി മുഹമ്മദ് മൗലവി, അബ്ദുഅലി മദനി, ഈസ മദനി, എം വീരാപ്പു അന്സാരി, ടി ശറഫുദീന് സലഫി, ഇബ്റാഹീം ബുസ്താനി, സാജിദലി പ്രസംഗിച്ചു.