`മദ്യത്തെ പിന്തുണയ്ക്കുന്നവരെ ഒറ്റപ്പെടുത്തുക'

മലപ്പുറം: മദ്യരാജാക്കന്മാരില് നിന്നും ഇവര്ക്ക് ഒത്താശ ചെയ്യുന്ന രാഷ്ട്രീയക്കാരില് നിന്നും നാടിനെ മോചിപ്പിക്കേണ്ടത് അനിവാര്യമാണെന്നും ഇതിനായി പൊതു നന്മ ആഗ്രഹിക്കുന്ന എല്ലാ സംഘടനകളും ഒന്നിക്കണമെന്നും ജില്ലാ പഞ്ചായത്ത് മെമ്പര് അഡ്വ. പി വി മനാഫ് പറഞ്ഞു. കലക്ട്രേറ്റ് നടയിലെ അനശ്ചിതകാല മദ്യനിരോധന സത്യാഗ്രഹത്തിന്റെ 817-ാം ദിവസം ഐ എസ് എം അരീക്കോട് മണ്ഡലം എക്സിക്യൂട്ടീവ് സമിതി നടത്തിയ സത്യാഗ്രഹം ഉദ്ഘാടനം ചെയ്യുകയായിരുന്നു അദ്ദേഹം. കെ ബാവ അരീക്കോട് മുഖ്യസത്യാഗ്രഹിയായിരുന്നു. ഇയ്യാച്ചേരി കുഞ്ഞിക്കൃഷ്ണന് മാസ്റ്റര് ആമുഖ ഭാഷണം നടത്തി.

ഐ എസ് എം സംസ്ഥാന പ്രവര്ത്തകസമിതി അംഗം ലബീദ് അരീക്കോട്, ജില്ലാ സെക്രട്ടറി ശാക്കിര് ബാബു കുനിയില് മണ്ഡലം സെക്രട്ടറി കെ ടി എ സത്താര്, ഗഫൂര് പ്രസംഗിച്ചു. പി കെ അന്വര്, മുഹമ്മദ് കൊല്ലക്കോട്ടൂര്, ശരീഫ് അരീക്കോട്, കരീം മാങ്കടവ് തുടങ്ങിയവര് നേതൃത്വം നല്കി. പത്മിനി ടീച്ചര് സമാപന ഭാഷണം നടത്തി.