നിയമന തട്ടിപ്പ് : മാതൃകാപരമായി ശിക്ഷിക്കണം : എം എസ്‌ എം

കോഴിക്കോട്‌: നിയമനതട്ടിപ്പിന്റെ പശ്ചാത്തലത്തില്‍ സമഗ്രാന്വേഷണം നടത്തി കുറ്റക്കാരെ മാതൃകാപരമായി ശിക്ഷിക്കണമെന്ന്‌ എം എസ്‌ എം സംസ്ഥാന സെക്രട്ടറിയേറ്റ്‌ ആവശ്യപ്പെട്ടു. അര്‍ഹരായവരെ തഴഞ്ഞ്‌ വ്യാജരേഖകളുണ്ടാക്കി നിയമനം ശരിപ്പെടുത്തുന്ന റിക്രൂട്ട്‌മെന്റ്‌ ഏജന്‍സികള്‍ പ്രവര്‍ത്തിക്കുന്ന സംഭവം ഭരണകൂടത്തിന്റെയും പി എസ്‌ സിയുടെയും വിശ്വാസ്യതയ്‌ക്ക്‌ പോറലേല്‍പിച്ചിരിക്കുകയാണ്‌. മുഴുവന്‍ വകുപ്പുകളിലേക്കും അന്വേഷണം വ്യാപിപ്പിച്ച്‌ കുറ്റക്കാര്‍ എത്ര ഉന്നതരായാലും നടപടികള്‍ സ്വീകരിക്കണമെന്നും യോഗം ആവശ്യപ്പെട്ടു. പ്രസിഡന്റ്‌ ആസിഫലി കണ്ണൂര്‍ അധ്യക്ഷത വഹിച്ചു. അന്‍ഫസ്‌ നന്മണ്ട, കെ ഹര്‍ഷിദ്‌, അക്‌ബര്‍ സാദിഖ്‌, ജാസിര്‍ രണ്ടത്താണി, ഖമറുദ്ദീന്‍, മുഹ്‌സിന്‍ കോട്ടക്കല്‍ പ്രസംഗിച്ചു.