മലപ്പുറത്തെ മദ്യനിരോധന സമരം ഒന്നാം ഘട്ടം അവസാനിച്ചു

മലപ്പുറം:953 ദിവസം പൂര്‍ത്തിയാക്കിയ മലപ്പുറത്തെ ഐതിഹാസികമായ മദ്യനിരോധന സമരത്തിന്റെ ഒന്നാം ഘട്ട സമാപനം 29.3.2011 നു കലക്ട്രേറ്റ് നടയിലെ സമരപ്പന്തലില്‍ നടന്നു. പ്രകടനപത്രിക എന്തായാലും യു ഡീ എഫ് അധികാരത്തില്‍ വന്നാല്‍ പ്രാദേശിക

മദ്യനിരോധനജനാധികാരം പുനസ്ഥാപിക്കുക തന്നെ ചെയ്യുമെന്ന് മുസ്ലിം ലീഗ് ജനറല്‍ സെക്രട്ടറി പീ കെ കുന്ന്യാലിക്കുട്ടി പറഞു. സമാപനച്ചടങ്ങിനോടനുബന്ധിച്ചു നടന്ന സമ്മേളനത്തെ അഭിവാദ്യം ചെയ്യുകയായിരുന്നു

അദ്ദേഹം.

കേരളത്തിനു മാതൃകയാകും വിധം മലപ്പുറം ജില്ലയെ മദ്യമുക്തമാക്കാന്‍ ശ്രമം നടത്തുമെന്നും കേരളത്തിനു മുഴുവനും സമരാവേശം നല്‍കുന്നതാണ് ചരിത്ര പ്രസിദ്ധമായ മലപ്പുറം മദ്യവിരുദ്ധ സത്യാഗ്രഹ സമരമെന്നും സമാപന സമ്മേളനം ഉത്ഘാടനം ചെയ്ത ജില്ല പഞ്ചായത്ത്‌ പ്രസിഡണ്ട്‌ സുഹറമമ്പാട് പറഞ്യു.

ഇന്ത്യന്‍ ഇസ്ലാഹി മൂവ്മെന്റ് അഖിലെന്ദ്യ ജനറല്‍ സെക്രടറി ഹുസൈന്‍ മടവൂര്‍ മുഖ്യ പ്രഭാഷണം നടത്തി .സാമൂഹ്യ തിന്മക്കെതിരെയുള്ള ഇത്തരം കൂട്ടായ്മകളെ സജീവമാക്കാന്‍ മനുഷ്യ സ്നേഹികള്‍ മുന്നിട്ടിരങ്ങണമെന്ന് അദ്ദേഹം ആവശ്യപ്പെട്ടു.

സമരത്തിന്റെ തുടക്കം മുതല്‍ അവസാനസമയം വരെ ക്രിയാത്മക പിന്തുണയുമായി സമരത്തെ  സജീവമാക്കിയ മുജാഹിദ് പ്രസ്ഥാനത്തിന്റെ ഘടകങ്ങളായ ISM ന്റെയും MGM ന്റെയും പ്രവര്‍ത്തകരുടെ പോരാട്ട വീര്യത്തെ സമര നായകന്‍ ഇയ്യച്ചേരി മാസ്റ്റര്‍ പ്രത്യേകം സ്മരിച്ചു.

അവസാന ദിവസം ഇയ്യച്ചേരി മാസ്റ്റര്‍ ,പദ്മിനി ടീച്ചര്‍ ,ഫാദര്‍ വര്‍ഗീസ്‌ മുഴുത്തെറ്റ് ,അപ്പ നായര്‍, പി പി ഖാലിദ്‌ ചങ്ങരംകുളം, റാഫിദ ചങ്ങരംകുളം തുടങ്ങിയവര്‍ മുഴു സമയ സത്യഗ്രഹികളായിരുന്നു.

സമ്മേളനത്തെ അഭിവാദ്യം ചെയ്തുകൊണ്ട് പി വി അബ്ദുല്‍ വഹാബ് ,ഉബൈദുള്ള ,ടി ആര്‍ രാജേഷ്‌ ,ഹരിദാസ്‌ എക്സ് എം പി ,ഖദീജ നര്‍ഗീസ് , സാജന്‍ തൃശൂര്‍ ,മഹിന്‍ നേരൊത് ,ഡോ: ഖസിമുല്‍ ഖാസിമി ,ഹസ്സന്‍ സഖാഫി പൂക്കോട്ടൂര്‍ ,അഡ്വ :സുജാത വര്‍മ ,സിസ്റ്റര്‍ ആഗ്നെസ് , തായാട്ട് ബാലന്‍ തുടങ്ങിയവര്‍ സംസാരിച്ചു.

സത്യഗ്രഹികള്‍ക്ക് വ്രതാന്ദ്യ ജലം നല്‍കി താമരശ്ശേരി രൂപതാ പൂര്‍വ മെത്രാന്‍ മാര്‍ പോള്‍ ചിറ്റിലപ്പിള്ളി സമരം അവസാനിപ്പിച്ചു .