 |
| ഫോക്കസ് ജിദ്ദയുടെ ഗസ്റ്റ് ഓഫ് ദ മന്ത് പ്രോഗ്രാമില്‍ ഡോ മുഹമ്മദാലിക്ക് ഫോക്കസ് ഐ ടി മാനേജര്‍ ഷക്കീല്‍ ബാബു ഉപഹാരം സമര്‍പ്പിക്കുന്നു. പ്രിന്സാദ്, ഡോ. ഇസ്മായില്‍ മരിതേരി, ബഷീര്‍ വള്ളിക്കുന്ന് സമീപം |
ജിദ്ദ: ഫോക്കസ് ജിദ്ദയുടെ ‘Guest of the Month' പരിപാടിയില്‍ ജിദ്ദയിലെ പ്രശസ്ത ഡോക്ടറ് വി പി മുഹമ്മദാലി തന്റെ ജീവിതാനുഭവങ്ങള് പങ്കുവെച്ചു. മതപരമായ വിദ്യാഭ്യാസം നടത്തുന്നവറ് ഭൌതിക വിദ്യഭ്യാസത്തില്‍ ഉയരാതിരിക്കുകയും ഭൌതിക വിദ്യഭ്യാസം നേടുന്നവറ് മതപരമായി മോശക്കാരാണെന്നു ഗണിക്കുകയും ചെയ്തിരുന്ന ഒരു സാമൂഹ്യ പശ്ചാതലത്തില്‍ നിന്നും മാറി ആത്മീയമായും ഭൌതികമായും ഒരു പോലെ പഠനവും ഗവേഷണവും നടത്തുന്ന രീതിയിലേക്കുള്ള ഒരു മാറ്റം സാധ്യമാക്കിയ നവോത്ഥാന സംരംഭങ്ങളെ അദ്ദേഹം പ്രശംസിച്ചു. ദൈവത്തിന്റെ ഏകത്വത്തിലേക്കും, സ്യഷ്‌ടി വൈഭവത്തിലേക്കും വെളിച്ചം നല്‍കുന്ന നിരവധി അനുഭവങ്ങള്‍ തന്റെ പഠനത്തില്‍ ഉണ്ടായിട്ടുണ്ട്. ജീവന്റെ അടിസ്ഥാനമായ ‘ജീനുകളുടെ ഭാഷ’ ഭൂമുഖത്തിലെ എല്ലാ ജീവജാലങ്ങളിലും ഒന്നാണെന്നത് ഈ ജീവജാലങ്ങളുടെയെല്ലാം സ്യഷ്ടിപ്പ് ഒരൊറ്റ ശക്തിയില്‍ നിന്നു മാത്രമാണെന്ന് സൂചിപ്പിക്കുന്നതാണ്‍. ഇലക്ട്രോണിക്സ് മാധ്യമങ്ങളും മീഡിയകളും തിന്മയുടെ പ്രചാരകരാവുന്ന പുതിയ ചുറ്റുപാടില്‍ ഒരു തിരുത്തല്‍ ശക്തിയായി ഇടപെടാന്‍ യുവതലമുറക്ക് സാധ്യമാവണമെന്ന് അദ്ദേഹം ആവശ്യപ്പെട്ടു. സദസ്യരുടെ ചോദ്യങ്ങള്‍ക്ക് അദ്ദേഹം മറുപടി പറഞ്ഞു. 1999 മുതല്‍ അല്‍ അബീറ് മെഡിക്കല്‍ ഗ്രൂപ്പില്‍ ഇന്റേറ്ണല്‍ മെഡിസിന്‍ വിഭാഗത്തില്‍ സേവനമനുഷ്ടിക്കുന്ന ഡോക്ടറ് മുഹമ്മദാലി അമേരിക്കന്‍ ഡയബറ്റിക് അസോസിയേഷന്‍ (ADA) അംഗവുമാണ്‍.
ശറഫിയ ഇസ്ലാഹീ സെന്റ്ററ് ഓഡിറ്റോറിയത്തില്‍ നടന്ന ചടങ്ങില്‍ ഫോക്കസ് സി ഇ ഒ പ്രിന്സാദ് അധ്യക്ഷനായിരുന്നു. സലാഹ് കാരാടന്‍ പ്രസംഗിച്ചു. നസീഫ് ഖിറാഅത്ത് നടത്തി. ഫോക്കസ് ഐ ടി മാനേജറ് ഷക്കീല്‍ ബാബു ഉപഹാരം സമറ്പ്പിച്ചു. മുഹമ്മദ് കക്കോടി സ്വാഗതവും സി എച് അബ്ദുല്‍ ജലീല്‍ നന്ദിയും പറഞ്ഞു. ജിദ്ദയിലെ പ്രശസ്തരായ ഇന്ത്യക്കാരെ യുവജനങ്ങള്‍ക്ക് പരിജയപ്പെടുത്തുന്നതിനും അവറ് പിന്നിട്ട പാതകളെയും ജീവിതാനുഭവങ്ങളെയും കുറിച്ച് യുവാക്കളുമായി സംവദിക്കുവാനുമായി ഫോക്കസ് ജിദ്ദ സംഘടിപ്പിക്കുന്ന പ്രത്യേക പരിപാടിയാണ് ‘Guest of The Month.'
0 വായനക്കാരുടെ പ്രതികരണങ്ങൾ :
Post a Comment
അസ്സലാമു അലൈക്കും...
സുഹൃത്തെ,
എഴുതൂ താങ്കളുടെ അഭിപ്രായങ്ങള്‍...
സ്നേഹത്തോടെ,
ടീം,
ഇസ്‌ലാഹിന്യൂസ്.കോം