ന്യൂദല്‍ഹി: മുസ്‌ലിം നവോത്ഥാന പ്രസ്ഥാനത്തിന്റെ അഖിലേന്ത്യാ സമ്മേളനം 2013 ഏപ്രില്‍ 10,11 തിയ്യതികളില്‍ ദല്‍ഹിയില്‍ നടക്കുമെന്ന് ആള്‍ ഇന്ത്യാ ഇസ്‌ലാഹീ മൂവ്‌മെന്റ് ജനറല്‍ സെക്രട്ടറി ഡോ. ഹുസൈന്‍ മടവൂര്‍ അറിയിച്ചു.
വിദ്യാഭ്യാസ, തൊഴില്‍ മേഖലകളില്‍ പിന്നാക്കം നില്‍ക്കുന്ന സമൂഹങ്ങള്‍ക്ക് പ്രോത്സാഹനം നല്‍കുക, ആത്മീയതയുടെ പേരില്‍ നടക്കുന്ന ചൂഷണങ്ങള്‍ക്കെതിരെ മത സമൂഹങ്ങളെ ബോധവത്കരിക്കുക, ഭീകരതയും തീവ്രവാദവും ഇല്ലായ്മ ചെയ്യാന്‍ സൗഹാര്‍ദ കൂട്ടായ്മകള്‍ രൂപീകരിക്കുക തുടങ്ങിയ പ്രവര്‍ത്തനങ്ങള്‍ രാജ്യത്തെ വിവിധ സംസ്ഥാനങ്ങളില്‍ സമ്മേളനത്തിന്റെ മുന്നോടിയായി നടക്കും. പണ്ഡിത സമ്മേളനം, വിദ്യാര്‍ഥി സമ്മേളനം, വനിതാ സമ്മേളനം, ബാല സമ്മേളനം തുടങ്ങിയ പരിപാടികളാണ് സമ്മേളനത്തില്‍ ഉണ്ടാവുക. കേന്ദ്ര, സംസ്ഥാന മന്ത്രിമാര്‍, അംബാസിഡര്‍മാര്‍, വിദ്യാഭ്യാസ വിചക്ഷണര്‍, ഇസ്‌ലാമിക പണ്ഡിതര്‍ തുടങ്ങിയവര്‍ പങ്കെടുക്കും.
ദേശസ്‌നേഹം, വിശ്വാസ ശുദ്ധീകരണം, മത സൗഹാര്‍ദം, വിദ്യാഭ്യാസം തുടങ്ങിയ മേഖലകളില്‍ സ്തുത്യര്‍ഹമായ സേവനങ്ങള്‍ നടത്തി വരുന്ന ഇസ്‌ലാഹീ പ്രസ്ഥാനത്തിന്റെ ആദ്യകാല നേതാക്കളില്‍ പ്രമുഖരായ ശാഹ് വലിയുള്ളാ ദഹ്‌ലവി, ഇസ്മാഈല്‍ ശഹീദ്, അഹ്മദ് ബിന്‍ ഇര്‍ഫാന്‍, മൗലാനാ ഇനായത്ത് അലി, മൗലാനാ വിലായത്ത് അലി എന്നിവരുടെ പ്രവര്‍ത്തനങ്ങളെ കാലികമായി ചര്‍ച്ച ചെയ്യുന്ന പഠന സെമിനാര്‍ സമ്മേളനത്തിന്റെ ഭാഗമായി നടക്കും.
ദല്‍ഹി കേന്ദ്രീകരിച്ച് ഇസ്‌ലാഹീ പ്രവര്‍ത്തനങ്ങള്‍ക്ക് നേതൃത്വം നല്‍കിയിരുന്ന സനാഉള്ള അമൃതസരി, അബ്ദുല്ല ഗാസിയാപൂരി, മൗലാനാ അബ്ദുല്‍ കലാം ആസാദ് തുടങ്ങിയവരുടെയും സനാഉള്ള മക്തി തങ്ങള്‍, വക്കം അബ്ദുല്‍ ഖാദിര്‍ മൗലവി, കെ എം മൗലവി, മുഹമ്മദ് അബ്ദു റഹ്മാന്‍ സാഹിബ്, കെ എം സീതി സാഹിബ് മുതലായവരുടെ കേരള മാതൃകയും പരിഷ്‌ക്കരണ പ്രവര്‍ത്തനങ്ങള്‍ക്കായി സ്വീകരിച്ച വ്യത്യസ്തമായ വഴികളും സമ്മേളനം ചര്‍ച്ച ചെയ്യും.
ഇന്ത്യയിലെ സംഘടിതമായ മുസ്‌ലിം നവോത്ഥാന പ്രവര്‍ത്തനങ്ങള്‍ ഒരു നൂറ്റാണ്ട് പൂര്‍ത്തിയാക്കുമ്പോള്‍ വരും കാലങ്ങളിലേക്കുള്ള അജണ്ടകള്‍ തീരുമാനിക്കാന്‍ സമ്മേളനം വഴിയൊരുക്കുമെന്നും ഒറ്റപ്പെട്ട് പ്രവര്‍ത്തിക്കുന്ന സംഘങ്ങളെയും സ്ഥാപനങ്ങളെയും ബന്ധിപ്പിക്കാന്‍ വേണ്ട പ്രവര്‍ത്തനങ്ങള്‍ സമ്മേളനത്തിന്റെ ഭാഗമായി നടത്തുമെന്നും ഹുസൈന്‍ മടവൂര്‍ കൂട്ടിച്ചേര്‍ത്തു.
വിദ്യാഭ്യാസ, തൊഴില്‍ മേഖലകളില്‍ പിന്നാക്കം നില്‍ക്കുന്ന സമൂഹങ്ങള്‍ക്ക് പ്രോത്സാഹനം നല്‍കുക, ആത്മീയതയുടെ പേരില്‍ നടക്കുന്ന ചൂഷണങ്ങള്‍ക്കെതിരെ മത സമൂഹങ്ങളെ ബോധവത്കരിക്കുക, ഭീകരതയും തീവ്രവാദവും ഇല്ലായ്മ ചെയ്യാന്‍ സൗഹാര്‍ദ കൂട്ടായ്മകള്‍ രൂപീകരിക്കുക തുടങ്ങിയ പ്രവര്‍ത്തനങ്ങള്‍ രാജ്യത്തെ വിവിധ സംസ്ഥാനങ്ങളില്‍ സമ്മേളനത്തിന്റെ മുന്നോടിയായി നടക്കും. പണ്ഡിത സമ്മേളനം, വിദ്യാര്‍ഥി സമ്മേളനം, വനിതാ സമ്മേളനം, ബാല സമ്മേളനം തുടങ്ങിയ പരിപാടികളാണ് സമ്മേളനത്തില്‍ ഉണ്ടാവുക. കേന്ദ്ര, സംസ്ഥാന മന്ത്രിമാര്‍, അംബാസിഡര്‍മാര്‍, വിദ്യാഭ്യാസ വിചക്ഷണര്‍, ഇസ്‌ലാമിക പണ്ഡിതര്‍ തുടങ്ങിയവര്‍ പങ്കെടുക്കും.
ദേശസ്‌നേഹം, വിശ്വാസ ശുദ്ധീകരണം, മത സൗഹാര്‍ദം, വിദ്യാഭ്യാസം തുടങ്ങിയ മേഖലകളില്‍ സ്തുത്യര്‍ഹമായ സേവനങ്ങള്‍ നടത്തി വരുന്ന ഇസ്‌ലാഹീ പ്രസ്ഥാനത്തിന്റെ ആദ്യകാല നേതാക്കളില്‍ പ്രമുഖരായ ശാഹ് വലിയുള്ളാ ദഹ്‌ലവി, ഇസ്മാഈല്‍ ശഹീദ്, അഹ്മദ് ബിന്‍ ഇര്‍ഫാന്‍, മൗലാനാ ഇനായത്ത് അലി, മൗലാനാ വിലായത്ത് അലി എന്നിവരുടെ പ്രവര്‍ത്തനങ്ങളെ കാലികമായി ചര്‍ച്ച ചെയ്യുന്ന പഠന സെമിനാര്‍ സമ്മേളനത്തിന്റെ ഭാഗമായി നടക്കും.
ദല്‍ഹി കേന്ദ്രീകരിച്ച് ഇസ്‌ലാഹീ പ്രവര്‍ത്തനങ്ങള്‍ക്ക് നേതൃത്വം നല്‍കിയിരുന്ന സനാഉള്ള അമൃതസരി, അബ്ദുല്ല ഗാസിയാപൂരി, മൗലാനാ അബ്ദുല്‍ കലാം ആസാദ് തുടങ്ങിയവരുടെയും സനാഉള്ള മക്തി തങ്ങള്‍, വക്കം അബ്ദുല്‍ ഖാദിര്‍ മൗലവി, കെ എം മൗലവി, മുഹമ്മദ് അബ്ദു റഹ്മാന്‍ സാഹിബ്, കെ എം സീതി സാഹിബ് മുതലായവരുടെ കേരള മാതൃകയും പരിഷ്‌ക്കരണ പ്രവര്‍ത്തനങ്ങള്‍ക്കായി സ്വീകരിച്ച വ്യത്യസ്തമായ വഴികളും സമ്മേളനം ചര്‍ച്ച ചെയ്യും.
ഇന്ത്യയിലെ സംഘടിതമായ മുസ്‌ലിം നവോത്ഥാന പ്രവര്‍ത്തനങ്ങള്‍ ഒരു നൂറ്റാണ്ട് പൂര്‍ത്തിയാക്കുമ്പോള്‍ വരും കാലങ്ങളിലേക്കുള്ള അജണ്ടകള്‍ തീരുമാനിക്കാന്‍ സമ്മേളനം വഴിയൊരുക്കുമെന്നും ഒറ്റപ്പെട്ട് പ്രവര്‍ത്തിക്കുന്ന സംഘങ്ങളെയും സ്ഥാപനങ്ങളെയും ബന്ധിപ്പിക്കാന്‍ വേണ്ട പ്രവര്‍ത്തനങ്ങള്‍ സമ്മേളനത്തിന്റെ ഭാഗമായി നടത്തുമെന്നും ഹുസൈന്‍ മടവൂര്‍ കൂട്ടിച്ചേര്‍ത്തു.
0 വായനക്കാരുടെ പ്രതികരണങ്ങൾ :
Post a Comment
അസ്സലാമു അലൈക്കും...
സുഹൃത്തെ,
എഴുതൂ താങ്കളുടെ അഭിപ്രായങ്ങള്‍...
സ്നേഹത്തോടെ,
ടീം,
ഇസ്‌ലാഹിന്യൂസ്.കോം