തിരൂര്‍: നബിയുടെ തിരുമുടിയാണെങ്കിലും കത്തിച്ചാല്‍ കരിയുന്നതുതന്നെയാണെന്ന് കെ.എന്‍.എം. സംസ്ഥാന ജനറല്‍ സെക്രട്ടറി സി.പി. ഉമര്‍ സുല്ലമി പറഞ്ഞു. ആത്മീയ ചൂഷണങ്ങള്‍ക്കെതിരെ, കേശവാണിഭത്തിനെതിരെ എന്ന പ്രമേയത്തില്‍ ഐ.എസ്.എം. ജില്ലാ കമ്മിറ്റി സംഘടിപ്പിച്ച ബഹുജനസംഗമം തിരൂരില്‍ ഉദ്ഘാടനംചെയ്യുകയായിരുന്നു അദ്ദേഹം. മുഹമ്മദ് നബിയുടെ നഖം, മുടി തുടങ്ങിയ ശരീര അവശിഷ്ടങ്ങള്‍ പുണ്യമെടുക്കുന്നതിന് വേണ്ടി സൂക്ഷിക്കുകയോ അതിനുവേണ്ടി ആരാധനാലയങ്ങള്‍ നിര്‍മിക്കുവാനോ ഇസ്‌ലാം മതത്തില്‍ നിര്‍ദേശിച്ചിട്ടില്ല. പ്രവാചകന്റെ ജന്മനാടായ മെക്കയിലോ കര്‍മമണ്ഡലമായ മദീനയിലോ പ്രവാചകന്റെ തിരുശേഷിപ്പുകളൊന്നും സൂക്ഷിച്ചിട്ടില്ലെന്നും അദ്ദേഹം പറഞ്ഞു.
ഒ. അബ്ദുള്ള, അഷറഫലി കാളിയത്ത്, പി. കുഞ്ഞാലന്‍കുട്ടി, കെ. മുഹമ്മദ് ഫിറോസ്, പി. സുഹൈല്‍സാബിര്‍, ജാസിര്‍ രണ്ടത്താണി, അബ്ദുല്‍ലത്തീഫ് കരിമ്പുലാക്കല്‍, ഉബൈദുള്ള താനാളൂര്‍, അബ്ദുല്‍കരീം എന്‍ജിനിയര്‍, കെ. ബാപ്പുട്ടി എന്നിവര്‍ പ്രസംഗിച്ചു. സംഗമത്തിന് മുന്നോടിയായി നടന്ന പ്രതിഷേധറാലി തിരൂര്‍ മുനിസിപ്പല്‍ സ്റ്റേഡിയത്തില്‍ നിന്നാരംഭിച്ച് ബസ്സ്റ്റാന്‍ഡ് പരിസരത്ത് സമാപിച്ചു.
0 വായനക്കാരുടെ പ്രതികരണങ്ങൾ :
Post a Comment
അസ്സലാമു അലൈക്കും...
സുഹൃത്തെ,
എഴുതൂ താങ്കളുടെ അഭിപ്രായങ്ങള്‍...
സ്നേഹത്തോടെ,
ടീം,
ഇസ്‌ലാഹിന്യൂസ്.കോം