ജിദ്ദ: പതിന്നാല് നൂറ്റാണ്ടുകള്‍ക്കുമുമ്പ് അവതരിപ്പിക്കപ്പെട്ട ഖുര്‍ആന്‍ വൈരുധ്യങ്ങളില്ലാതെയും തിരുത്തലുകള്‍ക്ക് വിധേയമാവാതെയും നിലനില്‍ക്കുന്നത് ദൈവികതകൊണ്ട് മാത്രമാണെന്ന് ഖുര്‍ആന്‍ ഗവേഷകനും കെ.എന്‍.എം.വൈസ് പ്രസിഡന്റുമായ പ്രൊഫ. എന്‍.പി.അബ്ദുള്‍റഹ്മാന്‍ പ്രസ്താവിച്ചു. ഖുര്‍ആനികാധ്യാപനങ്ങളിലേക്ക് മടങ്ങുകമാത്രമാണ് ഇന്നത്തെ പ്രതിസന്ധികള്‍ക്ക് പരിഹാരമെന്നും അദ്ദേഹം വിലയിരുത്തി. ദ ട്രൂത്ത് ജിദ്ദ ചാപ്റ്റര്‍ സംഘടിപ്പിച്ച പരിപാടിയില്‍ 'ഖുര്‍ആനിലെ ശാസ്ത്ര സത്യങ്ങള്‍' എന്ന വിഷയത്തില്‍ പ്രഭാഷണം നടത്തുകയായിരുന്നു അദ്ദേഹം. ശ്രോതാക്കളുടെ സംശയങ്ങള്‍ക്ക് മറുപടി നല്കിയ ചോദ്യോത്തരസെഷന്‍ അവര്‍ക്കജ്ഞാതമായ ശാസ്ത്രാത്ഭുതങ്ങളിലേക്ക് കൊണ്ടുപോവുന്നതായി. ശറഫിയ്യയിലെ ഇസ്ലാഹി സെന്റര്‍ ജിദ്ദ ഓഡിറ്റോറിയത്തില്‍ നടന്ന പരിപാടിയില്‍ ദ ട്രൂത്ത് ജിദ്ദ ചാപ്റ്റര്‍ ചെയര്‍മാന്‍ അബ്ദുള്‍ഗനി എടത്തനാട്ടുകര അധ്യക്ഷനായിരുന്നു. കണ്‍വീനര്‍ മുസ്തഫ മണ്ണാര്‍ക്കാട് സ്വാഗതവും അബ്ദുള്‍ജലീല്‍ സി.എച്ച്.നന്ദിയും പറഞ്ഞു.
0 വായനക്കാരുടെ പ്രതികരണങ്ങൾ :
Post a Comment
അസ്സലാമു അലൈക്കും...
സുഹൃത്തെ,
എഴുതൂ താങ്കളുടെ അഭിപ്രായങ്ങള്‍...
സ്നേഹത്തോടെ,
ടീം,
ഇസ്‌ലാഹിന്യൂസ്.കോം