റാസല്‍ഖൈമ: ആശ്രയിക്കാന്‍ ആളില്ലെന്ന ആശങ്കയാണ് പ്രവാസികളിലെ ആത്മഹത്യയ്ക്ക് കാരണമെന്ന് യു എ ഇ ഇസ്ലാഹി സെന്റര്‍ സംഘടിപ്പിച്ച കുടുംബ സെമിനാര്‍ അഭിപ്രായപ്പെട്ടു. വിപണിയിലെത്തുന്ന വസ്തുക്കള്‍ വരുമാനം നോക്കാതെ വാങ്ങിക്കൂട്ടുന്ന കമ്പോള സംസ്‌ക്കാരം സമൂഹത്തെ പിടിമുറുക്കിയിട്ടുണ്ട്. പരസ്പര സഹായത്തിലൂടെ കാരുണ്യത്തിന്റെ കണികകളായിരുന്നവര്‍ അത്യാഗ്രഹത്തില്‍ അഭിരമിക്കുന്നവരായി മാറി. സാഹചര്യങ്ങളോട് പൊരുതി ജീവിക്കാന്‍ സാധിക്കാതെ ഭീരുവായി മരിക്കുന്നതോടെ ശാന്തി ലഭിക്കുമെന്ന മിഥ്യാ ധാരണ മാറണം. കുടുംബങ്ങള്‍ സാന്ത്വനത്തിന്റെ തെളിനീരുറവ ലഭിക്കുന്ന ശാന്തിഗേഹങ്ങളാകണമെന്നും അനശ്വര ശാന്തിക്ക് ആദര്‍ശകുടുംബം സെമിനാറില്‍ പ്രബന്ധങ്ങള്‍ അവതരിപ്പിച്ചവര്‍ അഭിപ്രായപ്പെട്ടു.
റാസല്‍ഖൈമ ഇന്ത്യന്‍ അസോസിയേഷനില്‍ നടന്ന ക്യാംപയിന്‍ സമാപന സംഗമം വര്‍ത്തമാനം സി ഇ ഒ ഹര്‍ഷിദ് മാത്തോട്ടം ഉദ്ഘാടനം ചെയ്തു. ഐ എസ് എം സംസ്ഥാന ട്രഷറര്‍ ഇസ്മാഈല്‍ കരിയാട്, റേഡിയോ ഏഷ്യ ന്യൂസ് എഡിറ്റര്‍ ഹിശാം അബ്ദുല്‍ സലാം, കെ എന്‍ എം കണ്ണൂര്‍ ജില്ലാ സെക്രട്ടറി ശംസുദ്ദീന്‍ പാലക്കോട് എന്നിവര്‍ പങ്കെടുത്തു. യു എ ഇ ഇസ്ലാഹി സെന്റര്‍ ശാഖകള്‍ ഒരുക്കിയ കയ്യെഴുത്ത് മാഗസിന് മത്സരത്തില്‍ മികച്ച സൃഷ്ടിക്കുള്ള സമ്മാനദാനം യുവകലാസാഹിതി രഘുനന്ദനന്‍ നിര്‍വഹിച്ചു. ഇസ്ലാഹി സെന്റര്‍ പ്രസിഡന്റ് വി പി അഹമ്മദ് കുട്ടി മദനി അധ്യക്ഷത വഹിച്ചു. മുജീബുര്‍റഹ്മാന്‍ പാലത്തിങ്ങല്‍, ജാഫര്‍ സാദിഖ്, ഫൈസല്‍ മാഹി, അബ്ദുല്‍ വാഹിദ് മയ്യേരി, നൂറുദ്ദീന്‍, കെ വി ബക്കര്‍, പി കെ അബ്ദുല്‍ കരീം, ഫൈസല്‍ അന്‍സാരി, ഹാറൂന്‍ കക്കാട്, വീരാന്‍ സലഫി, ഇല്യാസ് പൂളപ്പൊയില്‍, അബ്ദുറഹ്മാന്‍ കുനിയില്‍ എന്നിവര്‍ പ്രസംഗിച്ചു.
0 വായനക്കാരുടെ പ്രതികരണങ്ങൾ :
Post a Comment
അസ്സലാമു അലൈക്കും...
സുഹൃത്തെ,
എഴുതൂ താങ്കളുടെ അഭിപ്രായങ്ങള്‍...
സ്നേഹത്തോടെ,
ടീം,
ഇസ്‌ലാഹിന്യൂസ്.കോം