കോഴിക്കോട്: എം എസ് എം സംസ്ഥാന സമിതി സംഘടിപ്പിക്കുന്ന മൂന്നാമത് മെഡിക്കല്‍ എഞ്ചിനീയറിംഗ് മോഡല്‍ എന്‍ട്രന്‍സ് പരീക്ഷ 'ടിപ്‌സ്' (ടെസ്റ്റ് ടു ഇന്‍സ്പയര്‍ പ്രീ പ്രൊഫഷണല്‍സ്) ഏപ്രില്‍ 5ന് കേരളത്തിനകത്തും പുറത്തും വിവിധ കേന്ദ്രങ്ങളില്‍ നടക്കും. എന്‍ട്രന്‍സ് പരീക്ഷകള്‍ക്ക് തയ്യാറെടുക്കുന്ന വിദ്യാര്‍ഥികള്‍ക്ക് പരീക്ഷാഭയം അകറ്റുന്നതിനും സമയക്രമീകരണം പരിശീലിപ്പിക്കുന്നതിനുമാണ് പരീക്ഷ സംഘടിപ്പിക്കുന്നത്. ഏപ്രില്‍ 3നു മുമ്പായി രജിസ്റ്റര്‍ ചെയ്യുന്ന വിദ്യാര്‍ഥികള്‍ക്കാണ് പരീക്ഷ എഴുതാന്‍ അവസരം ഉണ്ടായിരിക്കുക. www.msmkerala.org/tips എന്ന വെബ്‌സൈറ്റില്‍ രജിസ്റ്റര്‍ ചെയ്യാവുന്നതാണ്. എസ് എം എസ് വഴി രജിസ്റ്റര്‍ ചെയ്യാനും സംവിധാനമുണ്ട്.
എസ്.എം.എസ് വഴി രജിസ്റ്റര്‍ ചെയ്യുന്നവര്‍ a b c d e f g എന്ന ഫോര്‍മാറ്റില്‍ 9995056169, 9496471052, 9947012599 എന്നീ നമ്പറുകളിലേക്ക് അയക്കാവുന്നതാണ്. കോഴിക്കോട് ജില്ലയില്‍ മീഞ്ചന്ത, വെള്ളിമാടുകുന്ന്, കൊടുവള്ളി, നരിക്കുനി, മുക്കം, ബാലുശേരി, പേരാമ്പ്ര, കൊയിലാണ്ടി, കുറ്റിയാടി, വടകര എന്നിവിടങ്ങളിലാണ് പരീക്ഷാസെന്ററുകൾ. കൂടുതല്‍ വിവരങ്ങള്‍ക്ക് ബന്ധപ്പെടേണ്ട നമ്പര്‍ 9995056169, 9895322554,9746219250.
പരീക്ഷ കഴിഞ്ഞ് ഒരാഴ്ചക്കുള്ളില്‍ കേന്ദ്രീകൃത മൂല്യനിര്‍ണയം നടത്തി www.msmkerala.org എന്ന സൈറ്റില്‍ ഫലം പ്രസിദ്ധീകരിക്കുന്നതാണ്. ഒന്നാം റാങ്കിന് അര്‍ഹത നേടുന്നവര്‍ക്ക് ഗോള്‍ഡ് മെഡലുകളും തുടര്‍ന്നുള്ള പത്ത് റാങ്കുകാര്‍ക്ക് ഡോക്‌ടേഴ്‌സ് കിറ്റ്, എഞ്ചിനീയേഴ്‌സ് കിറ്റും നല്‍കുന്നതാണ്.
അഫ്‌സല്‍ മടവൂര്‍ (എം എസ് എം സംസ്ഥാന സെക്രട്ടറി), ഡോ. ജംഷീദ് ഉസ്മാന്‍ (പ്രസിഡണ്ട്, എം എസ് എം കോഴിക്കോട് സൗത്ത് ജില്ല), ജസീല്‍ പൊക്കുന്ന് (കണ്‍വീനര്‍, ടിപ്‌സ് കോഴിക്കോട് ജില്ല), ഷാഹിദ് നല്ലളം (ട്രഷറര്‍, എം എസ് എം കോഴിക്കോട് സൗത്ത് ജില്ല) എന്നിവർ പത്രസമ്മേളനത്തില്‍ പങ്കെടുത്തു.
0 വായനക്കാരുടെ പ്രതികരണങ്ങൾ :
Post a Comment
അസ്സലാമു അലൈക്കും...
സുഹൃത്തെ,
എഴുതൂ താങ്കളുടെ അഭിപ്രായങ്ങള്‍...
സ്നേഹത്തോടെ,
ടീം,
ഇസ്‌ലാഹിന്യൂസ്.കോം