കോഴിക്കോട്: സ്വവര്‍ഗരതി അനുവദിക്കാമെന്നും കുറ്റകരമല്ലെന്നുമുള്ള കേന്ദ്രസര്‍ക്കാറിന്റെ നിലപാട് അപഹാസ്യവും ലജ്ജാകരവുമാണെന്ന് എം എസ് എം സംസ്ഥാന സെക്രട്ടറിയേറ്റ് അഭിപ്രായപ്പെട്ടു. പാശ്ചാത്യന്റെ മലീമസ വിഴുപ്പുഭാണ്ഡങ്ങളെ സംസ്‌കാരവും പൈതൃകവുമുള്ള ഒരു രാജ്യത്തേക്ക് വലിച്ചു കൊണ്ടുവരുന്നത് ഏറെ ആശങ്കാജനകവും അപമാനകരവുമാണ്. ലോകം ഇന്ന് അനുഭവിക്കുകയും നിരാശയോടെ നെടുവീര്‍പ്പിടുകയും ചെയ്യുന്ന എയ്ഡ്‌സ് രോഗത്തിന് മുഖ്യ ഹേതുവായിത്തീരുന്ന സ്വവര്‍ഗരതി ഏതടിസ്ഥാനത്തിലാണ് നിയമവിധേയമാക്കുന്നതെന്ന് കേന്ദ്രസര്‍ക്കാര്‍ വ്യക്തമാക്കണം. സ്വവര്‍ഗരതി സംബന്ധിച്ച മുന്‍നിലപാടില്‍ നിന്ന് വഴുതിമാറിയതില്‍ നിഗൂഢതയുണ്ട്. സ്വന്തം പൈതൃകത്തെയും സംസ്‌കാരത്തെയും പാശ്ചാത്യ കുത്തകകള്‍ക്കൊപ്പം നില്‍ക്കുന്നതിന് വേണ്ടി ബലി കഴിക്കുന്നത് നാടിന് അപമാനമാണ്. ഇതിനെതിരെ ഭാരത മനസാക്ഷി പ്രതികരിക്കണമെന്നും എം എസ് എം ആവശ്യപ്പെട്ടു.
യോഗത്തില്‍ ഡോ. മുബശ്ശിര്‍ അധ്യക്ഷത വഹിച്ചു. ജാസിര്‍ രണ്ടത്താണി, ജലീല്‍ മാമാങ്കര, സൈദ് മുഹമ്മദ്, കമറുദ്ദീന്‍, അഫ്‌സല്‍ മടവൂര്‍, ഹാഫിളുറഹ്മാന്‍, തസ്‌നീം വടകര, ഉമര്‍കുട്ടി എറണാകുളം, സഗീറലി പന്താവൂര്‍, ആഷിദ് ഷാ പാലക്കാട്, ആസിഫലി കണ്ണൂര്‍, ശഫീഖ് മമ്പറം സംസാരിച്ചു.
0 വായനക്കാരുടെ പ്രതികരണങ്ങൾ :
Post a Comment
അസ്സലാമു അലൈക്കും...
സുഹൃത്തെ,
എഴുതൂ താങ്കളുടെ അഭിപ്രായങ്ങള്‍...
സ്നേഹത്തോടെ,
ടീം,
ഇസ്‌ലാഹിന്യൂസ്.കോം