കോഴിക്കോട്: വിദ്യനുകരാന്‍ കാംപസുകളിലെത്തുന്ന വിദ്യാര്‍ഥികള്‍ ആയുധപ്പുരകളുടെ കാവല്‍ക്കാരും സൂക്ഷിപ്പുകാരുമായി മാറുന്നത് ഏറെ ഭീതിജനകമാനെന്നു എം എസ് എം സംസ്ഥാന കാമ്പസ് ഡലിഗേറ്റ് മീറ്റ്‌ അഭിപ്രായപ്പെട്ടു. വിദ്യാര്‍ഥി യൂണിയനുകളും പ്രതിനിധികളും കാംപസിന്റെയും വിദ്യാര്‍ത്ഥികളുടെയും ക്ഷേമവും ഐശ്വര്യവും മുന്‍ നിര്‍ത്തിയുള്ള പ്രവര്‍ത്തനങ്ങല്‍ക്കാണ് നേതൃത്വം നല്‍കേണ്ടത്. കൂടുതല്‍ കലാപമുണ്ടാക്കിയാലെ സ്വീകാര്യനായ യൂണിയന്‍ നേതാവും യൂനിയനുമാകുകയുള്ളൂ എന്ന കാഴ്ചപ്പാടില്‍ നിന്ന്‍ വിദ്യാര്‍ഥി യൂണിയനുകള്‍ മാറി നില്കണമെന്നും, കലാപമുണ്ടാക്കുന്നവരെ കൂട്ടിയിരുത്തി വിദ്യാര്‍ഥി യൂണിയനുകള്‍ സര്‍വകക്ഷിയോഗം വിളിച്ച് പരസ്പരം മാപ്പുപറയുന്നതിലുപരി കാമ്പസിലെ കലാപകാരികളായ വിദ്യാര്‍ത്ഥികള്‍ക്കെതിരെ ശക്തമായ നിയമനടപടി സ്വീകരിക്കണമെന്നും മീറ്റ്‌ അഭിപ്രായപ്പെട്ടു.
എം എസ് എം സംസ്ഥാന പ്രസിഡന്റ്‌ ഡോ. മുബഷിര്‍ ഉദ്ഘാടനം ചെയ്തു. സംസ്ഥാന ജന. സെക്രട്ടറി ജാസിര്‍ രണ്ടത്താണി അദ്ധ്യക്ഷത വഹിച്ചു. ഫൈസല്‍ നന്മണ്ട മുഖ്യപ്രഭാഷണം നടത്തി. റിഹാസ് പുലാമന്തോള്‍, നബീല്‍ പാലത്ത്, സൈദ്‌ മുഹമ്മദ്‌ പ്രസംഗിച്ചു.
0 വായനക്കാരുടെ പ്രതികരണങ്ങൾ :
Post a Comment
അസ്സലാമു അലൈക്കും...
സുഹൃത്തെ,
എഴുതൂ താങ്കളുടെ അഭിപ്രായങ്ങള്‍...
സ്നേഹത്തോടെ,
ടീം,
ഇസ്‌ലാഹിന്യൂസ്.കോം