കോഴിക്കോട്: തൊഴിലുറപ്പ് പദ്ധതിപ്രകാരം തദ്ദേശ സ്ഥാപനങ്ങളില്‍ നിയമിക്കപ്പെടുന്ന അസിസ്റ്റന്റ് എന്‍ജിനീയര്‍, ഓവര്‍സിയര്‍, ഡാറ്റാ എന്‍ട്രി ഓപറേറ്റര്‍ എന്നീ തസ്തികകളില്‍ സംവരണതത്വം പാലിക്കപ്പെടുന്നില്ലെന്നും ഇതിന് അടിയന്തര പരിഹാരം ഉണ്ടാവണമെന്നും ഐ എസ് എം സംസ്ഥാന സെക്രട്ടേറിയറ്റ് ആവശ്യപ്പെട്ടു. രാഷ്ട്രീയ പരിഗണനകള്‍ക്ക് വിധേയമായാണ് മിക്ക പഞ്ചായത്തുകളിലും നിയമനം നടത്തുന്നത്.
അതാത് സംസ്ഥാനങ്ങളിലെ സംവരണ നിയമപ്രകാരമായിരിക്കണം നിയമനമെന്നത് കേന്ദ്ര തൊഴിലുറപ്പ് രേഖയില്‍ എടുത്തുപറയുന്നുണ്ട്. എന്നാല്‍ സംസ്ഥാനത്ത് സംവരണ തത്വം കാറ്റില്‍ പറത്തുന്നതുകൊണ്ട് പിന്നാക്കക്കാര്‍ക്ക് അര്‍ഹമായ പരിഗണന ലഭിക്കുന്നില്ല. പ്രസ്തുത തസ്തികകളിലേക്കുള്ള നിയമനം പൊതുറാങ്ക് ലിസ്റ്റ് ഉണ്ടാക്കി സംവരണം പാലിച്ച് നടത്തണമെന്നും ഐ എസ് എം ആവശ്യപ്പെട്ടു. പിന്നാക്കക്കാര്‍ക്ക് ഒ ബി സി ഉപസംവരണം എന്ന കേന്ദ്രപ്രഖ്യാപനം മുസ്‌ലിംകളുള്‍പ്പെടെയുള്ള പിന്നാക്കക്കാര്‍ക്ക് തിരിച്ചടിയാവരുത്. ജസ്റ്റിസ് രംഗനാഥമിശ്ര കമ്മിഷന്‍ പ്രകാരം പത്ത് ശതമാനം മുസ്‌ലിം സംവരണത്തിന് രാജ്യത്ത് അടിയന്തിര നടപടികള്‍ ഉണ്ടാവണമെന്നും യോഗം ആവശ്യപ്പെട്ടു.
പ്രസിഡന്റ് മുജീബുര്‍റഹ്മാന്‍ കിനാലൂര്‍ അധ്യക്ഷത വഹിച്ചു. ജനറല്‍സെക്രട്ടറി എന്‍ എം അബ്ദുല്‍ജലീല്‍, ഐ പി അബ്ദുസ്സലാം, ഇ ഒ ഫൈസല്‍, സുഹൈല്‍ സാബിര്‍, മന്‍സൂറലി ചെമ്മാട് തുടങ്ങിയവര്‍ പ്രസംഗിച്ചു.
0 വായനക്കാരുടെ പ്രതികരണങ്ങൾ :
Post a Comment
അസ്സലാമു അലൈക്കും...
സുഹൃത്തെ,
എഴുതൂ താങ്കളുടെ അഭിപ്രായങ്ങള്‍...
സ്നേഹത്തോടെ,
ടീം,
ഇസ്‌ലാഹിന്യൂസ്.കോം