ദോഹ: ഒക്ടോബര്‍ 12-ന് അല്‍ വക്‌റ സ്‌പോര്‍ട്‌സ് സ്റ്റേഡിയത്തില്‍ നടക്കുന്ന വെളിച്ചം ഒന്നാംവാര്‍ഷികത്തിന് മുന്നോടിയായി നടന്ന ആര്‍ട്‌സ് ആന്‍ഡ് ലിറ്റററി മീറ്റ് ശ്രദ്ധേയമായി. ഷംഫോര്‍ഡ് നോബിള്‍ സ്‌കൂളില്‍ നടന്ന പരിപാടിയുടെ ഉദ്ഘാടനം ഖത്തര്‍ ഇന്ത്യന്‍ ഇസ്‌ലാഹീ സെന്റര്‍ പ്രസിഡന്റ് സുലൈമാന്‍ മദനി നിര്‍വഹിച്ചു. പാരായണം ചെയ്യുന്ന ഓരോ അക്ഷരത്തിനും പ്രതിഫലമെന്ന് പ്രഖ്യാപിച്ച ദൈവികഗ്രന്ഥമാണ് ഖുര്‍ആന്‍. വിവരസാങ്കേതികവിദ്യ കുതിച്ചുകയറുന്ന ഈ കാലത്ത് വിശുദ്ധ ഖുര്‍ആന്‍ വായിക്കാന്‍ പോലും അറിയാത്ത പതിനായിരക്കണക്കിന് ആളുകള്‍ ഗള്‍ഫിലും നാട്ടിലുമായുണ്ടെന്നത് ഖേദകരമാണ് -അദ്ദേഹം പറഞ്ഞു. ഇത്തരത്തിലുള്ള ആളുകള്‍ക്ക് വെളിച്ചം പോലുള്ള പദ്ധതികള്‍ വലിയ മാറ്റം ഉണ്ടാക്കും. വിശുദ്ധ ഖുര്‍ആനുമായി ബന്ധപ്പെട്ട മത്സരപരിപാടികള്‍ ജനങ്ങളെ കൂടുതല്‍ ബോധവാന്മാരാക്കും. പ്രത്യേകിച്ച് കുട്ടികളില്‍ ഖുര്‍ആന്‍ പഠിക്കാനും അത് പാരായണം ചെയ്യാനുമുള്ള മനസ്സ് ഇതിലൂടെ വളര്‍ത്തിയെടുക്കാന്‍ സാധിക്കും -അദ്ദേഹം പറഞ്ഞു.
മത്സരവിജയികള്‍: :
വിദ്യാര്‍ഥിവിഭാഗം ആണ്‍കുട്ടികളുടെ തജ്‌വീദ് മത്സരത്തില്‍ അമീന്‍ മുഹമ്മദ് സലീം (ഒന്നാം സ്ഥാനം), ആദം നജീബ് (രണ്ടാം സ്ഥാനം), ആബ്ദുല്‍ ഹാദി അയൂബ് (മൂന്നാം സ്ഥാനം), ഹിഫ്ല് മത്സരത്തില്‍ അമീന്‍ മുഹമ്മദ് സലീം (ഒന്നാം സ്ഥാനം), ആദം നജീബ് (രണ്ടാം സ്ഥാനം), മിസ്അബ് മുഹമ്മദ് റോഷന്‍ (മൂന്നാം സ്ഥാനം), പ്രസംഗമത്സരത്തില്‍ വാഫി ശിഹാബ് (ഒന്നാം സ്ഥാനം), അബ്ദുര്‍ ഹാദി അയൂബ് (രണ്ടാം സ്ഥാനം), റിസ്‌വിന്‍ റഫീഖ് (മൂന്നാം സ്ഥാനം), എന്നിവര്‍ ജേതാക്കളായി.
വിദ്യാര്‍ഥിവിഭാഗം പെണ്‍കുട്ടികളുടെ തജ്‌വീദ് മത്സരത്തില്‍ ഫാത്തിമ ശബ്‌നം (ഒന്നാം സ്ഥാനം), സമ്ര സാഹിര്‍ (രണ്ടാം സ്ഥാനം), ഫാത്തിമ അബു, ഹാജിറ നജീബ് (മൂന്നാം സ്ഥാനം), ഹിഫ്ല് മത്സരത്തില്‍ ഹൂദ ഉമര്‍ അറയ്ക്കല്‍ (ഒന്നാം സ്ഥാനം), ഈമാന്‍ ഹാഷിം (രണ്ടാം സ്ഥാനം), ഫാത്തിമ അബു (മൂന്നാം സ്ഥാനം), പ്രസംഗമത്സരത്തില്‍ ഫാത്തിമ അബു (ഒന്നാം സ്ഥാനം), സമീഹാ റഷീദ് അലി (രണ്ടാം സ്ഥാനം), ശഹനാസ് മുഹമ്മദ് അലി (മൂന്നാം സ്ഥാനം) എന്നിവരും ജേതാക്കളായി.
പുരുഷവിഭാഗം തജ്‌വീദ് മത്സരത്തില്‍ സുബെര്‍ (ഒന്നാം സ്ഥാനം), നജീബ് എം.കെ. (രണ്ടാം സ്ഥാനം), താഹാ അയൂബ് (മൂന്നാം സ്ഥാനം), ഖുര്‍ആന്‍ ക്ലാസ് മത്സരത്തില്‍ സുബൈര്‍ (ഒന്നാം സ്ഥാനം), മുഹമ്മദ് അലി (രണ്ടാം സ്ഥാനം), മുഹമ്മദ് അന്‍വര്‍ അരീക്കാട് (മൂന്നാം സ്ഥാനം), ഹിഫ്ല് മത്സരത്തില്‍ സുബൈര്‍ (ഒന്നാം സ്ഥാനം), സുബൈര്‍ അബ്ദുല്‍ റഹ്മാന്‍ (രണ്ടാം സ്ഥാനം) എന്നിവരും ജേതാക്കളായി.
വനിതാവിഭാഗം തജ്‌വീദ് മത്സരത്തില്‍ രേഷ്മ അബു (ഒന്നാം സ്ഥാനം), നസ്മ അബു (രണ്ടാം സ്ഥാനം), ഫളീല ഹസ്സന്‍ (മൂന്നാം സ്ഥാനം), ഖുര്‍ആന്‍ ക്ലാസ് മത്സരത്തില്‍ ജമീലാ അബൂബക്കര്‍ (ഒന്നാം സ്ഥാനം), സബിത മുഹമ്മദ് അലി (രണ്ടാം സ്ഥാനം), നസ്മ അബു (മൂന്നാം സ്ഥാനം), ഹിഫ്ല് മത്സരത്തില്‍ തന്‍സീറ ഹാരിസ് (ഒന്നാം സ്ഥാനം), ജമീലാ അബൂബക്കര്‍ (രണ്ടാം സ്ഥാനം), ശരീഫാ ബാനു (മൂന്നാം സ്ഥാനം) എന്നിവരും ജേതാക്കളായി. വിവിധമത്സരങ്ങളിലായി ധാരാളംപേര്‍ പങ്കെടുത്ത പരിപാടിയില്‍ റഷീദലി സ്വാഗതവും ശൈജല്‍ ബാലുശ്ശേരി നന്ദിയും പറഞ്ഞു.
0 വായനക്കാരുടെ പ്രതികരണങ്ങൾ :
Post a Comment
അസ്സലാമു അലൈക്കും...
സുഹൃത്തെ,
എഴുതൂ താങ്കളുടെ അഭിപ്രായങ്ങള്‍...
സ്നേഹത്തോടെ,
ടീം,
ഇസ്‌ലാഹിന്യൂസ്.കോം