എറിയാട്: മുസ്‌ലിം നവോത്ഥാന പോരാട്ടങ്ങള്‍ക്ക് അടിത്തറ പാകിയ ഐക്യസംഘത്തിന്റെ തൊണ്ണൂറാം വാര്‍ഷികം ആചരിച്ചു. ഐക്യസംഘത്തിന്റെ നായകനായിരുന്ന എറിയാട് മണപ്പാട്ട് കുഞ്ഞിമുഹമ്മദ് ഹാജിയുടെ ഐക്യവിലാസം തറവാട്ട് മുറ്റത്ത് ഒരുക്കിയ ചടങ്ങില്‍ സംസ്ഥാനത്തിന്റെ വിവിധ ഭാഗങ്ങളില്‍ നിന്നുമുള്ള .സ്ത്രീകളും പണ്ഡിതരുമടക്കമുള്ള ആയിരങ്ങള്‍ പങ്കെടുത്തു. ഐക്യസംഘത്തില്‍ നിന്ന് പ്രചോദനം ഉള്‍ക്കൊണ്ട് രൂപം കൊടുത്ത സംഘടനകളെല്ലാം ഐക്യപ്പെടണമെന്ന് കേരള നദ്‌വത്തുല്‍ മുജാഹിദ്ദീന്‍ സംഘടിപ്പിച്ച സമ്മേളനം ആഹ്വാനം ചെയ്തു. മണപ്പാട്ട് കുഞ്ഞിമുഹമ്മദ് ഹാജിയുടെ സ്മരണകള്‍ ഇരമ്പിയ വേദിയില്‍ അദ്ദേഹത്തിന്റെ മകന്‍ അഡ്വ.പി.കെ.എം. ഹബീബിന്റെ വികാരഭരിതമായ വാക്കുകള്‍ സദസ് ഏറെ ശ്രദ്ധയോടെയാണ് ശ്രവിച്ചത്. തള്ളിക്കളയപ്പെട്ട ഒരു മനുഷ്യനും ആ മനുഷ്യന്‍ രൂപം കൊടുത്ത ഐക്യ സംഘത്തിന്റെയും പുനര്‍ സ്ഥാപനമാണിതെന്നും തനിക്കും തന്റെ കുടുംബാംഗങ്ങള്‍ക്കും അതില്‍ സന്തോഷമുണ്ടെന്നും ഹബീബ് പറഞ്ഞു. ഇസ്‌ലാമില്‍ മുന്നേറ്റത്തെ നവോത്ഥാനത്തിലേക്ക് കൈപിടിച്ചുനടത്തിയ ഐക്യസംഘത്തെ വിസ്മരിച്ച് ഒരു നവോത്ഥാനപ്രസ്ഥാനത്തിനും മുന്നോട്ടുപോകാനാവില്ലെന്ന് മുന്‍മന്ത്രി ഇ.ടി. മുഹമ്മദ് ബഷീര്‍ എം.പി. പറഞ്ഞു. നവോത്ഥാനത്തിന്റെ 90 വര്‍ഷങ്ങള്‍ പഠനസെമിനാര്‍ ഉദ്ഘാടനം ചെയ്യുകയായിരുന്നു അദ്ദേഹം.
മതസൗഹാര്‍ദ്ദത്തിന്റെ പുണ്യഭൂമിയായ കൊടുങ്ങല്ലൂരിലെ എറിയാട് പിറന്നുവീണ ഐക്യസംഘത്തിന്റെ അടിത്തറയില്‍ ചവിട്ടിനിന്നാണ് കേരളീയ മുസ്‌ലിം നവോത്ഥാനത്തിന് പ്രയാണം ആരംഭിച്ചത്. എന്നാല്‍, ഈ നവോത്ഥാന നായകന്മാരെ തിരിച്ചറിയുവാനും അംഗീകരിക്കുവാനും ചില ഭാഗങ്ങളില്‍ എന്നും ഉയര്‍ന്ന തടസ്സവാദങ്ങളാണ് മുസ്‌ലിം സമുദായം പുരോഗതിയിലെത്തുവാന്‍ വൈകിയതിന് കാരണം -ഇ.ടി. മുഹമ്മദ് ബഷീര്‍ പറഞ്ഞു.
കെ.എന്‍.എം. സംസ്ഥാന പ്രസിഡന്റ് ഡോ. ഇ.കെ. അഹമ്മദ്കുട്ടി അധ്യക്ഷത വഹിച്ചു. ഓള്‍ ഇന്ത്യാ ഇസ്ലാഹി മൂവ്‌മെന്റ് ജനറല്‍ സെക്രട്ടറി ഡോ. പി.കെ. ഹുസൈന്‍ മടവൂര്‍ മുഖ്യപ്രഭാഷണം നടത്തി. കെ.പി. ധനപാലന്‍ എം.പി. മുഖ്യാതിഥിയായി. കെ.എന്‍.എം. പ്രസിദ്ധീകരിക്കുന്ന പുസ്തകങ്ങളുടെ പ്രകാശനം ഡോ. ജമാലുദ്ദീന്‍ ഫാറൂഖി, സഫറലി ഇസ്മയിലിന് നല്‍കി പ്രകാശനം ചെയ്തു. ഉസൈബുള്ള താനാളൂര്‍ അഡ്വ. പി.കെ. മുഹമ്മദ്ഹബീബ്, ഇ.വി. രമേശന്‍, പ്രൊഫ. എന്‍.വി. അബ്ദുള്‍റഹ്മാന്‍, പി.കെ. ഇബ്രാഹിംഹാജി, പി.കെ. അബ്ദുള്‍ജബ്ബാര്‍ മണപ്പാട്ട്, പ്രൊഫ. കെ.ഐ. അബ്ദുള്ള, പി.എ. മുഹമ്മദ് മണപ്പാട്ട്, പ്രൊഫ. എം. ഹാറൂണ്‍, കെ. അബ്ദുള്‍സലാം എന്നിവര്‍ പ്രസംഗിച്ചു. ഡോ. എം. ഗംഗാധരന്‍, ഡോ. കുഞ്ഞാലി, ഡോ. അഷറഫ് വാണിമേല്‍, ഡോ. ജമാല്‍ മുഹമ്മദ്, ഡോ. പി.എ. മുഹമ്മദ് സെയ്ദ്, പി.എം.എ. ഗഫൂര്‍ എന്നിവര്‍ പ്രബന്ധം അവതരിപ്പിച്ചു. പഠന സെഷനില്‍ കെ.പി. സക്കറിയ, എ. അസ്ഗര്‍ അലി, ഡോ. പി.പി. അബ്ദുള്‍ഹഖ്, മുജീബ് റഹ്മാന്‍ കിനാലൂര്‍, കെ. അബൂബക്കര്‍ മൗലവി, അബൂബക്കര്‍ നന്മണ്ട, പി.ടി. ബീരാന്‍കുട്ടി സുല്ലമി, സി. മുഹമ്മദ് സലിം, ഐ.പി. അബ്ദുള്‍സലാം എന്നിവര്‍ ചര്‍ച്ചകളില്‍ പങ്കെടുത്തു.
സമാപന പൊതുസമ്മേളനം എം.ഇ.എസ്. സംസ്ഥാന പ്രസിഡന്റ് ഡോ. പി.എ. ഫസല്‍ഗഫൂര്‍ ഉദ്ഘാടനം ചെയ്തു. കെ.എന്‍.എം. സംസ്ഥാന സെക്രട്ടറി സി.പി. ഉമര്‍ സുല്ലമി അധ്യക്ഷത വഹിച്ചു. വി.എസ്. സുനില്‍കുമാര്‍ എം.എല്‍.എ. മുഖ്യാതിഥിയായി. എം. സലാഹുദ്ദീന്‍ മദനി മുഖ്യപ്രഭാഷണം നടത്തി. എന്‍.എം. അബ്ദുള്‍ജലീല്‍, അബ്ദുള്‍ലത്തീഫ് കരിമ്പിലാക്കന്‍, ജാസിര്‍ രണ്ടത്താണി, ഷമീല ഇസ്‌ലാഹിയ, ഇ.ഐ. മുജീബ്, കെ.എ. അബ്ദുള്‍ഹബീബ് മദനി എന്നിവര്‍ പ്രസംഗിച്ചു.
0 വായനക്കാരുടെ പ്രതികരണങ്ങൾ :
Post a Comment
അസ്സലാമു അലൈക്കും...
സുഹൃത്തെ,
എഴുതൂ താങ്കളുടെ അഭിപ്രായങ്ങള്‍...
സ്നേഹത്തോടെ,
ടീം,
ഇസ്‌ലാഹിന്യൂസ്.കോം