കോഴിക്കോട്: ഭൂകമ്പസാധ്യതാ മേഖലയിലുള്‍പ്പെട്ട ഇടുക്കിയില്‍ അമേരിക്കന്‍ ആണവോര്‍ജ വകുപ്പുമായി ചേര്‍ന്ന് ന്യൂട്രിനോ പരീക്ഷണശാല സ്ഥാപിക്കാനുള്ള കേന്ദ്രനീക്കം ഉപേക്ഷിക്കണമെന്ന് ഐ എസ് എം സംസ്ഥാന സെക്രട്ടറിയേറ്റ് ആവശ്യപ്പെട്ടു. കേരളത്തോട് ചര്‍ച്ച ചെയ്യാതെയും പാരിസ്ഥിതിക പ്രശ്‌നങ്ങളെക്കുറിച്ച് പ്രാഥമിക വിവരശേഖരണം പോലും നടത്താതെയുമുള്ള ഈ നീക്കം ആശങ്കാജനകമാണ്. പദ്ധതിയെക്കുറിച്ച് കേന്ദ്രം മുഴുവന്‍ വിവരങ്ങളും ജനങ്ങളോട് തുറന്നുപറയണം. വിഷയം സംസ്ഥാന സര്‍ക്കാര്‍ അതീവ ജാഗ്രതയോടെ കാണണമെന്നും ഐ എസ് എം ആവശ്യപ്പെട്ടു. സംസ്ഥാന വൈസ് പ്രസിഡന്റ് അബ്ദുസ്സലാം മുട്ടില്‍ അധ്യക്ഷത വഹിച്ചു. ജനറല്‍ സെക്രട്ടറി എന്‍ എം അബ്ദുല്‍ ജലീല്‍, മന്‍സൂറലി ചെമ്മാട്, ഫൈസല്‍ ഇയ്യക്കാട്, ശുക്കൂര്‍ കോണിക്കല്‍, നൂറുദ്ദീന്‍ എടവണ്ണ പ്രസംഗിച്ചു.
0 വായനക്കാരുടെ പ്രതികരണങ്ങൾ :
Post a Comment
അസ്സലാമു അലൈക്കും...
സുഹൃത്തെ,
എഴുതൂ താങ്കളുടെ അഭിപ്രായങ്ങള്‍...
സ്നേഹത്തോടെ,
ടീം,
ഇസ്‌ലാഹിന്യൂസ്.കോം