അന്ധവിശ്വാസങ്ങള്‍ക്ക്‌ ശാസ്‌ത്രീയ പരിവേഷം നല്‍കുന്നത്‌ ചെറുക്കുക -ഖത്വീബ്‌ കൗണ്‍സില്‍

മഞ്ചേരി: മാധ്യമ നൈതികതയും യുക്തിബോധവും വിസ്‌മരിച്ച്‌ അന്ധവിശ്വാസങ്ങള്‍ക്ക്‌ ശാസ്‌ത്രീയ പരിവേഷം നല്‍കി യഥാസ്ഥിതികത പ്രചരിപ്പിക്കാനുള്ള ശ്രമം ചെറുക്കണമെന്ന്‌ മലപ്പുറം ജില്ലാ ഖത്വീബ്‌ കൗണ്‍സില്‍ ആഹ്വാനം ചെയ്‌തു. ഐ എസ്‌ എം ആദര്‍ശ കാമ്പയിന്റെ ഭാഗമായി സംഘടിപ്പിച്ച കൗണ്‍സില്‍ കെ ജെ യു അസി. സെക്രട്ടറി സി മുഹമ്മദ്‌ സലീം സുല്ലമി ഉദ്‌ഘാടനം ചെയ്‌തു. കെ എന്‍ എം ജില്ലാ പ്രസിഡന്റ്‌ കെ അബൂബക്കര്‍ മൗലവി അധ്യക്ഷത വഹിച്ചു. അനസ്‌ കടലുണ്ടി, ജാബിര്‍ അമാനി ക്ലാസ്സെടുത്തു. ഖാലിദ്‌ അന്‍സാരി, ശിഹാബുദ്ദീന്‍ മങ്കട, യൂനുസ്‌ ഉമരി, അബ്‌ദുല്‍ ഖാദര്‍ സ്വലാഹി, അലി അശ്‌റഫ്‌ പുളിക്കല്‍, അബ്‌ദുല്‍ ഗഫൂര്‍ സ്വലാഹി പ്രസംഗിച്ചു.