കോഴിക്കോട്: സഊദി അറേബ്യയിലെ ഖമീസ് മുഷൈത് ശാഖ എം ജി എമ്മിന്റെ ആഭിമുഖ്യത്തില്‍ നിര്‍ധനര്‍ക്ക് നല്കുന്ന വീല്‍ ചെയറുകളുടെ വിതരണോദ്ഘാടനം 20ന് വൈകിട്ട് നാലിന് കോഴിക്കോട്ട് നടക്കും. മര്‍കസുദ്ദഅ്‌വ ഓഡിറ്റോറിയത്തില്‍ നടക്കുന്ന ചടങ്ങില്‍ പഞ്ചായത്ത് സാമൂഹ്യക്ഷേമ മന്ത്രി ഡോ. എം കെ മുനീര്‍ ഉദ്ഘാടനം നിര്‍വഹിക്കും. ഐ എസ് എം മെഡിക്കല്‍ എയ്ഡ് സെന്റര്‍ വനിതാ വിംഗ് കണ്‍വീനര്‍ സലീമ മീഞ്ചന്ത വീല്‍ചെയറുകള്‍ ഏറ്റുവാങ്ങും. സഊദി ഇസ്വ്‌ലാഹി സെന്റര്‍ കോ-ഓര്‍ഡിനേഷന്‍ കണ്‍വീനര്‍ എം ടി മനാഫ് അധ്യക്ഷത വഹിക്കും.
കെ എന്‍ എം സംസ്ഥാന സെക്രട്ടറി കെ പി സകരിയ്യ, എം ജി എം പ്രസിഡന്റ് ഖദീജ നര്‍ഗീസ്, ഐ എസ് എം സെക്രട്ടറി ഫൈസല്‍ ഇയ്യക്കാട്, എം എസ് എം ജനറല്‍സെക്രട്ടറി സെയ്ത് മുഹമ്മദ് കുരുവട്ടൂര്‍, ഖമീസ് മുഷൈത് ഇസ്വ്‌ലാഹി സെന്റര്‍ പ്രതിനിധി സുബൈര്‍ തങ്ങള്‍, എം ജി എം സെക്രട്ടറി കെ വി സുബൈദ, നുബിത കല്ലായി, മെഡിക്കല്‍ എയ്ഡ് സന്റര്‍ കണ്‍വീനര്‍ കെ വി നിയാസ് പ്രസംഗിക്കും. ഖമീസ് മുഷൈത് എം ജിഎമ്മിന്റെ വിവിധ സാമൂഹ്യ ക്ഷേമപദ്ധതികളുടെ ഭാഗമായാണ് വീല്‍ ചെയറുകള്‍ വിതരണം ചെയ്യുന്നത്.
0 വായനക്കാരുടെ പ്രതികരണങ്ങൾ :
Post a Comment
അസ്സലാമു അലൈക്കും...
സുഹൃത്തെ,
എഴുതൂ താങ്കളുടെ അഭിപ്രായങ്ങള്‍...
സ്നേഹത്തോടെ,
ടീം,
ഇസ്‌ലാഹിന്യൂസ്.കോം