കോഴിക്കോട്: കഴിഞ്ഞ കുറേ വര്‍ഷങ്ങളായി കശ്മീരില്‍ നിലവിലുള്ള സായുധസേന പ്രത്യേകാധികാര നിയമം ഭാഗികമായെങ്കിലും പിന്‍വലിക്കണമെന്ന മുഖ്യമന്ത്രി ഒമര്‍ അബ്ദുല്ലയുടെ ആവശ്യത്തിന് പരിഗണന നല്‍കാത്ത കേന്ദ്ര നിലപാടില്‍ ഐ എസ് എം സംസ്ഥാന സെക്രട്ടറിയേറ്റ് അതൃപ്തി രേഖപ്പെടുത്തി. കശ്മീരികളുടെ മനുഷ്യാവകാശം സംബന്ധിച്ച തീരുമാനത്തിനുമേല്‍ നടപടികളെടുക്കാന്‍ വൈകുന്നത് ശരിയല്ല. അഫ്‌സ്പ ഒരു നിലക്കും പിന്‍വലിക്കരുതെന്ന ആര്‍ എസ് എസ് നിലപാട് തന്നെ രാജ്യത്തെ സൈനിക നേതൃത്വം സ്വീകരിക്കുന്നത് ശരിയല്ല. കശ്മീര്‍ ജനതയെ വിശ്വാസത്തിലെടുത്തല്ലാതെ ജമ്മു കശ്മീര്‍ പ്രതിസന്ധിക്ക് പരിഹാരം സാധ്യമല്ലെന്നിരിക്കെ കേന്ദ്രസര്‍ക്കാര്‍ സ്വീകരിക്കുന്ന അഴകൊഴമ്പന്‍ നയം അംഗീകരിക്കാനാവില്ല. സൈനികരുടെ താല്‍പര്യത്തിനല്ല ജനഹിതത്തിനും പൗരാവകാശത്തിനുമാണ് രാഷ്ട്രീയ ഭരണനേതൃത്വങ്ങള്‍ പരിഗണന നല്‌കേണ്ടത്. അഫ്‌സ്പ സംബന്ധിച്ച നിലപാട് വ്യക്തമാക്കാന്‍ രാജ്യത്തെ പരമോന്നത നീതിപീഠം കേന്ദ്രസര്‍ക്കാറിനോടാവശ്യപ്പെട്ടത് ഭരണനേതൃത്വം മറക്കരുതെന്നും ഐ എസ് എം ആവശ്യപ്പെട്ടു.
ഐ എസ് എം സംസ്ഥാന പ്രസിഡന്റ് മുജീബുര്‍റഹ്മാന്‍ കിനാലൂര്‍ അധ്യക്ഷത വഹിച്ചു. ജനറല്‍ സെക്രട്ടറി എന്‍ എം അബ്ദുല്‍ജലീല്‍, യു പി യഹ്‌യാഖാന്‍, ഇ ഒ ഫൈസല്‍, ശുക്കൂര്‍ കോണിക്കല്‍, ഹര്‍ശിദ് മാത്തോട്ടം പ്രസംഗിച്ചു.
0 വായനക്കാരുടെ പ്രതികരണങ്ങൾ :
Post a Comment
അസ്സലാമു അലൈക്കും...
സുഹൃത്തെ,
എഴുതൂ താങ്കളുടെ അഭിപ്രായങ്ങള്‍...
സ്നേഹത്തോടെ,
ടീം,
ഇസ്‌ലാഹിന്യൂസ്.കോം