കോഴിക്കോട്: കേരള മനസ്സാക്ഷിയെ പോറലേല്പിച്ച സൗമ്യവധക്കേസിലെ മുഖ്യപ്രതി ഗോവിന്ദച്ചാമിക്കെതിരെ തൃശൂർ അതിവേഗ കോടതി പുറപ്പെടുവിച്ച വിധി സ്വാഗതാർ‍ഹമാണെന്ന് എം എസ് എം സംസ്ഥാന എക്‌സിക്യുട്ടീവ് യോഗം അഭിപ്രായപ്പെട്ടു. നിരവധി ആക്രമണങ്ങളില്‍ പ്രതിയാണെന്ന് കോടതി കണ്ടെത്തിയ ഗോവിന്ദച്ചാമിക്കനുകൂലമായി നിയമസംവിധാനം ഉപയോഗപ്പെടുത്തിയ ഉദ്യോഗവൃന്ദമാണ് സമൂഹ മനസ്സാക്ഷിയെ കൂടുതൽ ഞെട്ടിച്ചതെന്നും സാംസ്‌കാരിക പ്രബുദ്ധമായ സംസ്ഥാനത്ത് പോലും സ്ത്രീ സമൂഹങ്ങൾ‍ക്കു നേരെ അരങ്ങേറുന്ന അതിക്രമങ്ങൾ‍ക്കെതിരെ ഉണർ‍ന്ന് പ്രവർ‍ത്തിക്കാനും നിയമനിർ‍മാണം നടത്താനും ഉദ്യോഗ വൃന്ദം ജാഗ്രത പുലര്‍ത്തണമെന്നും യോഗം ആവശ്യപ്പെട്ടു.
സമാധാനപരമായ ഭരണ സംവിധാനങ്ങൾ യൂണിവേഴ്‌സിറ്റി തലങ്ങളിൽ നടത്തുന്നതിനെതിരെ ഒരു വിഭാഗം ജോലിക്കാർ നടത്തുന്ന ഏകപക്ഷീയ സമരങ്ങൾ സർ‍വകലാശാലകളുടെ അക്കാദമിക് തലങ്ങളെപോലും താളംതെറ്റിക്കുന്നതാണെന്നും ഇതിനെതിരെ വിദ്യാര്‍ഥി സംഘടനകൾ പ്രവർ‍ത്തിക്കണമെന്നും യോഗം ഉണർ‍ത്തി.
എം എസ് എം സംസ്ഥാന ജോയിന്റ് സെക്രട്ടറി സെയ്ത് മുഹമ്മദ് അധ്യക്ഷത വഹിച്ചു. കെ എൻ എം സംസ്ഥാന അസിസ്റ്റന്റ് സെക്രട്ടറി ഡോ. മുസ്തഫ ഫാറൂഖി ഉദ്ഘാടനം ചെയ്തു. മുജീബുർ‍റഹ്മാൻ കിനാലൂര്‍, മന്‍സൂറലി ചെമ്മാട്, ഹർ‍ഷിദ് മാത്തോട്ടം, ഖമറുദ്ദീൻ എളേറ്റിൽ, ജാസിർ രണ്ടത്താണി എന്നിവർ സംസാരിച്ചു. വിവിധ ജില്ലകളെ പ്രതിനിധീകരിച്ച് ഷഫീഖ് മമ്പറം (കണ്ണൂര്‍), സജീര്‍ (വയനാട്), ഹാഫിള് റഹ്മാൻ (കോഴിക്കോട് സൗത്ത്), ഷൗക്കത്ത് വാണിമേൽ (കോഴിക്കോട് നോർ‍ത്ത്), സഗീറലി ടി പി (മലപ്പുറം വെസ്റ്റ്), അഷ്‌ക്കർ നിലമ്പൂർ (മലപ്പുറം ഈസ്റ്റ്), സാജിദ്
(പാലക്കാട്), ഉമ്മർ‍കുട്ടി (എറണാകുളം), ഷഹബാസ് (കോട്ടയം) സംസാരിച്ചു.
(പാലക്കാട്), ഉമ്മർ‍കുട്ടി (എറണാകുളം), ഷഹബാസ് (കോട്ടയം) സംസാരിച്ചു.
0 വായനക്കാരുടെ പ്രതികരണങ്ങൾ :
Post a Comment
അസ്സലാമു അലൈക്കും...
സുഹൃത്തെ,
എഴുതൂ താങ്കളുടെ അഭിപ്രായങ്ങള്‍...
സ്നേഹത്തോടെ,
ടീം,
ഇസ്‌ലാഹിന്യൂസ്.കോം