കോഴിക്കോട് : നിര്‍ധന രോഗികളെ സഹായിക്കുന്നതിനും വിഗലാംഗരെ പുനരധിവസിപ്പിക്കുന്നതിനും സ്ത്രീ സന്നദ്ധ സംഘടനകള്‍ മുന്നോട്ടു വരണമെന്നു സാമൂഹ്യക്ഷേമ വകുപ്പ് മന്ത്രി ഡോ ; എം കെ മുനീര്‍ പ്രസ്താവിച്ചു. സഊദി ഇസ്ലാഹി സെന്റെറിന്‍റെ കീഴിലുള്ള ഖമീസ് മുശൈത്ത് എം ജി എം ശാഖ, ഐ എസ് എം മെഡിക്കല്‍ എയ്ഡ് സെന്റെര്‍ മുഖേന നിര്‍ധനരോഗികള്‍ക്ക് ഏര്‍പ്പെടുത്തിയ വീല്‍ചെയര്‍ വിതരണപദ്ധതി ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. സമൂഹത്തില്‍ രോഗികള്‍ കൂടിവരികയാണ്. പുതിയതരം രോഗങ്ങള്‍ പെരുകിക്കൊണ്ടിരിക്കുന്നു. രോഗം അനാഥമാക്കുന്നവരെ സമൂഹം ഏറ്റെടുക്കേണ്ടിയിരിക്കുന്നു. അനാഥരും നിര്‍ധനരുമായവരുടെ പ്രശ്നങ്ങള്‍ ഏറ്റെടുക്കുന്നവരാണ് യഥാര്‍ത്ഥ വിശ്വാസികള്‍. സേവനരംഗങ്ങളില്‍ മുസ്ലിം സ്ത്രീകള്‍ ആവേശപൂര്‍വ്വം കടന്നുവരുന്നത് സ്വാഗതാര്‍ഹമാണെന്നും മന്ത്രി പറഞ്ഞു.
എം ജി എം സംസ്ഥാന പ്രസിഡണ്ട്‌ ഖദീജ നര്‍ഗീസ് അധ്യക്ഷത വഹിച്ചു. സലീമ, നുബിത കല്ലായി, സുബൈദ കെ വി, ഐ എസ് എം സംസ്ഥാന പ്രസിഡണ്ട്‌ മുജീബുറഹ്മാന്‍ കിനാലൂര്‍, അഫ്സല്‍ മടവൂര്‍, ഫൈസല്‍ ഇയ്യക്കാട് എന്നിവര്‍ ആശംസകള്‍ അര്‍പ്പിച്ചു. സുബൈര്‍ തങ്ങള്‍ സ്വാഗതവും കെ വി നിയാസ് നന്ദിയും പറഞ്ഞു.
0 വായനക്കാരുടെ പ്രതികരണങ്ങൾ :
Post a Comment
അസ്സലാമു അലൈക്കും...
സുഹൃത്തെ,
എഴുതൂ താങ്കളുടെ അഭിപ്രായങ്ങള്‍...
സ്നേഹത്തോടെ,
ടീം,
ഇസ്‌ലാഹിന്യൂസ്.കോം