ഖുര്‍ആന്‍ മുസാബഖ രജിസ്‌ട്രേഷന്‍ ആരംഭിച്ചു

റിയാദ് : സൗദി ഇന്ത്യന്‍ ഇസ്‌ലാഹി സെന്റര്‍ നാഷണല്‍ കമ്മിറ്റിയുടെ ആഭിമുഖ്യത്തില്‍ നടത്തിവരുന്ന സൗദി മലയാളി ഖുര്‍ആന്‍ വിജ്ഞാന പരീക്ഷയുടെ ദേശീയതല സമ്മാനദാന രജിസ്‌ട്രേഷന്‍ കൂപ്പണ്‍ വിതരണം ചെയ്തു. വിതരണോദ്ഘാടനം അല്‍റയ്യാന്‍ ഓഡിറ്റോറിയത്തില്‍ നടന്ന പരിപാടിയില്‍ ഡോ. ഫൈസിയില്‍ നിന്ന് ഉസ്മാന്‍ സ്വീകരിച്ചു. സൗദി ഇന്ത്യന്‍ ഇസ്‌ലാഹി സെന്റര്‍ നാഷണല്‍ കമ്മിറ്റി ചെയര്‍മാന്‍ മുഹമ്മദ് ഹാഷിം അധ്യക്ഷത വഹിച്ചു. അബ്ദുല്‍മജീദ് തൊടികപുലം സ്വാഗതവും സിറാജുദ്ദീന്‍ കാസര്‍കോട് നന്ദിയും പറഞ്ഞു.