ഖത്തര്‍: ഖത്തര്‍ ഇന്ത്യന്‍ ഇസ്ലാഹി സെന്ററിന്റെ ആഭിമുഖ്യത്തില്‍ സംഘടിപ്പിക്കുന്ന ആറാം ഖത്തര്‍ മലയാളി സമ്മേളനം താനി ബിന്‍ അബ്ദുല്ല ഹ്യുമനിറ്റേറിയന്‍ ഫൗണ്ടേഷന്‍ ഡയറക്ടര്‍ ശൈഖ് ആയിദ് അല്‍ ഖഹ്ത്വാനി ഉദ്ഘാടനം ചെയ്തു. ചരിത്രകാരന്‍ കെ.എന്‍. പണിക്കര്‍ മുഖ്യാതിഥിയായിരുന്നു. കെ.പി. അബ്ദുല്‍ ഹമീദ് അധ്യക്ഷനായിരുന്നു.
സമ്മേളന സുവനീര്‍ കേരള നദ്‌വത്തുല്‍ മുജാഹിദീന്‍ സംസ്ഥാന അധ്യക്ഷന്‍ ഡോ. ഇ.കെ. അഹമ്മദ്കുട്ടി പ്രകാശനം ചെയ്തു. നസീര്‍ മുസഫി സുവനീര്‍ ഏറ്റുവാങ്ങി. ഖത്തര്‍ ഇന്ത്യന്‍ ഇസ്‌ലാഹീ സെന്ററിന്റെ 2012 ലെ കലണ്ടര്‍ മുഹമ്മദ് ഉണ്ണി ഒളകര പ്രകാശനം ചെയ്തു. സമ്മേളനത്തിന് മുന്നോടിയായി സംഘടിപ്പിച്ച വിവിധ മത്സരങ്ങളിലെ വിജയികള്‍ക്കുള്ള സമ്മാനങ്ങള്‍ മിഷാല്‍ അല്‍ മന്നായി വിതരണം ചെയ്തു. കെ.പി.സി.സി ജനറല്‍ സെക്രട്ടറി അജയ് തറയില്‍, ഫനാര്‍ പ്രതിനിധി ഡോ. അലി ഇദ് രീസ്, പി.എസ്.എച്ച്. തങ്ങള്‍, ടി.എച്ച്. നാരായണന്‍, വി.ടി. അബ്ദുല്ലക്കോയ, കെ.കെ. ശങ്കരന്‍, ആര്‍. മാത്യു സ്‌കറിയ, തുടങ്ങിയ ഖത്തറിലെ വിവിധ സംഘടനാ പ്രതിനിധികള്‍ ആശംസകള്‍ അര്‍പ്പിച്ചു. ഉദ്ഘാടന സമ്മേളനത്തില്‍ പി.കെ. അബ്ദുല്ല, സാം കുരുവിള, അഡ്വ. നിസാര്‍ കേച്ചേരി, വി.എസ്. നാരായണന്‍, സി.പി. റപ്പായി, മുസ്തഫ എന്‍.കെ, ജി.പി. കുഞ്ഞാലിക്കുട്ടി, റഷീദ് ഖാസിം, തുടങ്ങിയവര്‍ സംബന്ധിച്ചു.
ഐ.എസ്.എം. കേരള ജനറല്‍ സെക്രട്ടറി എന്‍.എം. അബ്ദുല്‍ ജലീല്‍ മുഖ്യ പ്രഭാഷണം നടത്തി. രണ്ട് ദിവസങ്ങളിലായി നടക്കുന്ന സമ്മേളനത്തിന്റെ ഭാഗമായി വനിതാ സംഗമം, സംഘടനാ പ്രതിനിധി സംഗമം, ബാലസമ്മേളനം, പഠനവേദി, സെമിനാര്‍, വിദ്യാര്‍ത്ഥി സമ്മേളനം, യുവജനസംഗമം, തുടങ്ങിയ വ്യത്യസ്ത സെഷനുകളുമുണ്ടായി.
0 വായനക്കാരുടെ പ്രതികരണങ്ങൾ :
Post a Comment
അസ്സലാമു അലൈക്കും...
സുഹൃത്തെ,
എഴുതൂ താങ്കളുടെ അഭിപ്രായങ്ങള്‍...
സ്നേഹത്തോടെ,
ടീം,
ഇസ്‌ലാഹിന്യൂസ്.കോം