മനാമ: കേരള സര്‍ക്കാരിന്റെ മദ്യനയം തിരുത്താന്‍ പ്രവാസിസംഘടനകള്‍ സമ്മര്‍ദ്ദം ചെലുത്തണമെന്ന് ഇന്ത്യന്‍ ഇസ്ലാഹി സെന്‍റര്‍ സെക്രട്ടറിയേറ്റ് യോഗം ആവശ്യപ്പെട്ടു. ടൂറിസത്തിന്റെ മറവില്‍ മദ്യ വ്യവസായം വ്യാപിപ്പിക്കാനുളള നീക്കം ചെറുക്കണം. മദ്യപാനത്തിന്റെ ഉയര്‍ന്ന തോത് കുടുംബത്തിലും സമൂഹത്തിലും ഉണ്ടാക്കുന്ന പ്രശ്‌നങ്ങള്‍ സര്‍ക്കാര്‍ കണ്ടില്ലെന്ന് നടിക്കരുത്. സംസ്ഥാന പുരോഗതിക്ക് സൃഷ്ടിപരമായ വരുമാന മാര്‍ഗ്ഗങ്ങളാണ് കണ്ടത്തേണ്ടത്. 'കുടിയച്ഛാരുടെ നാട് ' എന്ന അപഖ്യാതിയില്‍ നിന്ന് കേരളത്തെ മോചിപ്പിക്കാനുളള ശ്രമങ്ങള്‍ക്കാണ് സര്‍ക്കാര്‍ നേതൃത്വം നല്‍കേണ്ടത്. ഇതിനായി രാഷ്ടീയ പാര്‍ട്ടികളുടെ പോഷക ഘടകങ്ങള്‍ ഉള്‍പ്പെടെയുളള പ്രവാസിസംഘടനകള്‍ സര്‍ക്കാരില്‍ സമ്മര്‍ദ്ദം ചെലുത്തണമെന്ന് യോഗം ആവശ്യപ്പെട്ടു.
പ്രസിഡന്‍റ് വി.ടി.മുഹമ്മദ് ഇര്‍ഷാദ് അദ്ധ്യക്ഷത വഹിച്ചു. എന്‍.റിയാസ്, പി.പി.ബഷീര്‍, നൂറുദ്ദീന്‍ പയ്യോളി, എന്‍.സിറാജ്, ടി.റഫീഖ് എന്നിവര്‍ പ്രസംഗിച്ചു.
0 വായനക്കാരുടെ പ്രതികരണങ്ങൾ :
Post a Comment
അസ്സലാമു അലൈക്കും...
സുഹൃത്തെ,
എഴുതൂ താങ്കളുടെ അഭിപ്രായങ്ങള്‍...
സ്നേഹത്തോടെ,
ടീം,
ഇസ്‌ലാഹിന്യൂസ്.കോം