പാലക്കാട്: ബാറുകള്‍ക്ക് ലൈസന്‍സ് നല്‍കുവാനുള്ള അധികാരം പഞ്ചായത്തുകള്‍ക്ക് നല്‍കുന്നതുള്‍പ്പെടെ തെരഞ്ഞെടുപ്പ് സമയത്ത് നല്‍കിയ വാഗ്ദാനങ്ങള്‍ നടപ്പിലാക്കാന്‍ സര്‍ക്കാര്‍ ആര്‍ജവം കാണിക്കന്ന്‍ എം എസ് എം പാലക്കാട് ജില്ല പ്രതിനിധി സമ്മേളനം അഭിപ്രായപ്പെട്ടു. കാമ്പസ് കേന്ദ്രീകൃത മദ്യ-ലഹരി-ഹവാല മാഫിയകളെ നിയമത്തിനു മുന്‍പില്‍ കൊണ്ടുവന്ന്‍ മാതൃകാപരമായി ശിക്ഷിക്കുവാനും എം എസ് എം ആവശ്യപ്പെട്ടു. 'അറിവ് സമര്‍പ്പണത്തിന്' എന്ന പ്രമേയത്തില്‍ പാലക്കാട് ടൌണില്‍ സംഘടിപ്പിച്ച സമ്മേളനം കെ എന്‍ എം സംസ്ഥാന സെക്രട്ടറി പി ടി വീരാന്‍കുട്ടി സുല്ലമി ഉദ്ഘാടനം ചെയ്തു. കെ ജെ യു സംസ്ഥാന ട്രഷറര്‍ ഈസ മദനി അധ്യക്ഷനായിരുന്നു. എം എസ് എം സംസ്ഥാന സെക്രട്ടറി ജാസിര്‍ രണ്ടത്താണി പ്രമേയ വിശദീകരണം നടത്തി. ജലീല്‍ മാമാങ്കര മുഖ്യപ്രഭാഷണം നടത്തി.
പാലക്കാട് ഐ സി സി യില്‍ വെച്ച് ചേര്‍ന്ന യോഗത്തില്‍ 2012 -2013 കാലത്തേക്കുള്ള എം എസ് എം ജില്ല കമ്മിറ്റി രൂപീകരിച്ചു. സാജിദ് ചിരക്കല്‍പടി ജില്ലാ അധ്യക്ഷനായും റഹീഫ് എടത്തനാട്ടുകര സെക്രട്ടറിയായും മുലൈഖാന്‍ മണ്ണാര്‍ക്കാട് ട്രെഷററായും തെരഞ്ഞെടുക്കപ്പെട്ടു. യോഗത്തില്‍ പി ഹഫീസുള്ള, എം എസ് എം സംസ്ഥാന വൈസ് പ്രസിടന്റ്റ് ഷാനവാസ് പറവന്നൂര്‍, സംസ്ഥാന സെക്രടറി സൈദ്‌ മുഹമ്മദ്‌, ആഷിദ് ഷാ, പാലക്കാട് മണ്ഡലം പ്രസിടന്റ്റ് മനാസ് കല്‍മണ്ഡപം, സെക്രട്ടറി നിഹാദ് പുതുശ്ശേരി എന്നിവര്‍ സംസാരിച്ചു.
1 വായനക്കാരുടെ പ്രതികരണങ്ങൾ :
തെരഞ്ഞെടുപ്പ് സമയത്ത് നല്‍കിയ വാഗ്ദാനങ്ങള്‍ നടപ്പിലാക്കാന്‍ സര്‍ക്കാര്‍ ആര്‍ജവം കാണിക്ക്കുക
Post a Comment
അസ്സലാമു അലൈക്കും...
സുഹൃത്തെ,
എഴുതൂ താങ്കളുടെ അഭിപ്രായങ്ങള്‍...
സ്നേഹത്തോടെ,
ടീം,
ഇസ്‌ലാഹിന്യൂസ്.കോം