ഖുര്‍ആന്‍ വിജ്ഞാന പരീക്ഷയുടെ ഫലം പ്രസിദ്ധീകരിച്ചു

മനാമ: ഖുര്‍ആനിന്റെ വെളിച്ചത്തിലേക്ക് കാമ്പയിന്റെ ഭാഗമായി ഇന്ത്യന്‍ ഇസ്‌ലാഹി സെന്ററും ഖുര്‍ആന്‍ കെയര്‍ സൊസൈറ്റിയും സംയുക്തമായി സംഘടിപ്പിച്ച ഖുര്‍ആന്‍ വിജ്ഞാന പരീക്ഷയുടെ ഫലം പ്രസിദ്ധീകരിച്ചു. റമീസ.വി.സി.ക്കാണ് ഒന്നാം സ്ഥാനം. റംല ഹൈദ്രോസ്, ഫമിദ സഫര്‍ എന്നിവര്‍ യഥാക്രമം രണ്ട്, മൂന്ന് സ്ഥാനങ്ങള്‍ കരസ്ഥമാക്കി. സാജിദ മനാഫ്, റീജ ഷാജി, ഷീബ മുസ്തഫ, അല്‍മാസ്, സി.വി.കെ.ഷെഫീഖ്, നഷീദ ജലീല്‍, സാജിദ ഫസല്‍ എന്നിവര്‍ ആദ്യ പത്ത് സ്ഥാനങ്ങള്‍ നേടി പ്രോത്സാഹന സമ്മാനങ്ങള്‍ക്കര്‍ഹരായി. 

യാസീന്‍ അദ്ധ്യായത്തെ ആസ്പദമാക്കി രണ്ട് ഘട്ടങ്ങളിലായാണ് ഖുര്‍ആന്‍ വിജ്ഞാന പരീക്ഷ സംഘടിപ്പിച്ചത്. പ്രാഥമികഘട്ട പരീക്ഷയില്‍ 80 ശതമാനത്തിലധികം മാര്‍ക്ക് നേടിയവരാണ് അവസാനഘട്ട പരീക്ഷയില്‍ പങ്കെടുത്തത്. വിജയികള്‍ക്കുളള സര്‍ട്ടിഫിക്കറ്റുകളും സമ്മാനങ്ങളും അടുത്ത പൊതുപരിപാടിയില്‍ വിതരണം ചെയ്യുമെന്ന് ഇസ്‌ലാഹി സെന്റര്‍ ഭാരവാഹികള്‍ അറിയിച്ചു.