KICR ഖുര്‍ആന്‍ തജ്'വീദ് മത്സരം : വിജയികളെ പ്രഖ്യാപിച്ചു

ദമാം : കേരള ഇസ്ലാഹി ക്ലാസ് റൂം റമദാനില്‍ നടത്തിയ ഖുര്‍ആന്‍ തജവീദ് മത്സരത്തില്‍ കുട്ടികളുടെ വിഭാഗത്തില്‍ ദീന മുഹമ്മദ്‌ ശരീഫ് (കുവൈറ്റ്‌) ഒന്നാം സ്ഥാനവും റാസിന്‍ മനാഫ് (സൗദി) രണ്ടാം സ്ഥാനവും നിഅ'മ അബ്ദുറസാഖ് (യു എ ഇ), ബിശാറ ബഷീര്‍ (കുവൈറ്റ്) മൂന്നാം സ്ഥാനവും കരസ്ഥമാക്കി. വനിതകള്‍ക്കായി നടത്തിയ മത്സരത്തില്‍ മാജിദ മഹ്മൂദ് (കണ്ണൂര്‍), നഷീദ അബ്ദുറഷീദ് (കുവൈറ്റ്), ജുമൈല മുഹമ്മദ്‌ (സൗദി) എന്നിവര്‍ ആദ്യ മൂന്നു സ്ഥാനങ്ങള്‍ നേടി. ലോകത്തിന്‍റെ വിവിധ ഭാഗങ്ങളില്‍ നിന്നും നൂറിലധികം മത്സരാര്‍ഥികള്‍ പങ്കെടുത്തു.