ദോഹ: നവംബര്‍ 17, 18 തീയതികളില്‍ മുന്‍തസ അബൂബക്കര്‍ സിദ്ദിഖ് ഇന്‍ഡിപെന്‍ഡന്റ് സ്‌കൂളില്‍ നടക്കുന്ന ആറാം ഖത്തര്‍ മലയാളി സമ്മേളനത്തിന്റെ രജിസ്‌ട്രേഷന്‍ ആരംഭിച്ചു. നവംബര്‍ 18ന് രാവിലെ ആരംഭിക്കുന്ന പഠനക്യാമ്പിലേക്കാണ് രജിസ്‌ട്രേഷന്‍ നടക്കുന്നത്. ബിന്‍മഹ്മൂദ് ഇസ്ലാഹി സെന്റര്‍ അങ്കണത്തില്‍ നടന്ന ചടങ്ങില്‍ സമ്മേളന സ്വാഗതസംഘം രക്ഷാധികാരി എ.കെ.ഉസ്മാന്‍, വൈസ് ചെയര്‍മാന്‍ കെ.കെ.സുധാകരന് കൂപ്പണ്‍ നല്‍കിക്കൊണ്ട് ഉദ്ഘാടനം നിര്‍വഹിച്ചു.
'ധാര്‍മികതയിലൂടെ അനശ്വരശാന്തി' എന്ന പ്രമേയത്തില്‍ നടക്കുന്ന സമ്മേളനത്തിന്റെ മുന്നോടിയായി നിരവധി കലാകായിക മല്‍സരങ്ങള്‍ക്ക് സംഘാടകസമിതി രൂപം നല്‍കിയിട്ടുണ്ട്. സ്‌കൂള്‍ കുട്ടികള്‍ക്കായി കഥാരചന, മലയാള പ്രതിഭാ മത്സരം, 16 വയസ്സിന് മുകളിലുള്ള ലോകത്തിന്റെ ഏതു ഭാഗത്തുള്ള മലയാളികള്‍ക്കും പങ്കെടുക്കാവുന്ന പ്രബന്ധ രചനാ മല്‍സരം, ഫുട്‌ബോള്‍, വോളിബോള്‍, കമ്പവലി തുടങ്ങിയ ഇനങ്ങളിലായി കായിക മല്‍സരങ്ങള്‍ അടുത്ത ദിവസങ്ങളിലായി നടക്കും.
മത്സരങ്ങളെക്കുറിച്ചും സമ്മേളനത്തെക്കുറിച്ചും കൂടുതല്‍ വിവരങ്ങള്‍ക്ക് 44416422/33572989 എന്നീ ഫോണ്‍ നമ്പറുകളിലും info@malayaliconference.com എന്ന ഇമെയില്‍ വിലാസത്തിലും ബന്ധപ്പെടുക.
0 വായനക്കാരുടെ പ്രതികരണങ്ങൾ :
Post a Comment
അസ്സലാമു അലൈക്കും...
സുഹൃത്തെ,
എഴുതൂ താങ്കളുടെ അഭിപ്രായങ്ങള്‍...
സ്നേഹത്തോടെ,
ടീം,
ഇസ്‌ലാഹിന്യൂസ്.കോം