ഹജ്ജ്‌ സമര്‍പ്പണത്തിന്‍റെ സന്ദേശം : ശംസുദ്ധീന്‍ പാലക്കോട്

കണ്ണൂര്‍: ദൈവിക നിയമങ്ങള്‍ക്ക്‌ വിധേയപ്പെട്ട്‌ ജീവിക്കാമെന്ന സമര്‍പ്പണത്തിന്റ സന്ദേശമാണ്‌ ഹജ്ജിലൂടെ നിര്‍വഹിക്കപ്പെടുന്നതെന്ന്‌ കെ എന്‍ എം കണ്ണൂര്‍ ജില്ല സെക്രട്ടറി ശംസുദ്ദീന്‍ പാലക്കോട്‌ പറഞ്ഞു. കണ്ണൂര്‍ സലഫി ദഅ്‌വ സെന്ററില്‍ നടന്ന ഹജ്ജ്‌ പഠനക്ലാസ്സ്‌ ഉദ്‌ഘാടനം ചെയ്യുകയായിരുന്നു അദ്ദേഹം. മനുഷ്യരെല്ലാം ഒന്നാണ്‌ എന്ന സമഭാവന സൃഷ്‌ടിച്ചെടുക്കാന്‍ ഹജ്ജിലൂടെ സാധിക്കുന്നു. മനുഷ്യബന്ധങ്ങള്‍ നന്നാക്കാനും സാമ്പത്തിക വിശുദ്ധി കൈവരിക്കാനും ഹജ്ജ്‌ അവസരമൊരുക്കുന്നുണ്ടെന്നും അദ്ദേഹം പറഞ്ഞു. സി സി ശക്കീര്‍ ഫാറൂഖി അധ്യക്ഷത വഹിച്ചു. പി ഹംസ മൗലവി ക്ലാസ്സെടുത്തു.