റിയാദ്: ഖത്തര്‍ ആസ്ഥാനമായി പ്രവര്‍ത്തിക്കുന്ന ഫോക്കസ് ഇന്റര്‍നാഷണലിന്റെ സൗദിയിലെ രണ്ടാമത്തെ ബ്രാഞ്ച് 'ഫോക്കസ് റിയാദ്' നിലവില്‍ വന്നു. അധാര്‍മികതയുടെ അധിനിവേശത്തിന്റെ അടിമകളായി മാറുന്ന യുവതയെ ധര്‍മ്മത്തിന്റെ പാതയിലേക്ക് പ്രയാണം ചെയ്യിക്കേണ്ടദൗത്യമാണ് ഫോക്കസ് റിയാദ് ഏറ്റെടുത്തിരിക്കുന്നത്. സാഹോദര്യം, സ്രഷ്ടാവിനോടുള്ള അനുസരണം, സമൂഹത്തോടുള്ള ബൗദ്ധികവും വൈകാരികവുമായ കടപ്പാട്, ഐക്യം, സേവനം, എന്നിവയാണ് 'ഫോക്കസ് റിയാദ്' ഉയര്‍ത്തിപ്പിക്കുന്ന മുദ്രാവാക്യം. യുവ തലമുറയെ ക്രിയാത്മക പ്രവര്‍ത്തനങ്ങളിലേക്ക് നയിക്കുക, സമൂഹ നന്മക്ക് യുവാക്കളെ പ്രാപ്തരാക്കുക, ജന സേവന രംഗത്ത് സാന്നിധ്യമറിയിക്കുക, വിദ്യാഭ്യാസ-തൊഴില്‍ മേഖലകളില്‍ മാര്‍ഗനിര്‍ദേശം നല്‍കുക ആരോഗ്യ പരിരക്ഷണ രംഗത്ത് സജീവ പങ്കാളിത്തം ഉറപ്പുവരുത്തുക, കലാ കായിക മത്സരങ്ങള്‍ സംഘടിപ്പിക്കുക, തുടങ്ങിയവയാണ് ഫോക്കസ് റിയാദിന്റെ പ്രധാന പ്രവര്‍ത്തന മേഖലകള്‍.
ഫോക്കസ് റിയാദിന്റെ സി.ഇ.ഒ. ആയി സിറാജുദ്ദീന്‍ കാസര്‍കോടിനെയും അഡ്മിനിസ്‌ട്രേറ്റീവ് മാനേജറായി റഷീദ് വടക്കനെയും തെരഞ്ഞെടുത്തു. ഡപ്യൂട്ടി സി.ഇ.ഒ. ആയി ഷംസുദ്ദീന്‍ ശ്രീകണ്ഠപുരം,അഡ്മിനിസ്‌ട്രേറ്റീവ് കോഓര്‍ഡിനേറ്റര്‍മാരായി അശ്‌റഫലി തൊടികപുലം, ശംസുദ്ദീന്‍ മദനി എന്നിവരെയും വിവിധ വകുപ്പ് മാനേജര്‍മാരായി അബ്ദുല്‍ റസാക്ക് മദനി, സലീം ചാലിയം, ബഷീര്‍ ഒളവണ്ണ, എന്‍.വി. മുഹമ്മദ് തെയ്‌സീര്‍ അരീക്കോട്, ബഷീര്‍ ആലുവ, സൈഫുദ്ദീന്‍ എടവണ്ണ, ഫയാസ് താനൂര്‍, അബ്ദുസ്സമദ് പളിക്കല്‍, ബദറുദ്ദീന്‍ പുളിക്കല്‍, ശംസീര്‍ ചെറു വാടി എന്നിവരെയും തെരഞ്ഞെടുത്തു.
0 വായനക്കാരുടെ പ്രതികരണങ്ങൾ :
Post a Comment
അസ്സലാമു അലൈക്കും...
സുഹൃത്തെ,
എഴുതൂ താങ്കളുടെ അഭിപ്രായങ്ങള്‍...
സ്നേഹത്തോടെ,
ടീം,
ഇസ്‌ലാഹിന്യൂസ്.കോം