കൊയിലാണ്ടി: ഖുര്‍ആന്‍ വ്യക്തി സംസ്‌കരണത്തിന്റെയും സാമൂഹ്യ മാറ്റത്തിന്റെയും പ്രഭവ കേന്ദ്രമാണെന്ന്‌ ഐ എസ്‌ എം സംസ്ഥാന പ്രസിഡണ്ട്‌ മുജീബ്‌റഹ്‌മാന്‍ കിനാലൂര്‍ അഭിപ്രായപ്പെട്ടു. ഐ എസ്‌ എം കോഴിക്കോട്‌ നോര്‍ത്ത്‌ ജില്ലാകമ്മറ്റി സംഘടിപ്പിച്ച ഖുര്‍ആന്‍ സെമിനാര്‍ ഉദ്‌ഘാടനം ചെയ്യുകയായിരുന്നു അദ്ദേഹം. ഖുര്‍ആന്‍ പഠനമെന്നത്‌ ജീവിതത്തിനുള്ള പരിശീലനമാണ്‌. ഖുര്‍ആന്‍ പഠനവേദികളും മത്സരങ്ങളും കേവലം പരിപാടികളല്ല, മറിച്ച്‌ ജീവിതത്തെ പരിവര്‍ത്തിപ്പിക്കാനുള്ള ഉപാധികളാണ്‌. ഖുര്‍ആനിക നിര്‍ദേശങ്ങള്‍ പാലിച്ചുകൊണ്ടുള്ള ജീവിതം നയിക്കുന്നവര്‍ക്ക്‌ സാമൂഹ്യതിന്മകളെയും ദുരാചാരങ്ങളെയും വര്‍ജിക്കാന്‍ കരുത്ത്‌ ലഭിക്കുമെന്നും അദ്ദേഹം പറഞ്ഞു.
പി എം എ ഗഫൂര്‍, ഇ വി അബ്ബാസ്‌ സുല്ലമി തുടങ്ങിയവര്‍ പ്രഭാഷണം നടത്തി. ഐ എസ്‌ എം ജില്ലാ പ്രസിഡണ്ട്‌ നൗഷാദ്‌ കുറ്റിയാടി അധ്യക്ഷത വഹിച്ചു. ടി പി മൊയ്‌തു, ടി വി മുഹമ്മദ്‌ നജീബ്‌, നൂറുദ്ദീന്‍ കൊയിലാണ്ടി പ്രസംഗിച്ചു.
0 വായനക്കാരുടെ പ്രതികരണങ്ങൾ :
Post a Comment
അസ്സലാമു അലൈക്കും...
സുഹൃത്തെ,
എഴുതൂ താങ്കളുടെ അഭിപ്രായങ്ങള്‍...
സ്നേഹത്തോടെ,
ടീം,
ഇസ്‌ലാഹിന്യൂസ്.കോം